Лука 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ваъза-хабар болъолъ, Симонхъа нисос: – Ралъадбала гилъилла мицаъ гамана мокъонна, тӀутӀа дибо биса̄ йовахцас къӣ.

Симони Гьолцол жаваб нилӀийо: – Йа̄ НасигьатсукӀо! Гьуᵸлъ нише-хишей ла тӀутӀдана илол гьоᵸсна биса михъеэш. Амма Ми нисойо йаьже йугъолечӀе до гьаᵸкъкъаса̄за къӣ тӀутӀал. Вагьла̄ нисогъа тӀулӀлӀо, гьоллол тели биса михъойо. Биса̄ла йаькъкъолъилахъа къӣ йа̄ьхал йуьᵸхолъийо.

ГьулилӀо нисода, аьдамла гаьчӀела мицаъ эᵸкьена тӀаъатлиъ ахъца зукъойо.

До гогьна гей муъмилла гаьчӀел, муна̄пикъла ийабалӀал, гьолло тавба бовал балӀлӀо.

Вагьли йегалъ, Симон-Петри Исала мицна̄дой аьᵸйда̄ суждалкьана эчена нисойо: – Йа̄ БетӀерчӀахъаяв, олъо дидойс Ми! До гей мунагьла̄с оцӀийо сукӀо!

Иса гьоллол жаваб богьна нисос: – КӀовакӀовалла̄ъ, сахаб сукӀоба̄л дохтурлис комак батӀаъас.

Гама̄на мицакьана кьисабана, гаьлъгъа къацӀцӀо жона йечаннегьна, гьолло̄л Исагъой къацӀо мекьейо.

Гьуна Исал, сид шагьарбаъ оᵸкъолъ, къацӀцӀо магъокьа барас унти чӀалӀейо гьоᵸс кӀокӀойо сукӀо эгас. Иса эгалъ, гьули сукӀо Гьоцодой аьᵸйда̄ мотӀо лӀийода̄ къе̄на экна гьардизи ахъал уьᵸхолъча: – Йа̄ БетӀерчӀахъаяв! Дул адда, до Дӯхъа аᵸцонна сагъ огьна ахъца! КӀокӀовал ко̄на йеᵸхенна Иса нисойо: – Дил атӀна гей: ми аᵸцо, сагъна ахъ! Нисослаъзу чӀалӀейо жона магъокьа кьодос йекна, гьули сукӀо аᵸцона сагъ ахъийо.

Амма Исас хабар халкъилаъ гьех митемекьейо. Гьолцохъа энекзи бахъална, унтилаъас сагъ бахъална тели аьдамла мовакъос зувакъойо.