KASAUKAN 33
33
Mantuum i Jakub ri Isau
1Kakito ri Jakub ra minatong i Isau nababaya' ra apat ngaatus ngaulun. Pantayaro' no anak-anak nano ri Liya, i Ragil am ra karuo ngaulun ulipon parulug nano. 2Pasiguluo' no karuo ngaulun ulipon ruandu' parulug nano nababaya' ra anak nilai, am pasunuo' no boo i Liya nababaya' ra anak-anak nano am i Ragil ri Jusup ra tinaulian toojo no. 3Sigulu toojo i Jakub risilo ngaangai' am kubu io ra tana' no intulu' saboi makainggaar io ra maayo nano. 4Kaa' pasimbul i Isau rapog ri Jakub, ganggali' no liog ri Jakub am alaki' no io, am pantangi' ilo ruo. 5Pampulolou Isau am kakito no ngaangai' ruandu' nababaya' ra anak nilai, pangkuot io, “Osoi ilo ti minaya' rirun ti?”
Taam i Jakub, “Ilo ti anak ondo' pinataak noyo ri Aki Kapuuno' ra ulipon muti.” 6Inggaar boo karuo ngaulun ulipon ruandu' parulug no nababaya' ra anak nilai am igulatur. 7Inggaar niayuk i Liya nababaya' ra anak-anak nano am igulatur. Pupus no, inggaar boo i Jusup am i Ragil am igulatur.
8Pangkuot i Isau, “Atan kia pakuan mu ra sampulalai ondo' nauma' kuni?”
Taam i Jakub, “Gitio koson makimasi' aku rirun.”
9Kaa' indagu i Isau, “Ali', masuang noyo raki'. Bulii' noyo rirun no.”
10Kon ri Jakub, “Kalo, alapo' noyo! Aka', amon ru apuon mu aku, alapo' noyo taak kuti. Sabap ra magilong aku ra bulos muno, koson ra magilong aku ra bulos ri Aki Kapuuno', sabap ra masamba kou kaga' raki'. 11Malansan aku ra apuo' noyo taak ondo' inibit kuno rirun. Sabap ra moonsoi kaga' i Aki Kapuuno' raki' am nanaak Io raki' ra ngaangai' no.” Jajali' ri Jakub i Isau saboi nangapu ra taak no.
12Indagu boo i Isau, “Tampos takano am ugar takau intor ragiti. Siguluin takamin.”
13Taam i Jakub, “Aka', nakapandai kono ra lalaing-lalaing ti mangalawo, am mangkara' aku poyo ra domba am ngaangai' ru bibiag ondo' lakat poyo tumiti'. Amon ru ulisokon ugar no kabalu' pana songorou ayuk, mamagatoi ilo ngaangai'. 14Pagulu kono am sumunu' aku ra liliwaan, mugar ra matataki' mababaya' ra biniag am anak-anak kuno saboi makarampot rirun giu' ra Idom.”
15Indagu i Isau, “Amon ru koon poyo ragino tatangin tokou ra kukula' ngaulun intor ra ulun kuno.”
Kaa' taam i Jakub, “Kalo pana ginio, makimasi' aku ayuk rirun.”#makimasi' aku ayuk rirun; kapoam amon ru kalo mapaganan kou. 16Orou raginio noyo naginutan ri Isau sumaguli' ra Idom. 17Kaa' ongoi i Jakub ra Sukot am panambaloi io ra giu' i am pambaal ra sisindungan ru biniag nano. Ginio ra intok no ininggalanan ra Sukot.#Sukot: Ralalom ragu Ibrani, inggalan ti makaarati' ra “intok sindungan”.
18Tatanga' pangkiralanan intor ra Misopotamia, pakasuku' i Jakub ra matanda' ra bandar Sikgim giu' ra pagun Kanaan, am pangkim io ra rondo' umo mamaar ra bandar no. 19#Jos. 24:32; Jua. 4:5Binali no tana' raginio intor ra papag ri Gamor, ama' ri Sikgim, am logo no maatus ngampila' ruit pirok. 20Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.
सध्या निवडलेले:
KASAUKAN 33: TMT
ठळक
कॉपी करा
तुलना करा
सामायिक करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Hakcipta © Bible Society of Malaysia, 2013.