ܕܢܝܐܝܠ 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ܘܕܵܢܝܼܐܹܝܠ، ܟܲܕ ܝ݇ܕܝܼܥ ܠܹܗ ܕܪܫܝܼܡܵܐ ܝܗ݇ܘܵܐ ܟܬܵܒ݂ܵܐ، ܥܒ݂ܝܼܪܹܗ ܠܒܲܝܬܹܗ ܘܟܵܘܵܬܹ̈ܐ ܕܒܥܸܠܝܼܬܹܗ ܦܬܝܼܚܹܐ ܠܒܲܠܩܘܼܒ݂ܠ ܕܐܘܿܪܸܫܠܸܡ، ܘܬܠܵܬ ܓܵܗܹ̈ܐ ܒܝܵܘܡܵܐ ܗ̇ܘ ܟܹܐ ܒܵܪܹܟ ܗ݇ܘܵܐ ܥܲܠ ܒܘܼܪ̈ܟܵܟܘܼܗܝ، ܘܨܲܠܹܐ ܗ݇ܘܵܐ ܘܫܲܟܸܪ ܗ݇ܘܵܐ ܩܵܕ݇ܡ ܐܲܠܵܗܹܗ، ܕܵܐܟ݂ܝܼ ܕܟܹܐ ܥܵܒܹܕ ܗ݇ܘܵܐ ܡ̣ܢ ܩܵܕ݇ܡܵܝܬܵܐ.

ܐܲܠܵܗܝܼ ܫܘܼܕܸܪܹܗ ܡܲܠܲܐܟܹܗ، ܘܐ݇ܟ̰ܝܼܡ ܠܹܗ ܦܘܼܡܵܐ ܕܐܲܪ̈ܝܵܘܵܬܹܐ، ܘܠܵܐ ܚܘܼܙܕܸܓܸܢܗܘܿܢ، ܣܵܒܵܒ ܩܵܕ݇ܡܘܼܗܝ ܙܲܟܵܝܵܐ ܦܝܼܫ ܠܝܼ ܡܫ݇ܟ̰ܝܼܚܵܐ، ܘܐܘܼܦ ܩܵܕ݇ܡܘܼܟ݂، ܝܵܐ ܡܲܠܟܵܐ، ܓܢܵܗܵܐ ܠܵܐ ܥܒ݂ܝܼܕ ܠܝܼ.“

ܡ̣ܢ ܠܟܸܣ ܠܝܼ ܡܘܼܬܒ݂ܵܐ ܝܠܹܗ ܦܘܼܩܕܵܢܵܐ، ܕܒܟܠܹܗ ܫܘܼܠܛܵܢܵܐ ܕܡܲܠܟܘܼܬܝܼ، ܐ݇ܢܵܫܹ̈ܐ ܗܵܘܝܼ ܒܸܪܓܵܕܵܐ ܘܒܸܙܕܵܥܵܐ ܡ̣ܢ ܩܵܕ݇ܡ ܐܲܠܵܗܵܐ ܕܕܵܢܝܼܐܹܝܠ، ܣܵܒܵܒ ܗ̇ܘ ܝܼܠܹܗ ܐܲܠܵܗܵܐ ܚܵܝܵܐ، ܘܡܩܵܘܝܵܢܵܐ ܝܠܹܗ ܠܥܵܠܡܝܼܢ، ܘܡܲܠܟܘܼܬܹܗ ܠܵܐ ܡܸܬܚܲܪܒ݂ܵܢܬܵܐ ܝܠܵܗ̇، ܘܫܘܼܠܛܵܢܹܗ ܗܲܠ ܥܵܠܲܡ. ܟܹܐ ܦܲܪܸܩ ܘܟܹܐ ܦܲܨܹܐ، ܘܟܹܐ ܥܵܒܹܕ ܢܝܼܫܲܢܩܹ̈ܐ ܘܥܵܓ̰ܸܒܘܵܬܹ̈ܐ ܒܫܡܲܝܵܐ ܘܒܐܲܪܥܵܐ، ܕܦܘܼܪܸܩ ܠܹܗ ܠܕܵܢܝܼܐܹܝܠ ܡ̣ܢ ܐܝܼܕܵܐ ܕܐܲܪ̈ܝܵܘܵܬܹܐ.“

ܗ̇ܝܓܵܗ ܡܲܠܟܵܐ ܦܩܝܼܕ ܠܹܗ، ܘܡܘܼܐܬܹܐ ܠܗܘܿܢ ܠܕܵܢܝܼܐܹܝܠ، ܘܕܪܹܐ ܠܗܘܿܢ ܠܓܘܼܒܵܐ ܕܐܲܪ̈ܝܵܘܵܬܹܐ. ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ ܠܕܵܢܝܼܐܹܝܠ، ”ܐܲܠܵܗܘܼܟ݂ ܕܐܲܢ݇ܬ ܟܹܐ ܦܵܠܚܹܬ ܐܸܠܹܗ ܐܲܡܝܼܢܵܐܝܼܬ، ܗ̇ܘ ܦܲܪܸܩ ܠܘܼܟ݂.“