ܩܘܗܠܬ 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ܣܵܒܵܒ ܠܐ݇ܢܵܫܵܐ ܕܝܼܠܹܗ ܛܵܒ݂ܵܐ ܩܵܕ݇ܡ ܥܲܝܢܹܗ، ܐܲܠܵܗܵܐ ܟܹܐ ܝܲܗ݇ܒܸܠ ܚܸܟ݂ܡܬܵܐ، ܘܝ݇ܕܲܥܬܵܐ، ܘܚܲܕܘܼܬܵܐ، ܐܝܼܢܵܐ ܠܚܲܛܵܝܵܐ ܟܹܐ ܝܲܗ݇ܒܸܠ ܟܸܟ̰ܚܵܐ، ܠܓ̰ܲܡܘܼܥܹܐ ܘܠܟܲܦܘܼܫܹܐ، ܠܝܼܵܗ݇ܒ݂ܵܐ ܠܗ̇ܘ ܕܝܼܠܹܗ ܛܵܒ݂ܵܐ ܩܵܕ݇ܡ ܐܲܠܵܗܵܐ. ܐܘܼܦ ܐܵܗܵܐ ܣܪܝܼܩܘܼܬܵܐ ܝܠܵܗ̇ ܘܩܦܵܝܬܵܐ ܕܦܵܘܚܵܐ.

ܠܲܝܬ ܒܘܼܫ ܨܦܵܝܝܼ ܠܐ݇ܢܵܫܵܐ ܡ̣ܢ ܕܐܵܟܹܠ ܘܫܵܬܹܐ ܘܡܲܒܣܸܡ ܠܵܗ̇ ܓܵܢܹܗ ܒܥܲܡܠܹܗ. ܐܘܼܦ ܐܵܗܵܐ ܚܙܹܐ ܠܝܼ ܐܵܢܵܐ ܕܡ̣ܢ ܐܝܼܕܵܐ ܕܐܲܠܵܗܵܐ ܝܠܵܗ̇. ܣܵܒܵܒ ܡܵܢܝܼ ܡܵܨܹܐ ܐܵܟܹܠ ܘܡܵܢܝܼ ܡܲܒܣܸܡ ܒܠܵܐ ܕܝܼܹܗ؟

ܗ̇ܝܓܵܗ ܦܘܼܟܸܪܝܼ ܐܵܢܵܐ ܒܟܠܲܝܗܝ ܦܘܼܠܚܵܢܹ̈ܐ ܕܐܝܼܕܵܬܝܼ̈، ܘܒܥܲܡܠܵܐ ܕܥܒ݂ܝܼܕ ܠܝܼ، ܘܗܵܐ، ܟܠܹܗ ܣܪܝܼܩܘܼܬܵܐ ܝܠܹܗ ܘܩܦܵܝܬܵܐ ܕܦܵܘܚܵܐ، ܘܠܲܝܬ ܝܘܼܬܪܵܢܵܐ ܬܚܘܿܬ ܫܸܡܫܵܐ.

ܘܟܠ ܕܛܠܝܼܒ ܠܗܘܿܢ ܥܲܝܢܝܼ̈ ܠܵܐ ܚܣܝܼܟ݂ ܠܝܼ ܡܸܢܲܝܗܝ، ܠܵܐ ܡܘܼܟܠܹܐ ܠܝܼ ܠܸܒܝܼ ܡ̣ܢ ܟܠ ܚܲܕܘܼܬܵܐ، ܣܵܒܵܒ ܠܸܒܝܼ ܚܕܹܐ ܠܹܗ ܒܟܠܹܗ ܥܲܡܠܝܼ، ܘܐܵܗܵܐ ܗܘܹܐ ܠܹܗ ܣܵܗܡܝܼ ܡ̣ܢ ܟܠܹܗ ܥܲܡܠܝܼ.

ܘܚܙܹܐ ܠܝܼ ܐܵܢܵܐ ܠܚܸܟ݂ܡܬܵܐ ܒܘܼܫ ܝܲܬܝܼܪܬܵܐ ܡ̣ܢ ܣܲܟ݂ܠܘܼܬܵܐ، ܐܲܝܟ݂ ܕܒܲܗܪܵܐ ܒܘܼܫ ܝܲܬܝܼܪܵܐ ܡ̣ܢ ܚܸܫܟܵܐ.

ܚܲܟܝܼܡܵܐ ܥܲܝܢܘܼ̈ܗܝ ܦܬܝܼܚܹܐ ܝܢܵܐ، ܐܝܼܢܵܐ ܣܲܟ݂ܠܵܐ ܒܚܸܫܟܵܐ ܟܹܐ ܚܵܕܹܪ. ܘܝ݇ܕܝܼܥ ܠܝܼ ܐܘܼܦ ܐܵܢܵܐ ܕܚܕܵܐ ܬܲܦܩܘܼ ܟܹܐ ܬܵܦܩܵܐ ܠܟܠܲܝܗܝ.

ܣܵܒܵܒ ܐܝܼܬ ܐ݇ܢܵܫܵܐ ܕܥܒ݂ܝܼܕ ܠܹܗ ܥܲܡܠܹܗ ܒܚܸܟ݂ܡܬܵܐ، ܘܒܝ݇ܕܲܥܬܵܐ، ܘܒܟܲܫܝܼܪܘܼܬܵܐ، ܘܝܘܼܗ݇ܒ݂ܵܐ ܠܹܗ ܛܥܘܼܢܬܵܐ ܕܦܘܼܠܚܵܢܹܗ ܩܵܐ ܐ݇ܢܵܫܵܐ ܕܠܵܐ ܥܒ݂ܝܼܕ ܠܹܗ ܥܲܡܠܵܐ ܒܝܼܹܗ. ܐܘܼܦ ܐܵܗܵܐ ܣܪܝܼܩܘܼܬܵܐ ܝܠܵܗ̇ ܘܒܝܼܫܬܵܐ ܓܘܼܪܬܵܐ.