പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

ദൈവസന്നിധിയിൽ ഉണ്ട് ഒരു സ്മരണ പുസ്തകം

ദൈവത്തെ ആത്മാർഥമായി സേവിച്ചതുകൊണ്ടു ഒരു പ്രയോജനവുമില്ല എന്നു യഹൂദാജനം പരാതി പറഞ്ഞപ്പോൾ അതിനു മറുപടിയായി നീതിമാന്മാർക്കു ഉടൻ പ്രതിഫലം ലഭിക്കുമെന്ന് ദൈവം പറഞ്ഞില്ല. പക്ഷെ ദൈവഭക്തന്മാരുടെ സംസാരം ദൈവം ശ്രദ്ധിക്കുന്നുണ്ട്. അവർക്കുവേണ്ടി ഒരു സ്മരണപുസ്തകം ദൈവം സൂക്ഷിക്കുന്നുണ്ട്. അതിൽ ദൈവത്തെ ഭയപ്പെടുന്നവരുടെ പേരുകൾ കുറിച്ചുവച്ചിട്ടുണ്ട്. ഒരുനാൾ അവിടുന്നു പ്രത്യക്ഷനാകുമ്പോൾ ദൈവത്തെ സേവിക്കുന്നവനും സേവിക്കാത്തവനും തമ്മിലുള്ള വ്യത്യാസം മനസിലാകും. സ്മരണ പുസ്തകം ഏതുവിധത്തിലുള്ളതാണെന്നു നമുക്കറിയില്ല എങ്കിലും എല്ലാം അതിലുണ്ട്.