പ്രതിദിന ധ്യാന ചിന്തകൾ (ജെ.പി വെണ്ണിക്കുളം) - ഭാഗം 1ഉദാഹരണം

മുൻപേ നടക്കുന്ന ദൈവം

കത്തുന്ന മുൾപ്പടർപ്പിൽ പ്രത്യക്ഷപ്പെട്ട് മോശയെ വിളിച്ചു യിസ്രായേൽ മക്കളെ വിടുവിച്ചുകൊണ്ടുവരുവാൻ നായകനായി നിയമിച്ച ദൈവം എന്നും അവർക്ക് മുൻപേ നടന്നിരുന്നു. ബലമുള്ള കൈകൊണ്ടും നീട്ടിയ ഭുജം കൊണ്ടും ദൈവം അവരെ മിസ്രയീമിൽ നിന്നും പുറപ്പെടുവിച്ചു, പകൽ മേഘസ്തംഭവും രാത്രി അഗ്നിസ്തംഭവും നൽകി അവരെ അത്ഭുതമായി നടത്തി. യോശുവയും ദൗത്യം ഏറ്റെടുത്തപ്പോൾ അതുതന്നെ പറയുന്നു; 'ഉറപ്പും ധൈര്യവും ഉള്ളവനായിരിക്ക'. ഒരു മഹാസമൂഹത്തെ അന്ന് ദൈവം നടത്തിയെങ്കിൽ ഇന്നും അവിടുന്നു തന്റെ മക്കൾക്ക് മുമ്പേ നടക്കുന്നു.