Luke ZIBISO NGEKWE LUKWALO IGOGU
ZIBISO NGEKWE LUKWALO IGOGU
Ndebo mbuya yakakwagwa ndi Luke inoleba ngekwa Jesu ali iye Ntjidzi we Iziraela kakale ali Ntjidzi we bathu bose mu shango. Luke unokwala eti Jesu wakadang'wa nge Meya ya She “kuwosumikila ndebo mbuya ku bashayi” (4:18). Lukwalo igogu goleba Jesu sekwa akazwilonga mu manikano dzose dze bathu. Kushatha kukulu na iko koboneka mu lukwalo gwa Luke, kwazo kwazo mu ndima dze kutanga dzinoleba ngekwe kuzha kwa Jesu nenge kubupelo eyenda kudzimu. Thawu ngekwe kukula nenge kuandama kwe bugalimoyo gwe Tjikirisiti shule kwe kuyenda kwa Jesu kudzimu dzakakwagwa ndi Luke mu lukwalo gwe Mishingo.
Ndebeleko njinji dzowang'wa mu lukwalo igogu dzisingake dzikawang'wa mu dzimwe hwalo. Ndebeleko ngekwe lumbo gwe batumwa be kudzimu, nenge balisi be pkhwizi kwabakakumba Jesu mu kuzwagwa kukwe, nenge tjibaka Jesu tjaakabe ali mu Ng'umba ye Ndzimu atji mbisana, nenge tjifaniso tje Nsamariya wakalulwama ne tje nkololo wakazanisa fumwa iye. Mu lukwalo gose kotshambilidzwa kwazo ngekwe ntembezelo nenge Meya yakayengemala nenge nshingo we bakadzi mu thumo ya Jesu nenge kuzwiibhatigwa matjinyo nge Ndzimu.
Zwimu lukwalo igogu nge bufupi
Matama e kutanga 1:1-4
Kuzwagwa ne butjetjana gwa Johani we N'dubiki na Jesu 1:5—2:52
Nshingo wa Johani we N'dubiki 3:1-20
Kudubikwa ne kulikwa kwa Jesu 3:21—4:13
Nshingo wa Jesu mu Galili 4:14—9:50
Nshingo wa Jesu kudwa mu Galili kunoti ku Jerusalema 9:51—19:27
Tshipi ya Jesu ye bupelo ali mu Jerusalema 19:28—23:56
Kumuka ne kuboneka nenge kuyenda kudzimu kwa She 24:1-53
നിലവിൽ തിരഞ്ഞെടുത്തിരിക്കുന്നു:
Luke ZIBISO NGEKWE LUKWALO IGOGU: KBTP
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Kalanga Bible © Bible Society of Botswana, 2008, 2018.