KATASSURAN 15 मधील लोकप्रिय बायबल वचने

सामायिक करा

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

PUANGmo tu oto’na kamatotorangku sia oto’na pa’pudiangku, Nanii bu’tu kamakarimmanangku. Iamo Kapenombangku, Iamoto angku la umpangke’i, Iamo Kapenombanna ambe’ku, iamoto angku la umpudii.

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

Belanna kamaturu-turuamMi Misolanni te bangsa iate, tu Milendokan; Sia tete dio kamatotoramMi amMi paela’ mana’pai lako inan maindanMi.

Rampomi tu tau iato mai lako Mara, apa iatu uai dio Mara tae’ nadiiru’ belanna mapai’, iamoto nasangai tau Mara. Attu iato sipa’nuku-nukuammi tu tau iato mai lako Musa, nakua: Apara la kiiru’? Meongli’mi tu Musa lako PUANG, Napadulluanni PUANG misa’ kayu, nabuangi tama uai iato, anna malino. Indemo to dio Nanii umpokadanni tu tau iato mai tu aluk Napondok sia atoran sia inde dukamoto Nanii untobai.