متّی 23 मधील लोकप्रिय बायबल वचने

सामायिक करा

پر جیہڑا تُہاڈے وِچوں وَڈا اے سو تُہاڈا خادم ہوئے گا۔

تے جیہڑا کوئی اپنے آپ نُوں اُچیاں کرے گا سو نِیواں کِیتا جائے گا تے جیہڑا کوئی اپنے آپ نُوں نِیویاں کرے گا۔ سو اُچّا کِیتا جائے گا۔

ہائے افسوس تُہاڈے اُتّے فقِیہو تے فرِیسیو مکّارو ایس لئی پئی تُسی پُودنے تے سونف تے زِیرے دے اُتّے دَہ یکّی لاندے اوہ۔ پر شریعت دِیاں بھاریاں بھاریاں گلّاں نُوں یعنی عدالت تے رَحم تے اِیمان نُوں تُساں چھڈ دِتّا اے۔ چاہیدا سی پئی تُسی ایہناں نُوں کر دے تے اوہناں نُوں وی نا چھڈ دے۔

ہائے افسوس تُہاڈے اُتّے فقِیہو تے فرِیسیو مکّارو۔ تُسی کٹورے تے تھالی نُوں باہروں صاف کر دے ہو پر اوہ اندروں لُٹ تے بدپرہیزی نال بھرے ہوئے نیں۔

اَے یرُوشلِیم اَے یرُوشلِیم نبیاں نُوں مار سُٹّن والی تے اوہناں نُوں پتّھراؤ کرن والی جیہڑے تیرے کول گھلّے گئے سن۔ کِنی واری مَیں چاہندا ساں پئی تیرے بچّیاں نُوں اوسے طرح اکٹّھے کراں۔ جیویں کُکّڑی اپنے چُوچیاں نُوں کھنباں ہیٹھ اکٹّھے کر دی اے پر تُسی نئیں سو چاہندے۔

ایسے طرح تُسی وی باہروں تے لوکاں نُوں نیک جاپدے اوہ۔ پر اندروں مکر تے بے دِینی نال بھرے ہوئے اوہ۔