1 कुरिन्थियों 9

खन्दाया तका चेला की जिमेदारी

1कई मूँ आजाद ने हूँ? कई मूँ खन्दायो तको ने हूँ? कई में ईसू का दरसण ने किदा हे? कई थाँ हाराई मारा का काम का वजेऊँ परबू में ने आया हो? 2पलई मूँ दूजाँ का वाते खन्दायो तको चेलो ने हूँ, पण थाँका वाते तो मूँ खन्दायो तको हूँ, काँके थाँ परबू में मारा खन्दाया तका पे एक सबूत हो।

3ज्यो मनक मारी परक करणा छारिया हे, वाँका वाते मारो ओईस जवाब हे। 4कई माँने थाँका अटेऊँ खाबा-पिबा को अदिकार ने हे? 5यद्याँ माँ ब्याव किदो तको वेतो तो कई माँ खन्दाया तका चेला ने ओ अदिकार ने हे के, माँ माँकी लुगायाँ ने आपणाँ हाते ले जावाँ, जस्यान दूजाँ खन्दाया तका चेला पतरस अन परबू के भई किदो हो? 6कई मने अन बरनबास नेईस जीवन जीबा का वाते काम करणो छावे? 7कूण आपणाँ घर की कमई खान सपई को काम करे हे? कूण अंगूरा को बाग लगान वींको फळ ने खावे हे? कूण गवाळ्यो गारा की रुकाळी करन वाँको दूद ने पिवे?

8मूँ ईं बाताँ मनकाँ का रिति-रिवाजऊँईस बोलूँ हूँ कई? कई अणा बाताँ का बारा में सास्तर में ने लिक्यो हे? 9#वे.वि 25:4; 1 तिमु 5:18मूसा की वेवस्ता में ओ लिक्यो के, “खेता में काम करती दाण बळदाँ के हुण्डा मती लगावो।” कई परमेसर बेस बळदाँ का बारा मेंईस चन्ता करे हे? 10ने, खासतोरऊँ आपणाँ वाते केवे हे। हाँ आपणाँ वातेईस लिक्यो ग्यो हे, काँके हव हे के, हाकबावाळा आसऊँ हाके, अन काटबावाळा पावा की आस राके। 11#रोमि 15:27ईं वाते जद्याँ के, माँ थाँका बंच में आत्मिक बिजड़ा वाया हे, यद्याँ माँ थाँकाऊँ माँके सरीर के जरूत की चिजाँ पाबा आस राका हाँ, तो कई आ मोटी बात हे? 12जद्याँ दूजाँ को थाँका पे ओ अदिकार हे, तो कई माँको अणीऊँ हेलो कोयने?

पण माँ ओ अदिकार काम में ने लिदो, पण हारोई सेण करता रिया के, माँकाऊँ मसी का हव हमच्यार में कई रोक-टोक ने वेवे। 13#वे.वि 18:1कई थाँ ने जाणो के, ज्यो मनक मन्दर में सेवा करे हे, वीं आपणो खाणो मन्दरऊँइस खावे हे अन ज्यो वेदी पे बली चड़ाबा की सेवा करे हे, वो वीं वेदी की चड़ई तकी चिजाँ को हिस्सेदार हे। 14#मत्ती 10:10; लूका 10:7अणीस तरियाँ परबू भी ठेरायो हे के, ज्यो मनक हव हमच्यार हुणावे हे, वाँकी दानकी भी हव-हमच्यारऊँइस पुरी वेई।

15पण में अणा बाताँ ने काम में भी ने लिदी अन में ईं बाताँ अणी वाते ने लिकी के, मारा वाते अस्यान किदो जावे। जणी बात को मने मेपणो हे वींने माराऊँ कुई कोस ले अणीऊँ पेल्याँ तो मने मरणो हव हे। 16अन यद्याँ मूँ हव हमच्यार हूणाऊँ, तो मारो कई मेपणो ने हे, काँके ओ तो मारा वाते हव हे अन यद्याँ मूँ हव हमच्यार ने हूँणऊँ तो ओ मारा वाते कतरो बुरो वेई। 17काँके यद्याँ आपणी मरजीऊँ ओ करूँ हूँ, तो मूँ ईनाम के जोगो हूँ, पण यो काम तो मूँ मारी जिमेदारीऊँ करूँ हूँ काँके परमेसर मने यो काम हूँप्यो हे। 18ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

19काँके में हाराऊँ आजाद वेबा पे भी आपणाँ खुद ने हारोई को दास बणा दिदो हे, ताँके नरई लोगाँ का मन ने मसी का वाते जीत सकूँ। 20मूँ यहुदया का वाते यहूदी बण्यो ताँके वाँने मसी में ला सकूँ अन ज्यो मूसा का नेमा ने माने हे वाँका वाते मूँ वेवस्ता ने मानूँ हूँ, तद्याँ भी वेवस्ता ने मानी, ताँके वाँने भी मसी में ला सकूँ। 21ज्यो यहूदी ने हा वाँने ईसू में बंचाबा का वाते मूँ वाँके जस्यान बण्यो वो भी नेमा का विरोद में, ईंको यो मतलब ने की मूँ परमेसर का नेमाने ने मानूँ हूँ, पण मूँ तो मसी का नेमा के जस्यान जीवूँ हूँ। 22मूँ कमजोरा मनकाँ का वाते कमजोर बण्यो ताँके वाँका मन ने जीत सकूँ। मूँ हाराई मनकाँ का वाते हारोई बण्यो, कस्यान भी करन मूँ नरई ने बंचा सकूँ। 23ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

24कई थाँ ने जाणो हो के, दोड़ में तो हाराई दोड़बावाळा दोड़े हे, पण ईनाम तो वींनेईस मले ज्यो जीते हे, ईं वाते थाँ अस्यान दोड़ो के जीत थाँकी वे। 25अन हरेक खेल में हरेक खिलाड़ी हरेक तरियाऊँ खुद ने काबू में राकणो पड़े हे, वीं तो ओ हारोई एक नास वेबावाला मुकट पाबा का वाते करे हे पण आपाँ तो वणी मुकट का वाते करा हा ज्यो कदी कमलाई कोयने। 26ईं तरियाँ मूँ वीं मनक के जस्यान दोड़ूँ हूँ जिंका हामे एक मकसद वे। मूँ आक्याँ बन्द करन काम ने करूँ। 27पण मूँ आपणी देह ने घणी मेनत करान खुद का क्या में राकूँ हूँ, ताँके कटे अस्यान ने वे जावे के, दूजाँ का उपदेस देयाँ केड़े मूँ परमेसर का आड़ीऊँ बेकार मान्यो जाऊँ।

सध्या निवडलेले:

1 कुरिन्थियों 9: एम टी आर

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

नुवो नेम (मेवड़ी नया नियम)बद्दल अधिक जाणून घ्या

1 कुरिन्थियों 9