Numera 25
25
O le Agasala a le Nu‘u o Isaraelu ma Fafine o Mitiana
1‘Ua nonofo Isaraelu i Setima; ‘ona amata lea ‘ona faita‘aga o le nu‘u ma fafine o Moapi.#Nume 31.16; 33.49; Mika 6.5; 2 Pete 2.15; Fa‘aa 2.14 2‘Ua latou ‘a‘ami fo‘i i le nu‘u i taulaga i o latou atua; ‘ona ‘a‘ai ai lea o le nu‘u ma ifo atu i o latou atua. 3‘Ua fa‘atasia fo‘i Isaraelu ma Paalapeoro; ‘ona tupu ai lea o le to‘asā o le ALI‘I ‘iā Isaraelu.#Sala 106.28-29 4‘Ona fetalai mai ai lea o le ALI‘I ‘iā Mose, “‘Ia e ‘ave ali‘i uma o le nu‘u, ma fa‘atautau ‘iā te i latou i le lā, i luma o le ALI‘I, ‘ina ‘ia liu‘esea le to‘asā tele o le ALI‘I ‘iā Isaraelu.” 5‘Ona fai atu ai lea o Mose i fa‘amasino o Isaraelu, “‘Ia ‘outou ta‘itasi ma fasioti i ona tagata na latou fa‘atasi ma Paalapeoro.”#Eso 18.25-26; 32.27; 1 Tu 18.40
6Fa‘auta fo‘i, o le tasi tagata mai le fānauga a Isaraelu ‘ua sau, ‘ua ia ‘aumai i ona uso o le fafine Mitiana, i luma o Mose, ma luma o le fa‘apotopotoga uma o le fānauga a Isaraelu, a o fētāgisi i latou i le faitoto‘a o le fale fetāfa‘i o le fa‘apotopotoga. 7‘Ua iloa fo‘i e Fineaso le atali‘i o Eleasaro, o le atali‘i ia o Arona le ositaulaga; ‘ona tula‘i ai lea o ia i totonu o le fa‘apotopotoga, ‘ua ‘ave le tao i lona lima.#Eso 6.25; Sala 106.30 8‘Ua mulimuli atu fo‘i o ia i le tagata o Isaraelu i le afeafe, ‘ua soso‘a ‘ua ati ‘iā te i lā‘ua, o le tagata o Isaraelu, ‘atoa fo‘i ma le fafine i lona manava; ‘ona tāofia ai lea o le fa‘ama‘i a‘i le fānauga a Isaraelu. 9O ē na oti fo‘i i le fa‘ama‘i e luafulu o afe ma le fa o afe i latou.
10‘Ona fetalai mai ai lea o le ALI‘I ‘iā Mose, ‘ua fa‘apea mai, 11“O Fineaso le atali‘i o Eleasaro, o le atali‘i o Arona le ositaulaga ‘ua liu‘eseina ai lo‘u ita i le fānauga a Isaraelu, i lo‘u mā‘elegā ‘iā te i latou, ‘ua ‘ou lē fa‘aumatia ai le fānauga a Isaraelu i lo‘u fuā.#Eso 20.5; Teu 32.16, 21; Sala 78.58; Sefa 1.18 12O lenei, ‘ia e fai atu, ‘Fa‘auta, ‘ou te tu‘uina atu ‘iā te ia la‘u feagaiga e manuia ai.#Mala 2.4-5 13E ‘iā te ia ma lana fānau pe a mavae atu o ia, o le feagaiga o le faiva o le ositaulaga e fa‘avavau, auā na mā‘elegā o ia ‘ona o lona Atua, na faia fo‘i e ia le togiola mo le fānauga a Isaraelu.’”#Eso 40.15; 1 No 6.4-15
14O le igoa fo‘i o le tagata Isaraelu na fasiotia, o lē na fasiotia fa‘atasi ma le fafine Mitiana, o Semeri le atali‘i o Salu, o le ali‘i sili fo‘i o ia o le tasi ‘āiga o sa Simeonā. 15O le igoa fo‘i o le fafine Mitiana ‘ua fasiotia, o Kosepi le afafine o Suro, o le ali‘i sili o ia o le tasi ‘āiga o Mitiana.#Nume 31.8
16‘Ua fetalai mai fo‘i le ALI‘I ‘iā Mose ‘ua fa‘apea mai, 17“‘Ia ‘outou fa‘atigā ‘iā Mitiana, ma fafasi ‘iā te i latou; 18auā ‘ua latou fa‘atigā ‘iā te ‘outou ‘iā latou mailei, ‘ua latou maileia ai ‘outou i le mea a Peoro, ma le mea a Kosepi le afafine o le tasi ali‘i sili o Mitiana, o lo latou fafine na fasiotia i le aso o le fa‘ama‘i ‘ona o le mea a Peoro.”
നിലവിൽ തിരഞ്ഞെടുത്തിരിക്കുന്നു:
Numera 25: RSCB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Revised Samoan Catholic Bible © Bible Society of the South Pacific, 2010.