Mututo 31
31
Babeleki ba mwa Tabelenakele
(Mut 35.30—36.1)
1Muñ'a Bupilo a li ku Mushe, 2“Ni ketile Bezaleele, mwan'a Uri, mwan'a Huri, wa lusika lwa Juda. 3Ni mu talize moya wa Mulimu, ili kuli a be sikwala, a be ni zibo ni kutwisiso mwa misebezi kamukana. 4A zibe ku swanisa ni ku eza za bukwala ka gauda, silivela ni kopa. 5A zibe ku beta macwe a butokwa ni ku a kwesa, ku beta likota, ni ku eza misebezi ye miñwi kamukana ya bukwala. 6Hape, ni ketile Oholiabi, mwan'a Akisamaki wa lusika lwa Dani, kuli a sebelisane ni yena. Kwa likwala ze ñwi kaufela za misebezi ya mazoho ni ba file zibo ye tuna, kuli ba kone ku eza ze ni ku laezi kamukana, 7ili Tende ya Kopano, likwati le li na ni matapa a kupuzo ni sikwahelo fahalimw'a lona, ni libyana ze mwa tende kamukana, 8tafule ni lika ze fateñi kaufela, sipahekelo sa lilampi ili sa gauda ye nde ni lika za sona kamukana, katala fo ku cisezwa insense, 9katala fo ku cisezwa litabelo ni lika za yona kaufela, mukeke wa ku tapela ni lilaho la ona, 10liapalo za bukabali ze kenile za muprisita Aruni ni bana ba hae, ili ze ba ka sebelisa mwa musebezi wa bona wa buprisita, 11mafula a ku toza, ni insense ya muunko o munde ya mwa Sibaka se si Kenile. Ha ku eziwa lika ze kaufela, ba ta eza hande ka mo ni ku laelezi.”
Lizazi la Pumulo
12Muñ'a Bupilo a li ku Mushe, 13“U bulelele sicaba sa Isilaele, u li, ‘Mu swanezi ku buluka Lizazi la ka la Pumulo, kakuli ki sisupo mwahal'a mina ni na, ni masika a mina kamukana, ku bonisa kuli na, Muñ'a Bupilo, ni mi ezize batu ba ka luli. 14Kabakaleo, mu swanezi ku buluka Lizazi la Pumulo, kakuli ni li ezize le li kenile kabakala mina. Mutu ufi ni ufi ya si ke a li buluka li li le li kenile, u ta bulaiwa. Ufi ni ufi ya ka eza musebezi ka Lizazi la Pumulo u ta kauhanywa ni banabahabo. 15#Mut 20.8-11; 23.12; 34.21; 35.2; Malivi 23.3; Mul 5.12-14 Mu ta eza misebezi ya mina mwa mazazi a silezi, kono la busupa, ki lizazi le li kenile le li swanezi ku bulukelwa Muñ'a Bupilo. Mutu kaufela ya ka sebeza ka lona lizazi leo u ta bulaiwa. 16Sicaba sa Isilaele si buluke Lizazi la Pumulo. Ni masika a sa taha kamukana a li buluke. I be bulikani bo bu sa feli. 17#Mut 20.11 Ki sisupo sa kamita mwahal'a sicaba sa Isilaele ni na, kakuli na, Muñ'a Bupilo, ni ezize lihalimu ni lifasi mwa mazazi a silezi, mi ka la busupa na tuhela musebezi, na pumula.’ ”
18Muñ'a Bupilo ha s'a felize ku bulela ni Mushe fa Lilundu la Sinai, a mu fa matapa a mabeli a kupuzo, ili matapa a macwe fo ne ku ñozwi ka munwana wa Mulimu.
നിലവിൽ തിരഞ്ഞെടുത്തിരിക്കുന്നു:
Mututo 31: Lozi09
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lozi Interconfessional Bible, Catholic Edition © Bible Society of Zambia, 2009.
