Matyu 16
16
Laa ag Jesus Nug epponak keeke heeb anidkkulagnu appig
1Deɗ laa ɗo gumak danab-Parasia amu ɗo gumak danab-Sadyusi ele ag Jesus gumidna gona, ag Jesus ma anttak mettanna, Nug Kayak dabmettaknu kobol danab haknu elele iitta laa heeb anidkkulagnu oɗ medappig, 2amge Jesus Nug nob ma aum. “Haen tueb meum amu, ag atteb, ‘Aam aam eeɗe, hab kokoɗ eppom amunu, atu ena daakku,’ aon atteb. 3Aria buttua amu ag atteb, ‘Gemu amu lombig hinqak, hab am kokoɗ amunu haen nau, gu ulah ele daakku,’ aon atteb. Ag hab waappan keeke epeɗikkulagnu dootteb, amge ag haen gemu imunu Kayak dabmettaknu kobol danab haknu elele iitta daatteb anidna epeɗikkulagnu ii dootteb. 4Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Jona nuhigppa aɗi beum aakkuib ag ippunadkkul.” Jesus anam awowa, Nug uuatta ukkom.
5Uuatta ukke, Jesus Nug nuhikkud ippunittak awak danab ele uubppa tena, le ameg mataɗna goppig, amge ippunittak awak danab ag bret ele awa ukkaknu daulag atiom. 6Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum. 7Nug anam a amu, ippunittak awak danab ag akka akka appig. “Ig bret ii aomut amunu Nug anam aum,” aon appig. 8Aeg, Jesus Nug ag aɗi nai am mattiegeg doya, Nug aum. “O danab, ag oolagppa genab nakokib dootteb ele, ag akka akka aɗinu bret iittanu nai maditteb? 9Ag diignu doyak tutukku iite dootteb? Ag bret kunum tanig ele danab 5,000 laeg, kaleg gane inaeg ambeum am ag amelagppa iite dotte? 10Amu ag bret kunum eblaih aɗit ele amu danab 4,000 laeg, ag kaleg gane inaeg ambeum am ag amelagppa iite dotte? 11Ag attemun keeke imunu ii dooppig? Da bretnu ii ami, amge da baula attem. Ag ɗo gumak danab-Parasia, ɗo gumak danab-Sadyusi ele dilag yisnu dabmeig!” awa aum. 12Jesus anam a amu ippunittak awak danab ag dooppig, Nug yisnu ii aum. Iitta. Nug ɗo gumak danab-Parasia amu ɗo gumak danab-Sadyusi ele dilag nainu aum.
Pita nug, Jesus am Kristus, miag atia aum
13Aria, Jesus Nug nuhikkud ippunittak awak danab ele ag gonana, ag Sisaria Pilipai gukkuidna wanana, amu Jesus Nug ag oɗ mattom. “Danab ag, Danab Bekkalag da, ag dahilnu, ‘Da am aun,’ ag amunu aɗi atteb?” awa aum. 14Nug anam a amu, ag appig. “Laa ag nahipnu, ‘Layattak Jon,’ atteb; laa ag, ‘Nug am Elaiya,’ atteb; amu laa ag, ‘Nug am Jeremaia,’ o, ‘Nug am propet oolagppan laa,’ aon atteb,” aon appig. 15Ag anam aeg amu, Jesus Nug aum. “Anam aakku amge ag akka, ag dahilnu aɗi atteb?” awa aum. 16Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum. 17Pita a amu, Jesus nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom 18amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema. 19Da Kayaknu ɗo maɗoɗnu odnu ki daatteb amu, da na medakkul. Keeke na wanppa qagakkut amu, keeke amu hab aabppa ele qakkak daakku. Aria, keeke na wanppa uhuqkkut amu, keeke amu hab aabppa ele uhuqak daakku,” awa aum. 20Jesus Nug anam ana amu, Nug nuhikkud ippunittak awak danab ag laa amelagppa nuhignu, “Nug am Kristus,” amananu ɗo ɠagattag meum.
Jesus Nug mauhowa, bau hippaidkkunu aum
21Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum. 22Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum. 23Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.
24Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ! 25Aɗinu? Danab laa nug wanppan bau daakkunu dabmak anuqak aotte amu, dimppa nug bauklel hanhannu ii aoma, amge laa nug dahilnu anuqak dootte, wanppanu bau dayaknu anuqak ii dootte amu, nug am bauklel hanhannu aokku. 26Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab! 27Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul. 28Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.
നിലവിൽ തിരഞ്ഞെടുത്തിരിക്കുന്നു:
Matyu 16: NB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Matyu 16
16
Laa ag Jesus Nug epponak keeke heeb anidkkulagnu appig
1Deɗ laa ɗo gumak danab-Parasia amu ɗo gumak danab-Sadyusi ele ag Jesus gumidna gona, ag Jesus ma anttak mettanna, Nug Kayak dabmettaknu kobol danab haknu elele iitta laa heeb anidkkulagnu oɗ medappig, 2amge Jesus Nug nob ma aum. “Haen tueb meum amu, ag atteb, ‘Aam aam eeɗe, hab kokoɗ eppom amunu, atu ena daakku,’ aon atteb. 3Aria buttua amu ag atteb, ‘Gemu amu lombig hinqak, hab am kokoɗ amunu haen nau, gu ulah ele daakku,’ aon atteb. Ag hab waappan keeke epeɗikkulagnu dootteb, amge ag haen gemu imunu Kayak dabmettaknu kobol danab haknu elele iitta daatteb anidna epeɗikkulagnu ii dootteb. 4Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Jona nuhigppa aɗi beum aakkuib ag ippunadkkul.” Jesus anam awowa, Nug uuatta ukkom.
5Uuatta ukke, Jesus Nug nuhikkud ippunittak awak danab ele uubppa tena, le ameg mataɗna goppig, amge ippunittak awak danab ag bret ele awa ukkaknu daulag atiom. 6Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum. 7Nug anam a amu, ippunittak awak danab ag akka akka appig. “Ig bret ii aomut amunu Nug anam aum,” aon appig. 8Aeg, Jesus Nug ag aɗi nai am mattiegeg doya, Nug aum. “O danab, ag oolagppa genab nakokib dootteb ele, ag akka akka aɗinu bret iittanu nai maditteb? 9Ag diignu doyak tutukku iite dootteb? Ag bret kunum tanig ele danab 5,000 laeg, kaleg gane inaeg ambeum am ag amelagppa iite dotte? 10Amu ag bret kunum eblaih aɗit ele amu danab 4,000 laeg, ag kaleg gane inaeg ambeum am ag amelagppa iite dotte? 11Ag attemun keeke imunu ii dooppig? Da bretnu ii ami, amge da baula attem. Ag ɗo gumak danab-Parasia, ɗo gumak danab-Sadyusi ele dilag yisnu dabmeig!” awa aum. 12Jesus anam a amu ippunittak awak danab ag dooppig, Nug yisnu ii aum. Iitta. Nug ɗo gumak danab-Parasia amu ɗo gumak danab-Sadyusi ele dilag nainu aum.
Pita nug, Jesus am Kristus, miag atia aum
13Aria, Jesus Nug nuhikkud ippunittak awak danab ele ag gonana, ag Sisaria Pilipai gukkuidna wanana, amu Jesus Nug ag oɗ mattom. “Danab ag, Danab Bekkalag da, ag dahilnu, ‘Da am aun,’ ag amunu aɗi atteb?” awa aum. 14Nug anam a amu, ag appig. “Laa ag nahipnu, ‘Layattak Jon,’ atteb; laa ag, ‘Nug am Elaiya,’ atteb; amu laa ag, ‘Nug am Jeremaia,’ o, ‘Nug am propet oolagppan laa,’ aon atteb,” aon appig. 15Ag anam aeg amu, Jesus Nug aum. “Anam aakku amge ag akka, ag dahilnu aɗi atteb?” awa aum. 16Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum. 17Pita a amu, Jesus nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom 18amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema. 19Da Kayaknu ɗo maɗoɗnu odnu ki daatteb amu, da na medakkul. Keeke na wanppa qagakkut amu, keeke amu hab aabppa ele qakkak daakku. Aria, keeke na wanppa uhuqkkut amu, keeke amu hab aabppa ele uhuqak daakku,” awa aum. 20Jesus Nug anam ana amu, Nug nuhikkud ippunittak awak danab ag laa amelagppa nuhignu, “Nug am Kristus,” amananu ɗo ɠagattag meum.
Jesus Nug mauhowa, bau hippaidkkunu aum
21Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum. 22Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum. 23Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.
24Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ! 25Aɗinu? Danab laa nug wanppan bau daakkunu dabmak anuqak aotte amu, dimppa nug bauklel hanhannu ii aoma, amge laa nug dahilnu anuqak dootte, wanppanu bau dayaknu anuqak ii dootte amu, nug am bauklel hanhannu aokku. 26Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab! 27Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul. 28Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.