Colosenses 4
4
1Shaa naminanai, inaitjena narsu matsia njite icaviña matsia njaji idejicaperri irsu. Iwaupia caminalriperricatsakja shaa enolriculre.
Yacuti piquetendalri
2Itatjena lrinai caidalritsa, iwapakenau iwaupiakje icafiacadalri yapiya njite ya matsiadalri Dios irsu. 3Itatjatsakja wanacu, Waminalri imjecucarruatsa pantinuma wacanantacarru ljiaji yacuti njite wacaitecarru lrinaco ljiaji idejikjeti curridalripiatua najica uupi Cristo-nacu, ima lrikjaute ljiaji preso njua. 4Itajtatsakja nonacu nocanantacarruatsa jaljami ljiaji yacuti aimawerricu.
5Yufa cajikjerricutsa napeculricu njaji mjepacaperri, icañjata nacapa shepacaperrica shaa caidalritsa. 6Icaitecadanacuatsa ljiaji yacuti, lrirsutsautsa quetapadalrican, fuividalri njemica njite irsutsakja yajica shepacana nacuamitsa.
7Ljiaji wakitsinda wapeyunda Tíquico, matsiadalri ikichindataca, wacapanda matsiaca njite lridejica nuinai Waminalri irsu, ljiaji numenacalriutsa inai irsu yacuti nunaco. 8Lrikjaute numenacani lriacarru ikjaulre, lricaitecarruatsa jimi cuajica fa njite lrifuivitacarru icaolre. 9Lridewatsa lrinaiwa Onésimo, ljiaji wapeyunda njite wakitsinda shepacadatsakja matsia, icatsa apada inakjuitedalrica. Njaji nacaitewatsa jimi pjiumi ljiaji jiyapalriu aji.
10Aristarco, nukichinda presoca, lrimenaca irsu memoria; njite tsakja ljiaji Marcos, lrikitsin ljiaji Bernabé. Yajinina cuajicautsa icuadatacani; lriacadawatsa lricapa ikjaulre iwapenautsa matsiani. 11Njite tsakja lrimenaca irsu memoria ljiaji Jesús, ipitanacada Justo. Icamipjatsa njaji shepacaperrica nanakjuiteperri njaji judionai idejicape nuinai aji jalredaucalrico lrikjaute ljiaji lritalricanatacapua ljiaji Dios, icapiatsa njaji icatimatalrica njua jurre. 12Lrimenacatsakja irsu memoria ljiaji Epafras, apada idejicada Cristo Jesús irsu; ljiatsakja apada inakjuitedalri, njite lritatjaca icuan lrinaitja jidati lritatjacadanaco inaco, yemacarrua taimi caidalritsa, machiaperrishu, pjiumi nanaco njaji lriumalri inaitjaca ljiaji Dios. 13Njua nucapjentsa cuajica ljitaca lricaolreu aima inaco ljiaji Epafras njite nanacu tsakja njaji Laodicea lricupe njite tsakja njaji Hierápolis. 14Lucas, ljiaji itapecaita wapeyunda, lrimenacatsakja irsu memoria, njite tsakja ljiaji Demas.
15Memoria narsu njaji wakitsiñape aperriji Laodicea lrico. Rursutskja rsuaji Ninfa, narsutsakja njaji iwaquetacacaperriva aji rupanalrico. 16Ljiapudamjiteutsa ileeca narsu ljiaji paperra, imenacatsakjautsani naikjaulre njaji shepacaperri aperriji Laodicea lrico, nalecarrotsakjautsani nini, njite shaa, ilee tsakjautsa ljiaji paperra nomenacanda narsu. 17Icaitetsakjautsa Arquipo irsu ljiaji: «Pinaitja matsia ljiaji idejikjeti Waminalri icadanda pidejicalreu».
18Njua, Pablo, nodana ljiaji memoria nocapishu. Njite yajintsa presocatua njua. Dios icadawatsa lrimatsiaca macadalri inaco.
© 2025 CLAN
© 2025 Seed Company