Intangiriro 39 मधील लोकप्रिय बायबल वचने

सामायिक करा

Uhoraho yari kumwe na Yozefu; agira ukuboko kwiza, aba umunyanzu wa shebuja, uwo Munyamisiri.

Ashinga Yozefu ibyo atunze byose, ntiyagira icyo yongera kugenzura, uretse kwita ku byo yaryaga! Yozefu yari mwiza wese, akagira mu maso heza.

Uwo mutware aha Yozefu gutegeka abanyururu bose bari mu buroko. Ibyo bahakoreraga byose, ni we wabikoreshaga.

Shebuja wa Yozefu aramufata, amuta mu buroko, ahafungirwaga imbohe z’umwami. Nuko Yozefu aguma mu buroko. Ariko Uhoraho aba kumwe na Yozefu, impuhwe ze zimwururukiraho, amuhesha ubutoni mu maso y’umutware w’uburoko.

Bukeye umugore wa shebuja areba Yozefu, aramubenguka; aramubwira ati «Turyamane.» We aranga, ahubwo abwira nyirabuja, ati «Dore databuja nta cyo akingenzuraho, ndetse yanshinze n’ibyo atunze byose. Uru rugo ntarundutamo, nta cyo ajya anyima, uretse wowe, kuko uri umugore we. None nashobora nte gukora ishyano nk’iryo, ngacumura ku Mana?»

Umunsi umwe Yozefu yinjira mu nzu gukora imirimo ye, nta n’umwe mu bantu bo mu rugo wari aho. Uwo mugore amufata umwenda, aramubwira ati «Turyamane!» Yozefu amurekera umwenda, ahunga asohoka.