Lukas 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Cale pub rua lwmtug, Vaajtswv txhaj yuav pub rua mej. Vaajtswv yuav luj kuas txaus nkaus, muab tswm, muab cu hab tseem yuav muab kuas phwj yawg lug rua ntawm mej lub xubndlag. Mej muab lub luaj lecaag luj rua lwmtug lawm, Vaajtswv yuav muab lub luaj le ntawd luj rov rua mej.”

Tug tuabneeg zoo yeej rhu tau yaam zoo kws nwg tub muab ntim ca rua huv nwg lub sab lawm coj lug has. Tug tuabneeg phem yeej rhu tau yaam phem kws nwg tub muab ntim ca rua huv nwg lub sab lawm coj lug has. Ruaqhov lub sab xaav puvnpo lecaag tes lub ncauj yeej has tawm lug le ntawd.

“Tabsis mej yuavtsum hlub mej cov yeebncuab hab ua zoo rua puab; mej cale qev rua puab hab tsi xob casab has tas mej yuav tau ib yaam dlaabtsi rovqaab lug. Yog mej ua le ntawd, mej yuav tau nqezug ntau, hab mej yuav tau ua Vaajtswv tug kws muaj Fwjchim Tshaajplawg cov mivnyuas. Ruaqhov Vaajtswv yeej hlub cov tuabneeg kws mom luas txheej hab cov tuabneeg phem huv tuabsi.

Mej yuavtsum muaj lub sab taabncuab ib yaam le mej Leejtxiv tug kws muaj lub sab taabncuab.

“Tsi xob txavtxim rua lwmtug, Vaajtswv txhaj yuav tsi txavtxim rua mej; mej tsi xob rautxim rua lwmtug, Vaajtswv txhaj yuav tsi rautxim rua mej; cale zaamtxim rua lwmtug, Vaajtswv txhaj yuav zaamtxim rua mej.

“Tabsis Kuv has rua mej cov kws taabtom noog Kuv qha has tas: hlub mej cov yeebncuab hab ua zoo rua cov kws ntxub mej, foom koobmoov zoo rua cov kws foom phem rua mej, hab thov Vaajtswv rua cov tuabneeg kws ua tsi zoo rua mej.

Yog mej xaav kuas lwmtug ua lecaag rua mej, mej yuavtsum ua ib yaam le ntawd rua lwmtug hab.

Yog leejtwg ntaus koj ib saab plhu, koj cale tig saab tod rua nwg ntaus hab. Yog leejtwg txhaav koj lub tsho kws naav tuaj saabnrau, koj cale hle lub saabhuv rua nwg hab. Txhua tug kws thov mej ib yaam dlaabtsi, mej cale muab rua puab, hab yog leejtwg cale muab mej ib yaam dlaabtsi lawm, mej tsi xob yuam kuas nwg xaa rovqaab tuaj.

“Tsob ntoo zoo yeej tsi txi cov txiv phem lossis tsob ntoo phem yeej tsi txi cov txiv zoo.

Koj yuav paub tas tsob ntoo ntawd zoo lossis phem yog lug ntawm nwg cov txiv. Tuabneeg yeej tsi dle txiv ncuavpas ntawm tsob xuavpaug nqai hlau, hab tsi dle txivmaab ntawm tsob xuavpaug paaj ntshaa.