ኀበ ሰብአ ኤፌሶን 4 मधील लोकप्रिय बायबल वचने

सामायिक करा

ወኩኑ መሓርያነ ቢጽክሙ ወተጻገዉ በበይናቲክሙ በከመ ጸገወክሙ እግዚአብሔር በክርስቶስ።

እንዘ ታቴሕቱ ርእሰክሙ በኵሉ የውሀት ወትትዔገሡ ወኦሆ ትብሉ ለቢጽክሙ ወትጽሕቁ ለተፋቅሮ ወተኀብሩ።

ወኵሉ ነገር ሕሡም ኢይፃእ እምአፉክሙ ዘእንበለ ሠናይ በዘይትሐነጽ ትካዝክሙ ከመ ይርከቡ ሞገሰ እለ ይሰምዑክሙ።

ኵሎ መሪረ ወመዓተ ወቍጥዓ ወመርገመ ወመንሱተ ወፅርፈተ አእትቱ እምላዕሌክሙ ምስለ ኵሉ እኩይ።

ተምዑ ወኢተአብሱ ወዘእንበለ ይዕርብ ፀሐይ አቍርሩ መዓተክሙ። ወኢተሀብዎ ፍኖተ ለሰይጣን።

አእትቱ እምላዕሌክሙ ግዕዘክሙ ዘትካት እብል በእንተ ብሉይ ብእሲ ዘይማስን በፍትወተ ስሒት። ሐድሱ መንፈሰ ልብክሙ። ወልበስዎ ለሐዲስ ብእሲ ዘሐደሶ እግዚአብሔር በጽድቅ ወበርትዕ ወበንጽሕ።

ወትትዐቀቡ በአሐዱ መንፈስ ወበማዕሠረ ሰላም።

ወውእቱ ወሀበ ጸጋ ወከፈለ ወረሰየ እምሰብአ ዚኣሁ ሐዋርያተ ወእምኔሆሙ ነቢያተ ወመምህራነ ወእምኔሆሙ ኖሎተ ወእምኔሆሙ ሊቃውንተ። በዘይጸንዑ ቅዱሳን ለግብረ መልእክቱ ወለሕንጻ ሥጋሁ ለክርስቶስ። እስከ ንከውን ኵልነ አሐደ በሃይማኖት ወበአእምሮቱ ለወልደ እግዚአብሔር ወንኩን ከመ ዘአሐዱ ብእሲ ፍጹም ብጹሐ አምጣን በዐቅመ ፍጻሜሁ ለክርስቶስ።

ከመ ኢንኩን እንከ ደቂቀ ዘይተነትን ወይትሐወስ ምስለ ኵሉ ነፋስ ኀበ ትምይንተ ትምህርተ ዕጓለ እመሕያው እለ ይትመነገኑ በጕሕልቶሙ ከመ ያስሕቱ። አላ ንጽደቅ እንከ በተፋቅሮ ወንብዛኅ በኵሉ ዘብነ በክርስቶስ ዘውእቱ ርእስ።