फिलिप्पैकरांस पत्र 2:21-24

सामायिक करा

फिलिप्पैकरांस पत्र 2:21-24 इंडियन रीवाइज्ड वर्जन (IRV) - मराठी (IRVMAR)

कारण, सगळे स्वतःच्याच गोष्टी पाहतात, ख्रिस्त येशूच्या पाहत नाहीत. पण तुम्ही त्याचे शील हे जाणता की, जसा मुलगा पित्याबरोबर सेवा करतो, तशी त्याने शुभवर्तमानासाठी माझ्याबरोबर सेवा केली. म्हणून माझे काय होईल ते दिसून येताच, त्यास रवाना करता येईल अशी मी आशा करतो. पण मीही स्वतः लवकरच येईन असा प्रभूमध्ये मला विश्वास आहे.

फिलिप्पैकरांस पत्र 2:21-24 पवित्रशास्त्र, मराठी समकालीन आवृत्ती (MRCV)

इतर प्रत्येकजण स्वतःच्या फायद्याच्या गोष्टी पाहतात, येशू ख्रिस्ताच्या नाही. शुभवार्तेच्या कार्यात तीमथ्याने मला जसा पुत्र आपल्या पित्यास करतो, तसे साहाय्य करून स्वतःस सिद्ध केले हे तुम्हाला माहीत आहे. माझ्या सर्वगोष्टी व्यवस्थित होताच, त्याला तुमच्याकडे लवकर पाठविता येईल अशी मला आशा आहे; आणि मीही स्वतः लवकर येईन, असा प्रभूवर माझा भरवसा आहे.

फिलिप्पैकरांस पत्र 2:21-24 पवित्र शास्त्र RV (Re-edited) Bible (BSI) (MARVBSI)

कारण सर्व जण स्वतःच्याच गोष्टी पाहत असतात, ख्रिस्त येशूच्या पाहत नसतात; पण त्याचे शील तुम्हांला माहीत आहे की, जसा मुलगा बापाची सेवा करतो तशी त्याने सुवार्तेसाठी माझ्याबरोबर सेवा केली आहे. म्हणून माझे काय होणार आहे हे समजताच त्याला रवाना करता येईल अशी मला आशा आहे. तरी प्रभूमध्ये मला भरवसा आहे की, मीही स्वतः लवकर येईन.

फिलिप्पैकरांस पत्र 2:21-24 पवित्र शास्त्र CL New Testament (BSI) (MACLBSI)

इतर सर्व जण स्वतःच्याच गोष्टी पाहत असतात, ख्रिस्त येशूच्या पाहत नसतात, तीमथ्यचे महत्त्व तुम्हांला माहीत आहे की, जसा मुलगा त्याच्या वडिलांबरोबर सेवा करतो तशी आम्ही शुभवर्तमानासाठी एकत्रित सेवा केली आहे. माझे काय होणार आहे, हे समजताच त्याला रवाना करता येईल, अशी मला आशा आहे. तसेच प्रभूवर माझा भरवसा आहे की, मीही स्वतः लवकर तुमच्याकडे येईन.