KATASSURAN 16 मधील लोकप्रिय बायबल वचने

सामायिक करा

Ma’kadami tu to Israel lako sola duai, nakua: A’a melo kengki mate Napata’paiora limanNa PUANG dio Mesir tongki untingayoipa kurin nanii duku’ sia ungkande roti sadia’ki, apa misolammokan tama te padang pangallaran la umpamate tangdia’i te kombongan iate. Ma’kadami tu PUANG lako Musa, Nakua: Tiromi, angKu paurannikomi roti dao mai langi’, anna tassu’ tu to buda urrampunni tu silasanna keallo-keallo, kumua angKu tobai ba’tu la naturu’ siai tu Sukaran alukKu, ba’tu tae’i.

Mintu’ tu kombonganna to Israel sipa’nuku-nukuan lako Musa sia Harun lan padang pangallaran.

Sia nakuapa Musa: Iake Napakandekomi duku’ PUANG te makaroen iate sia masiang melambi’ roti sadia’mi, iamotu belanna Narangimo PUANG tu pa’nuku-nukummi, tu mipa’nuku-nukuan lako Kalena. Apa tau aparakanni te? Iate pa’nuku-nukummi tae’ nalulako kaleki, sangadinna lu lako PUANG.

Kurangimo tu pa’nuku-nukunna to Israel; pokadanni, kumua iate makaroen iate la ungkandekomi duku’, anna masiang melambi’ la dipedia’ikomi roti, ammi issanni, kumua Akumo tu PUANG, Kapenombammi.