Yohana 18
18
Okhutirwa khwa Yesu
(Mat. 26.47-56; Mrk. 14.43-50; Lk. 22.47-53)
1Olu Yesu kali nikakhawola amakhuwa kano, kachula navalondi vave vambukha akhalo kha Kedroni. Ao kwalio omukunda, omu kengira navalondi vave. 2Khanu Yudasi, owamuchama, yesi kali kamanyao, esikira Yesu kali kasima okhuwukanao navalondi vave. 3Kho Yudasi, nikakhawukula avalindi Varumi nende avamahe va avakuhani vakhongo, vachia netaa, etochi nende evioki. 4Kho Yesu, namanyire kosi akali nikachia okhumwekholekhakho, kasuta emberi wawe mana kavawolera, “Njanu oyu mutakha?” 5Vamuchipa, “Yesu wa Nazareti.” Yesu kavawolera, “Nise.” Yudasi, owamuchama, kali kemire ninavo. 6Olu kavawolera mbo, “Nise,” vasuta enyuma ne vakwa aasi. 7Nundi kavacheva, “Njanu oyu mutakha?” Vamuchipa, “Yesu wa Nazareti.” 8Yesu kavachipa, “Evawoleye mbo nise; kho nimutakha ese lekhe avasacha vano vachie.” 9Kano kali okhwoseresa endakaano mbo, “Khuavo ava wamba, sinakosiakho ata mulala ta.” 10Kho Simoni Petero, nali nolung'esi kachusa kachema okhuchwi khulungi khwomuambe womukuhani mukhongo. Elicha liomuambe oyo mbo Malko. 11Yesu kawolera Petero, “Vikha olung'esi lulwo, sindanywe esikombe esi Papa kambaye ta?”
Yesu emberi wa Anasi
12Kho avamahe nomukali wawe navalindi va Avayahudi vatira Yesu vamuwoya. 13Vachangirira okhumuyira ewa Anasi. Anasi kali masalang'ene wa Kayafa owali omukuhani mukhongo omwaka okwo. 14Kayafa oyo njowakerakira Avayahudi mbo wakhavaye wulayi omunju mulala afwe khulwa vosi.
Petero Kekana Yesu
(Mat. 26.69,70; Mrk. 14.66-68; Lk. 22.55-57)
15Simoni Petero kalonda khu Yesu nomulondi wundi. Omulondi ono kali kamanyikha khumukuhani mukhongo, kengira musiina sia omukuhani mukhongo alala ni Yesu, 16olu Petero kema erwanyi womuliango. Kho omulondi wundi omumanyikhe khu omukuhani mukhongo, kachula erwanyi ne kalomaloma nomulindi wamuliango ne vengisa Petero mukachi. 17Omulindi wamuliango kawolera Petero, “Ewe suli mulala wavalondi vomusacha ono?” Petero kawola, “Ese ta.” 18Avakhalavani navamahe vali vawanire omuliro, sikira omunyichi kwalikho, ne vali vemire nivocha omuliro; Petero Yesi kali ninavo, nikemire nikocha omuliro.
Omukuhani Mukhongo Acheveresa Yesu
(Mat. 26.59-66; Mrk. 14.55-64; Lk. 22.66-71)
19Omukuhani mukhongo kacheveresa Yesu okhulondana navalondi vave nende amekeso kake. 20Yesu Kamuchipa, “Nakhalomaloma awulafu musialo, evise viosi nakhekesa mumasinagogi nende mu Etemperi omu Avayahudi vosi vakhung'ananga, siwumao sinakhawola muwekisi ta. 21Esikira sina ni munjeva? Cheve avo avambulira, aka navawolera, vamanyire esi nawola.” 22Olu kali nikakhawola kano, mulala khuvalindi vali nivemireo kakhupa Yesu oluyi, nawola, “Ndwolu ochipa omukuhani mukhongo?” 23Yesu kamuchipa, “Niva nomalomire owuvi, yekesa owuvi owo, ne niva enomalomire owulayi, sikira sina niwukhupa?” 24Anasi kamala kachuma Yesu nawoyirwe khu Kayafa Omukuhani mukhongo.
Petero Kekana Yesu Nundi
(Mat. 26.71-75; Mrk. 14.69-72; Lk. 22.58-62)
25Simoni Petero kali kemire nikocha omuliro, vamuwolera, “Ewe suli mulala khuvalondi vave?” Kekana nawola, “Sinise ta.” 26Mulala khuvakhalavani va omukuhani mukhongo, omwikho wa omusacha oyu Petero kachema okhuchwi kamucheva, “Sikhuwenekho mumukunda ninaye?” 27Petero nundi kekana, nao etaywa yakholiokha.
Yesu Emberi wa Pilato
(Mat. 27.1-2,11-14; Mrk. 15.1-5; Lk. 23.1-5)
28Mana vachusa Yesu ewa Kayafa, vamuyira munju yomuchuki wa Avarumi. Yali asibuyi, nivo avene sivengira munju tawe, kho valove okhuva avanyaalu okhulondana nende amalako, kho valie esiokhulia sia Pasaka. 29Kho Pilato kacha erwanyi khunivo ne kawola, “Siosina esi musitakira omunju ono?” 30Navo vamuchipa, “Kava mbo omunju ono siakholire amavi ta, sikhuva nikhumuwanire khwiwe tawe.” 31Pilato Kavawolera, “Muwukule mwavene ne mumukhalakire nende amalako kenywe.” Avayahudi vamuwolera, “Sikhuli nowunyali okhwicha omusacha ono ta.” 32Kano kali okhwoseresa ekhuwa eli Yesu kawola okhwekesa efwa eli kali afwe.
33Pilato kengira munju kamucheva, “Ewe niwe omwami wa Avayahudi?” 34Yesu kamuchipa, “Owola kano wamwene namwe avandi vakhuwoleye kano khwise?” 35Pilato kamuchipa, “Ese ndi Omuyahudi? Eanga lilio liene nende avakuhani vakhongo vakhuanire khwise, okholire sina?” 36Yesu kamuchipa, “Owami wange siwuli wesialo sino ta, kava mbo owami wange wesialo sino, avakhalavani vange vakhakhupaniye, mbo njaanwa khu Avayahudi ta, nausa owami wange siwesialo sino ta.” 37Pilato kamucheva, “Kho olimuchuki?” Yesu kamuchipa, “Owola mbo ndimuchuki. Khulwa kano newulwa, ne khulwa kano nakhacha musialo, Okhuchusa owuloli khuwung'ali. Wuli siamulala oli owowung'ali awuliranga omwoyo kwange.” 38Pilato kamuwolera, “Owung'ali siosi?”
Yesu Akhalakirwa Efwa
(Mat. 27.15-31; Mrk. 15.6-20; Lk. 23.13-25)
Olu Pilato kali nikakhawola kano, kachula erwanyi khu Avayahudi nundi, kavawolera, “Sinyoyekho owuvi nomunju ono ta. 39Nausa muli nomwima mbo evalekhulire omunju mulala mu Pasaka, mwenya evalekhulire Omwami wa Avayahudi?” 40Vamuchipa nivayula nundi, “Tawe, ono tawe, nausa Baraba!” Khanu Baraba kali munuli.
നിലവിൽ തിരഞ്ഞെടുത്തിരിക്കുന്നു:
Yohana 18: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Yohana 18
18
Okhutirwa khwa Yesu
(Mat. 26.47-56; Mrk. 14.43-50; Lk. 22.47-53)
1Olu Yesu kali nikakhawola amakhuwa kano, kachula navalondi vave vambukha akhalo kha Kedroni. Ao kwalio omukunda, omu kengira navalondi vave. 2Khanu Yudasi, owamuchama, yesi kali kamanyao, esikira Yesu kali kasima okhuwukanao navalondi vave. 3Kho Yudasi, nikakhawukula avalindi Varumi nende avamahe va avakuhani vakhongo, vachia netaa, etochi nende evioki. 4Kho Yesu, namanyire kosi akali nikachia okhumwekholekhakho, kasuta emberi wawe mana kavawolera, “Njanu oyu mutakha?” 5Vamuchipa, “Yesu wa Nazareti.” Yesu kavawolera, “Nise.” Yudasi, owamuchama, kali kemire ninavo. 6Olu kavawolera mbo, “Nise,” vasuta enyuma ne vakwa aasi. 7Nundi kavacheva, “Njanu oyu mutakha?” Vamuchipa, “Yesu wa Nazareti.” 8Yesu kavachipa, “Evawoleye mbo nise; kho nimutakha ese lekhe avasacha vano vachie.” 9Kano kali okhwoseresa endakaano mbo, “Khuavo ava wamba, sinakosiakho ata mulala ta.” 10Kho Simoni Petero, nali nolung'esi kachusa kachema okhuchwi khulungi khwomuambe womukuhani mukhongo. Elicha liomuambe oyo mbo Malko. 11Yesu kawolera Petero, “Vikha olung'esi lulwo, sindanywe esikombe esi Papa kambaye ta?”
Yesu emberi wa Anasi
12Kho avamahe nomukali wawe navalindi va Avayahudi vatira Yesu vamuwoya. 13Vachangirira okhumuyira ewa Anasi. Anasi kali masalang'ene wa Kayafa owali omukuhani mukhongo omwaka okwo. 14Kayafa oyo njowakerakira Avayahudi mbo wakhavaye wulayi omunju mulala afwe khulwa vosi.
Petero Kekana Yesu
(Mat. 26.69,70; Mrk. 14.66-68; Lk. 22.55-57)
15Simoni Petero kalonda khu Yesu nomulondi wundi. Omulondi ono kali kamanyikha khumukuhani mukhongo, kengira musiina sia omukuhani mukhongo alala ni Yesu, 16olu Petero kema erwanyi womuliango. Kho omulondi wundi omumanyikhe khu omukuhani mukhongo, kachula erwanyi ne kalomaloma nomulindi wamuliango ne vengisa Petero mukachi. 17Omulindi wamuliango kawolera Petero, “Ewe suli mulala wavalondi vomusacha ono?” Petero kawola, “Ese ta.” 18Avakhalavani navamahe vali vawanire omuliro, sikira omunyichi kwalikho, ne vali vemire nivocha omuliro; Petero Yesi kali ninavo, nikemire nikocha omuliro.
Omukuhani Mukhongo Acheveresa Yesu
(Mat. 26.59-66; Mrk. 14.55-64; Lk. 22.66-71)
19Omukuhani mukhongo kacheveresa Yesu okhulondana navalondi vave nende amekeso kake. 20Yesu Kamuchipa, “Nakhalomaloma awulafu musialo, evise viosi nakhekesa mumasinagogi nende mu Etemperi omu Avayahudi vosi vakhung'ananga, siwumao sinakhawola muwekisi ta. 21Esikira sina ni munjeva? Cheve avo avambulira, aka navawolera, vamanyire esi nawola.” 22Olu kali nikakhawola kano, mulala khuvalindi vali nivemireo kakhupa Yesu oluyi, nawola, “Ndwolu ochipa omukuhani mukhongo?” 23Yesu kamuchipa, “Niva nomalomire owuvi, yekesa owuvi owo, ne niva enomalomire owulayi, sikira sina niwukhupa?” 24Anasi kamala kachuma Yesu nawoyirwe khu Kayafa Omukuhani mukhongo.
Petero Kekana Yesu Nundi
(Mat. 26.71-75; Mrk. 14.69-72; Lk. 22.58-62)
25Simoni Petero kali kemire nikocha omuliro, vamuwolera, “Ewe suli mulala khuvalondi vave?” Kekana nawola, “Sinise ta.” 26Mulala khuvakhalavani va omukuhani mukhongo, omwikho wa omusacha oyu Petero kachema okhuchwi kamucheva, “Sikhuwenekho mumukunda ninaye?” 27Petero nundi kekana, nao etaywa yakholiokha.
Yesu Emberi wa Pilato
(Mat. 27.1-2,11-14; Mrk. 15.1-5; Lk. 23.1-5)
28Mana vachusa Yesu ewa Kayafa, vamuyira munju yomuchuki wa Avarumi. Yali asibuyi, nivo avene sivengira munju tawe, kho valove okhuva avanyaalu okhulondana nende amalako, kho valie esiokhulia sia Pasaka. 29Kho Pilato kacha erwanyi khunivo ne kawola, “Siosina esi musitakira omunju ono?” 30Navo vamuchipa, “Kava mbo omunju ono siakholire amavi ta, sikhuva nikhumuwanire khwiwe tawe.” 31Pilato Kavawolera, “Muwukule mwavene ne mumukhalakire nende amalako kenywe.” Avayahudi vamuwolera, “Sikhuli nowunyali okhwicha omusacha ono ta.” 32Kano kali okhwoseresa ekhuwa eli Yesu kawola okhwekesa efwa eli kali afwe.
33Pilato kengira munju kamucheva, “Ewe niwe omwami wa Avayahudi?” 34Yesu kamuchipa, “Owola kano wamwene namwe avandi vakhuwoleye kano khwise?” 35Pilato kamuchipa, “Ese ndi Omuyahudi? Eanga lilio liene nende avakuhani vakhongo vakhuanire khwise, okholire sina?” 36Yesu kamuchipa, “Owami wange siwuli wesialo sino ta, kava mbo owami wange wesialo sino, avakhalavani vange vakhakhupaniye, mbo njaanwa khu Avayahudi ta, nausa owami wange siwesialo sino ta.” 37Pilato kamucheva, “Kho olimuchuki?” Yesu kamuchipa, “Owola mbo ndimuchuki. Khulwa kano newulwa, ne khulwa kano nakhacha musialo, Okhuchusa owuloli khuwung'ali. Wuli siamulala oli owowung'ali awuliranga omwoyo kwange.” 38Pilato kamuwolera, “Owung'ali siosi?”
Yesu Akhalakirwa Efwa
(Mat. 27.15-31; Mrk. 15.6-20; Lk. 23.13-25)
Olu Pilato kali nikakhawola kano, kachula erwanyi khu Avayahudi nundi, kavawolera, “Sinyoyekho owuvi nomunju ono ta. 39Nausa muli nomwima mbo evalekhulire omunju mulala mu Pasaka, mwenya evalekhulire Omwami wa Avayahudi?” 40Vamuchipa nivayula nundi, “Tawe, ono tawe, nausa Baraba!” Khanu Baraba kali munuli.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024