Esaburi Akokhuchangirira
Akokhuchangirira
Esitau sia Esaburi nje esitau sienyembo nende esala muvangeri. Siaandikwa nende avaandiki avawukhanire khulwa evise evileyi. Enyembo chino nende amasayo viawungereswa alala viekhonyerwa nende avanju va Israeli mu khwinamira Nyasaye mana viametwa mumaandiko kawe akevangeri.
Esaburi chino chirimo echia embia enyingi: Khulimo nenyembo chiokhufumia nokhwinamira Nyasaye, amasayo kowuyeti, okhukayira amavi, akowuwonia nende okhusava owulekheri. Khulimo enyembo chiokhukhupa ochio khulwekhavi chia Nyasaye nende okhumusava akhalakire avasiku vefwe. Khulimo namasayo komunju mulala nende akesivala siosi. Malala kekesa elienya liomukachi eliomunju mulala, nakandi kalomaloma khulienya liavanju va Nyasaye vosi.
Esaburi chino chiachumikhirwa nende Yesu, avaandiki va Endakaano Embiakha vosi vachiekhonyera, mana chiekhola esitau sioluyali mukhwinamira Nyasaye esia ekanisa lia Avakristo okhuchula nilianja.
Akalimo
Esaburi emia ndala nende amakhumi kachanu chiakawulwamo evitonye vichanu, namwe evitau, evilondana mungira yino:
Esitau sia Lulala 1—41
Esitau sia Khaviri42—72
Esitau sia Khatachu73—89
Esitau sia Khane 90—106
Esitau sia khachanu107—150
നിലവിൽ തിരഞ്ഞെടുത്തിരിക്കുന്നു:
Esaburi Akokhuchangirira: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024