इपिसियों 5

ऊजळा मनकाँ का जस्यान जीवो

1ईं वाते लाड़ला छोरा-छोरी के जस्यान ज्यो परमेसर करे वस्यानीस करो। 2#निर 29:18; भज 40:6मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

3थाँ तो परमेसर का मनक हो, ईं वाते थाँकामें कुकरम, कणी तरिया का हूँगला काम अन लोब-लाळच अस्सी बाताँ का बात-बच्यार भी थाँका बचमें ने वेणो छावे। 4लाज अन फोगट की बाताँ अन हूँगला चुटकला की बाताँ थाँका बचमें ने वेणी छावे, पण वाँकी जगाँ पे थाँने धन्नेवाद देणो छावे। 5थाँने ओ जाणणो हे के, कुकरमी, हूँगला मनक, अन लोबी मनक ज्यो मूरत पुजा करबावाळा का जस्यान हे अस्या मनकाँ का वाते मसी अन परमेसर का राज में बापोती कोयने हे।

6कुई थाँने फोगट की बाताँऊँ धोको ने दे, काँके ईं कामाँ का मस परमेसर की रीस वींकी आग्या ने, ने मानबावाळा पे भड़के हे। 7ईं वाते थाँ वाँका काम में भेळा मती रेज्यो। 8काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो। 9काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे। 10अन ओ परको के, परबू ने कई हव लागे हे। 11वणा अन्दारा का कामाँ में भेळा मती वो, पण वणा कामाँ ने चोड़े करो। 12काँके अस्या काम ज्याँने वीं छाने करे हे वाँ काम का बारा में बात करणी भी हरम की बात हे। 13वीं हाराई काम उजाळाऊँ चोड़े वेन हारई का हामे आवे हे। 14काँके उजाळोईस हे ज्यो हाराई ने चोड़े करे हे। ईं मस अस्यान केवे हे,

“ओ हुबावाळा, बेटो वे

अन मरिया मूँ जीवतो वेजा,

तो मसी को ऊजासो थाँरा पे चमकी।”

15ईं वाते ध्यानऊँ देको के, कस्यी चाल चालो हो, बना ग्यान का जस्यान ने पण अकलमन्दा का जस्यान चालो। 16#कुलु 4:5हाराई मोका ने हव तरियाऊँ काम में लो, काँके दन बोदा हे। 17ईं मस बना अकल का मती बणो, पण ध्यानऊँ हमजो के, परबू की मरजी कई हे। 18दारुँड़ीया मती बणो, काँके ईंऊँ नागाईपणो वेवे हे, पण आत्माऊँ भर जावो। 19#कुलु 3:16,17अन थाँ भजन, आत्मिक गीत अन परबू की बड़ई का गीत एक-दूँजा का वाते गावो अन आपणाँ-आपणाँ हरदाऊँ परबू का वाते भजन-भाव करता रो। 20अन हरदाण हारी बाताँ का वाते आपणाँ परबू ईसू मसी का नामऊँ आपणाँ बापू परमेसर को धन्नेवाद करता रेवो।

धणी अन लुगई

21थाँ मसी को आदर-मान राको हो, ईं वाते एक-दूँजा को केणो मानो।

22 # कुलु 3:18; 1 पत 3:1 ओ लुगायाँ, आपणाँ-आपणाँ धणी का केवाँ में रेवो जस्यान परबू का। 23काँके जस्यान मसी मण्डली को मुक्यो हे, वस्यानीस लुगई पे धणी को अदिकार हे अन विस्वास्याँ की मण्डली मसी को डील हे अन मसी मण्डली ने बंचाबावाळो हे। 24जस्यान मण्डली मसी का केवा में रेवे हे, वस्यानीस लुगायाँ भी हारी बाताँ में आपणाँ-आपणाँ धणी का केवा में रेणी छावे।

25-26 # कुलु 3:19; 1 पत 3:7 ओ धण्या, जस्यान मसी मण्डळीऊँ परेम राकन, वींने पाणी अन वसनऊँ धोन पुवितर बणाबा का वाते आपणाँ खुद ने बली कर दिदो। वस्यानीस थाँ भी आपणी-आपणी लुगायाऊँ परेम राको। 27ताँके मसी वणी मण्डली ने अस्यी पुवितर अन बना दोस की बणान सजी-धजी तकी आपणाँ हामे लावे, ज्यामें ने कळंक, ने हळ, ने कई अस्यी कमी वे। 28अणीस तरिया धणी आपणी-आपणी लुगईऊँ आपणाँ डील का जस्यान परेम राकणो छावे। ज्यो आपणी लुगईऊँ परेम राके हे, वो आपणाँ खुदऊँ परेम राके हे। 29काँके कणी भी कदीई आपणाँ डीलऊँ दसमणी ने राकी हे। जस्यान मसी मण्डली को पालण करन हार-हमाळ करे हे वस्यानीस थाँने भी आपणाँ डील को पालण करन हार-हमाळ करणो छावे, 30काँके आपाँ वाँका डील का अंग हा। 31#उत्प 2:24सास्तर केवे हे के, “ईं वाते मनक आपणाँ बई-बापू ने छोड़न आपणी लुगईऊँ मल्यो रेई, अन वीं दुई एक डील रेई।” 32ओ भेंद तो मोटो हे, पण मूँ ईंने मसी अन मण्डली का बारा में केवूँ हूँ। 33पण थाँ मूँ हाराई आपणी लुगईऊँ आपणाँ जस्यान परेम राको अन लुगई भी आपणाँ धणी को आदर-मान करे।

सध्या निवडलेले:

इपिसियों 5: एम टी आर

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

नुवो नेम (मेवड़ी नया नियम)बद्दल अधिक जाणून घ्या

इपिसियों 5