1е Коринфянам 12 मधील लोकप्रिय बायबल वचने

सामायिक करा

Аглыӷналӷӣм Таӷныӷам лӣтыстыкаюга̄ аҳтуӷьяҳқа̄нӷилъыни ухпықатхун тунусялиткамикун. Тунусят китумун алңунак пиниҳқусиҳқа̄гут.

Қамахлъюси ухпықани Христосым югусиқӣси, налиӷнықуӷӣси.

Ата̄сиқ ақнинӷани қамахлъютың ақниқаюгӯт. Ата̄сиқ усюқылъыңынӷани қамахлъютың қуякаюгӯт.

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун. Та̄м ата̄сим Таӷныӷам ухпықилъылитаӷақақӣ иляңи югыт, иляңи аҳтуӷьяҳқа̄нӷилъылитақӣ на̄лъҳутияҳқа̄люки ақниӷныӷның. Таӷныӷам тӯныхкақӣ иляңи югыт алъя̄ҳлъюхўаҳтисиҳқамың. Иляңан югым тугуклъиқақа̄ уңипақилъыҳқақ Кияӷныӷым уңипа̄мың. Иляңан югым тугуклъиқақа̄ лӣгикилъыҳқақ Аглыӷналӷӣм Таӷныӷам налиӷмың туӷныӷа̄т иглыӷутңутаңа кина. Аглыӷналӷӣм Таӷныӷам акузистақӣ иляңи югыт алъя̄ҳӣнакун улюкун. Ынка̄м иляңитнун мумиҳқуҳтыстақӣ акузилъҳыт.

Қамахлъютың тама̄кут тунусят ата̄сикаҳтаҳаӷмың та̄хкын ата̄сигның Таӷныӷагның пиңӯт. Тӯньюкани тама̄кут налӣтның тунусяҳқами тӯнақӣ.

Ынка̄м югусиқ қыпҳақаюгӯқ қырңаӷми. Налиӷныӷым қамахлъютың афлъыңакақӣт илятың таўатыңўа̄қ.

Аглыӷналӷӣм Таӷныӷам тунусӣ алъяҳӣна̄гут, иўырңа тунусят қамахлъюки та̄м ата̄сим Таӷныӷам тунусяқӣ. Угляпихтуқ алъя̄ҳӣнақ қыпҳа̄тилъыҳқақ илямун, иўырңа та̄на ата̄сиқ Атанық қыпҳа̄тылъыңақуқ. Угля̄пихтуқ алъякулъҳӣ Кияӷныӷым қыпҳақа̄, иўырңа та̄м ата̄сим Кияӷныӷым пистақӣ хўаңкунъун.

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

Югусиқ ата̄сӣнӷитуқ налиӷнық, налиӷныҳтупихтуқ.

Ипапыста̄қ югусимта натаңи кая̄тысюгнилңӯт мыгнунапихтут.

Югусиқ ийыра̄ӷина̄яқуми, натынңам нагақуӷнаяҳта? Налиӷмың сигутыра̄ӷина̄яқуми, натынңам на̄ӷунъаяҳта сяпагнимың? Иўырңа Кияӷныӷым улимамаңитӣ югусипут таўатылъюки. Накмикыхкаминың налиӷнылиҳтуқақӣ. Югусиқ ата̄сӣяқуми налиӷнық югусӣнаянӷитуқ.