TIPISALEMA 15

Ku hanya ka la lulameke.

Pisalema ya Davhida.

1Oho Yehovha! N'eni wa wena u ta va mani entsongeni wa wena?

U ta va mani la nga ta aka entshaveni ya wena leyo kwetsima xana?

2Hi la hanyaka eku lulameni, a endla leswi lulameke,

Kutani a vula leswi tiyeke hilaha swi nga kona embilwini ya yena.

3Ririmi ra yena a ri hembeli munhu,

A nga endli warikwavo leswo biha,

A nga humeseri makwavo xisolo.

4Emahlweni ka yena munhu la solekaka u fanele ku cukumetiwa,

Kambe u chava vanhu lava chavaka Yehovha.

Loko a hlambanyile, a nga hundzuki, hambi a nga onhakeriwa.

5A nga lombi mali ya yena hi bindzu,

Kambe a nga amukeri tinyiko, a ta avanyisa la nga riki na nandzu.

La endlaka sweswo a nga ka a nga tsekatsekisiwi, ni siku ni rin'we.

നിലവിൽ തിരഞ്ഞെടുത്തിരിക്കുന്നു:

TIPISALEMA 15: TSO29

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

TIPISALEMA 15
-ൽ നിന്നുള്ള പ്രശസ്ത ബൈബിൾ വചനങ്ങൾ