KADADIAN 17 मधील लोकप्रिय बायबल वचने

सामायिक करा

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

Iatu sangammu tae’mo anna disa’bu’ Abram, sangadinna Abraham, belanna Kupaambe’namoko ba’tu sangapa budanna bangsa.

La Kutanan tu basseKu lan tangngata sia lako bati’ siosso’mu undinna, iamotu misa’ basse matontongan, kumua Aku tu mupoKapenomban sia napoKapenomban mintu’ bati’mu undinna.

Iatu Aku manassa tonganna den tu basseKu lako kalemu, sia la napoambe’ko ba’tu sangapa budanna bangsa.

Nakuami Puang Matua: Tonganna tongan, iatu Sara bainemu la napadiongko misa’ pia muane, la musangai Ishak, la Kutanan tu basseKu sola, iamotu misa’ basse matontongan, lako mintu’ bati’na undinna.

La kukamaseangko sia la Kukamasean bati’mu te padang munii mempue totemo, te mintu’ lili’na padang Kanaan la napopadang tontong sae lakona; na Aku la napoKapenomban.

Malinguntu’mi tu Abraham natukku rapa’ rokko padang nametaa, anna ma’kada lan penaanna nakua: Ma’dinraka tu to saratu’mo taunna undadian misa’ pia? Ma’dinraka tu Sara, tu kaseramo pulona taunna la kianakpa?

Sia Nakuapa tu Puang Matua lako Abraham: Iatu Sarai, bainemu, damo ammu sangai Sarai, sangadinna Sara tu sanganna.

La misunna’ tu kuli’ kasirisammi la tanda tasikna basse lan tangngata.

Apa iatu basseKu la Kutanan lako Ishak tu la napadadiangko Sara ke attu susite taun pole.

Iatu pia muane karuamo allona dadinna sipatu la disunna’, tu mintu’ muane siosso’mi, sia iatu mintu’ to dadi lan banuammu sia mintu’ to dialli doi’ dio mai to mambela, tu tangianna bati’mu. La muane dadi lan banuammu, la iatu dialli doi’na, tae’ anna tang disunna’duka. Anna iatu basseKu lan batang kalemi mendadi misa’ basse matontongan.