Rom 16 मधील लोकप्रिय बायबल वचने

सामायिक करा

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte. Nai lokkumak dayom ele, amuam genab lokkumak dayom, amge gemu propet dilag yaakppa nai amu aakku miag atiom. Amu Kayak hanhan daatte ele, Nug a, danab iɗu iɗu oh, ag oolagppa genab dooglagnu, ag Nug oɗe dim lamidkkulagnu nai amu ig mehuqttem. Kayak, Nug nukka doyak dabmak ena ele, Nug Jesus Kristus nuhig uɗatppa hanhan binag amahlak oppiaawak ele awaɗ! Genab.