Jeremiya 45
45
Txithembiso txa Txizimu ka Bharuke
1 # Wona ni ka: 2 Vafu. 24:1; 2 Mak. 36:5-57; Dhan. 1:1-2. Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene: 2Mkoma, Txizimu txa ka Israyeli, ngu mhaka yako, awe Bharuke, a khene: 3U ti khawe: Dikhombo dangu koko! Nguko Mkoma a ni engetete xomulo kupandisekani kwangu: Se ni karate ngu kudila, kha ni mani kuhumula.
4U na m'gela tiya: Mkoma a khene:
Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni. 5U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.
सध्या निवडलेले:
Jeremiya 45: BEC2016
ठळक
कॉपी करा
तुलना करा
सामायिक करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
A Bíblia em Txitxopi © Bible Society in Mozambique, 2016.