Matyu 17
17
Jesus beɗu eɗuom
1Deɗ eblaih laippu uue, Jesus Nug Pita, Jems, Jon ele, ag omalatta, qauko okkai laappa te, ag akka daappig. Jems, Jon ele amu, aa am eamag. 2Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom. 3Anam amahalele amu, Moses, Elaiya ele aa tulai doeh, Jesus ele nai madippig. 4Mattiegeg amu, Pita nug Jesus amegppa aum. “Naɗi, ig aben imuppa daagnignu am enanag amunu, na appe, da peh ewam buukkul; nahip laippu, Mosesnu laippu, amu Elaiyanu laippu ele,” awa aum.
5Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum. 6Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig. 7Ag anam baɗan heegeg, Jesus Nug gumatta doa, aɗalatta, Nug ag amelagppa aum. “Ag aheg! Ag aib baɗappig.” 8Jesus anam a amu, ag ikkilag human, danab laa ii anidppig, Jesus nukkaib anidppig.
9Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum. 10Nug anam a amu, ippunittak awak danab ag Jesus oɗ medappig. “Aɗinu ihinig ɗo mehuqak danab ag, ‘Elaiya nug tatam uɗikkununab daatte; amu dimppa Kristus uɗikku,’ atteb?” aon appig. 11Aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, 12amge da ag amelagppa attem. Elaiya nug matu uɗiom amu ag nug ii dooppig, ag nuhigppa eheɗ hekkulagnu oolagppa dayom amu ag heppig. Amubia Danab Bekkalag da, da guittak meɗappeg dookkul,” awa aum. 13Jesus Nug nai anam mattieye, ippunittak awak danab ag Nug Layattak Jonnu aum dooppig.
Jesus Nug ouɗi nau laa lamittom
14Aria ag gona, danab ah kuɗum noolagppa teppig. Teeg amu danab laa nug Jesus toppa ukka, gateg qaun o aum. 15“Naɗi na nid danab dahilnu oot gai-iitta doon oot mettan ehanitte! Nuhig oɗe am beɗu mauhak, amu oɗe amuppa deɗ laala nug beɗu huan hahaɗeɗe, na qette. Haen kuɗum nug mauha, aab aɗuppa na qette amu leppa ele na qette. 16Amunu da nug awe, ippunittak awak danab nahipad gumatte gomi, amge ag heppeg ena daakkunu elele iitta,” awa aum. 17Nug anam a amu, Jesus nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum. 18Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.
19Jesus Nug anam he amu, ippunittak awak danab ag akkaib dona, Jesus oɗ medappig. “Aɗinu ig ouɗi nau amu lamidkkunignu elele iitta?” aon appig. 20Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele. 21((Amge ib laappa laa nug ouɗi nau imubia ii lamidma. Iitta. Unuqittak, amu ee ohnu kud ma dayaknu ele amuppaib,” awa aum.))
Jesus Nug mauhowa, eɗua hippaidkkunu baula aum
22Jesus Nug anam a, ag oh Galili gona daanna, Jesus Nug ippunittak awak danab amelagppa baula aum. “Danab Bekkalag da amu, laa nug geha da danab eppelagppa meiɗeb, 23ag heppeg da mauhkkul. Mauhppi, deɗ ewamppa Kayak heeb, da eɗue hippaidkkul,” awa aum. Nug anam a, nuhikkud ippunittak awak danab ag oolagppa uugnab dooppig.
Jesus Nug mana mettaknu takis aum
24Amu dimppa ag gona Kaperneam teppig. Teeg amu Kayaknu mettid lagnu takis awak danab ag Pita toppa uɗin inam appig. “Ahilag ippunittak danab Nug Kayaknu mettid lakkanu takis hettete o iittate?” oɗ medappig. 25Ag anam oɗ mettaeg amu Pita nug, “Yo,” awa aum. Nug anam ana, lag ooppa no, amu Jesus Nug tatam Pita oɗ mettom. “Saimon, na attem doottem? Wan imuppanu king ag aun toppanu takis aotteb? Ag bekkalkad, amu dilagppa aottebte? O iitta danab ah gumadtteb ele, ag amu dilagppan aottebte?” awa aum. 26Nug anam a amu Pita nug aum. “Ag gumadtteb dilagppan aotteb,” awa aum. Nug anam a amu Jesus nug oɗeppa awa aum. “Anam amu, ag bekkalkad dilagppanu takis ii aotteb. ⌊Da am Kayak Bekka amunu, da takis imu ii helom,⌋ 27amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.
നിലവിൽ തിരഞ്ഞെടുത്തിരിക്കുന്നു:
Matyu 17: NB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Matyu 17
17
Jesus beɗu eɗuom
1Deɗ eblaih laippu uue, Jesus Nug Pita, Jems, Jon ele, ag omalatta, qauko okkai laappa te, ag akka daappig. Jems, Jon ele amu, aa am eamag. 2Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom. 3Anam amahalele amu, Moses, Elaiya ele aa tulai doeh, Jesus ele nai madippig. 4Mattiegeg amu, Pita nug Jesus amegppa aum. “Naɗi, ig aben imuppa daagnignu am enanag amunu, na appe, da peh ewam buukkul; nahip laippu, Mosesnu laippu, amu Elaiyanu laippu ele,” awa aum.
5Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum. 6Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig. 7Ag anam baɗan heegeg, Jesus Nug gumatta doa, aɗalatta, Nug ag amelagppa aum. “Ag aheg! Ag aib baɗappig.” 8Jesus anam a amu, ag ikkilag human, danab laa ii anidppig, Jesus nukkaib anidppig.
9Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum. 10Nug anam a amu, ippunittak awak danab ag Jesus oɗ medappig. “Aɗinu ihinig ɗo mehuqak danab ag, ‘Elaiya nug tatam uɗikkununab daatte; amu dimppa Kristus uɗikku,’ atteb?” aon appig. 11Aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, 12amge da ag amelagppa attem. Elaiya nug matu uɗiom amu ag nug ii dooppig, ag nuhigppa eheɗ hekkulagnu oolagppa dayom amu ag heppig. Amubia Danab Bekkalag da, da guittak meɗappeg dookkul,” awa aum. 13Jesus Nug nai anam mattieye, ippunittak awak danab ag Nug Layattak Jonnu aum dooppig.
Jesus Nug ouɗi nau laa lamittom
14Aria ag gona, danab ah kuɗum noolagppa teppig. Teeg amu danab laa nug Jesus toppa ukka, gateg qaun o aum. 15“Naɗi na nid danab dahilnu oot gai-iitta doon oot mettan ehanitte! Nuhig oɗe am beɗu mauhak, amu oɗe amuppa deɗ laala nug beɗu huan hahaɗeɗe, na qette. Haen kuɗum nug mauha, aab aɗuppa na qette amu leppa ele na qette. 16Amunu da nug awe, ippunittak awak danab nahipad gumatte gomi, amge ag heppeg ena daakkunu elele iitta,” awa aum. 17Nug anam a amu, Jesus nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum. 18Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.
19Jesus Nug anam he amu, ippunittak awak danab ag akkaib dona, Jesus oɗ medappig. “Aɗinu ig ouɗi nau amu lamidkkunignu elele iitta?” aon appig. 20Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele. 21((Amge ib laappa laa nug ouɗi nau imubia ii lamidma. Iitta. Unuqittak, amu ee ohnu kud ma dayaknu ele amuppaib,” awa aum.))
Jesus Nug mauhowa, eɗua hippaidkkunu baula aum
22Jesus Nug anam a, ag oh Galili gona daanna, Jesus Nug ippunittak awak danab amelagppa baula aum. “Danab Bekkalag da amu, laa nug geha da danab eppelagppa meiɗeb, 23ag heppeg da mauhkkul. Mauhppi, deɗ ewamppa Kayak heeb, da eɗue hippaidkkul,” awa aum. Nug anam a, nuhikkud ippunittak awak danab ag oolagppa uugnab dooppig.
Jesus Nug mana mettaknu takis aum
24Amu dimppa ag gona Kaperneam teppig. Teeg amu Kayaknu mettid lagnu takis awak danab ag Pita toppa uɗin inam appig. “Ahilag ippunittak danab Nug Kayaknu mettid lakkanu takis hettete o iittate?” oɗ medappig. 25Ag anam oɗ mettaeg amu Pita nug, “Yo,” awa aum. Nug anam ana, lag ooppa no, amu Jesus Nug tatam Pita oɗ mettom. “Saimon, na attem doottem? Wan imuppanu king ag aun toppanu takis aotteb? Ag bekkalkad, amu dilagppa aottebte? O iitta danab ah gumadtteb ele, ag amu dilagppan aottebte?” awa aum. 26Nug anam a amu Pita nug aum. “Ag gumadtteb dilagppan aotteb,” awa aum. Nug anam a amu Jesus nug oɗeppa awa aum. “Anam amu, ag bekkalkad dilagppanu takis ii aotteb. ⌊Da am Kayak Bekka amunu, da takis imu ii helom,⌋ 27amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.