Eksodha 20 मधील लोकप्रिय बायबल वचने

सामायिक करा

“Ani ngani MKOMA Txizimu txako, awule a nga kuhumisa ditikoni ka Egipta, amu ka nyumba ya wukhumbi. U ngave ni simwani sizimu masoni kwangu.

U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu. U nga si khizamele, u txi si khozela; nguko ani MKOMA, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Thava tate wako ni mame wako kasiku masiku ako ma na engetelwa ka ditiko di u nga ningwa ngu MKOMA, Txizimu txako.

Alakanya ditshiku da Sabbata, u txi di sawulekisa.

U nga sakane ngu ditina da MKOMA Txizimu txako, nguko MKOMA kha na mbi mleka asi m'khawulisi awule a sakanako walo ngu ditina dakwe.

U na thuma amu ka mtxhanu wa masiku ni dimwedo, u txi maha yotshe mithumo yako. Aniko ka ditshiku da wutxhanu ni mambidi, ditshiku da Sabbata da MKOMA Txizimu txako. U nga thume mthumo ngu ka dona ditshikudo, awe ni mfana wako, ni dihorana dako, ni txithumi txako txa wamwamna ni txa wamsikati, hambi ni txifuyo txako, ni mpfhumba wule a ku ha m'tini kwako.

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

U nga lumbete mwakelani wako ngu wufakazi wa makuhu.

U nga mahe wugango.

U nga daye.

U nga pe.