Yohana 17
17
Yesu Asalira Avalondi Vave
1Olu Yesu kali nikakhawola amakhuwa kano, kakingula emoni mwikulu ne kawola, “Papa, evise viakhola, weresa omwana wuwo oluyali mbo omwana naye akhuwe oluyali. 2Sikira wamuweresa owunyali khuvanju vosi, okhuana owulamu wa wuli lwosi khuvosi avawamuwa. 3Ne wuno njowulamu wa wuli lwosi, mbo vamanye ewe, Nyasaye yeng'ene owang'ali, nende Yesu Kristo oyu wachuma. 4Nakhuwa oluyali musialo, ninakhafutusa emilimo ekiwamba okhukhola. 5Khanu Papa, mberese oluyali emberi wuwo nowukhumi owu nali nawo ninawe esialo nisisiri okhulongwa. 6Nakhekesa elicha lilio khuvanju va wamba okhuchula musialo ne vakhalonda ekhuwa lilio. 7Khanu vamanyire mbo wulisinju siwamba sichula khwiwe. 8Sikira nakhavawa amakhuwa ka wamba, ne vakafukirira ne vamanyire owung'ali mbo nacha okhuchula khwiwe, ne vakhasuvira mbo ewe wanjuma. 9Ndavasaliranga, sindasaliranga esialo ta nausa avo ava wamba, sikira vavo, 10Vosi avange vavo, ne avavo vange, ne enyola oluyali munivo. 11Ne khanu sisiri musialo tawe, nausa vali musialo, ne ndachanga khwiwe. Papa Muchwenufu! Vavikhe mulicha lilio, eli wamba, mbo vave esinju silala, ngefwe khuli silala. 12Olu nali musialo ninavo, navavikha mulicha lilio, eli wamberesa, nakhavalinda, nawumao munivo owakocha ta nichasi omwana owalakwa okhukocha, kho eliaandikwa liosereswe. 13Nausa evise vino nicha khwiwe, nevinju vino mbola nisiri musialo, mbo vanyole owusangafu mumioyo kiawe olukali. 14Nakhavaweresa ekhuwa lilio, nesialo siakhavaviyira esikira sivali vesialo tawe, ata ngese enjali wesialo. 15Sisala mbo ovachuse musialo, nausa mbo ovavikhe okhuchula khu muvi oyo. 16Sivali vesialo, ata ngese enjali wesialo ta. 17Vatakase muwung'ali, ekhuwa lilio njowung'ali. 18Ngewe wanjuma okhwicha musialo, kho sesi nakhavachuma musialo. 19Ne khulwawe, neana khwiwe, mbo kho vosi veane khuwung'ali. 20Ne sisalira vano vong'ene ta, nausa nende avo avasuvira mwise musialo, 21mbo vosi vave esinju silala. Ata ngewe Papa, oli mwise, ne nase mwiwe, mbo nivo vosi vave mwifwe kho esialo sisuvire mbo wanjuma. 22Oluyali olu wamberesa nakhavaweresa, mbo vave esinju silala ata nga khuli esinju silala. 23Ese munivo newe mwise, mbo kho vave wusa esinju silala mbo kho esialo siole okhumanya mbo ewe wanjuma ne wakhavasima ata nga wasima. 24Papa, elienya liange liri mbo avovosi, ava wamba, vave nange aandi, okhuwona oluyali olu wamba muwusimi wuwo khwise esialo nisisiri okhulongwa. 25Papa mulungi, esialo sisiri okhukhumanya, nausa nakhumanya, ne vano vamanyire mboniwe owanjuma. 26Navekesa elicha lilio, nendi okhuchiririra okhuliekesa, kho mbo owusimi owu wasima wuve munivo, nese munivo.”
നിലവിൽ തിരഞ്ഞെടുത്തിരിക്കുന്നു:
Yohana 17: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Yohana 17
17
Yesu Asalira Avalondi Vave
1Olu Yesu kali nikakhawola amakhuwa kano, kakingula emoni mwikulu ne kawola, “Papa, evise viakhola, weresa omwana wuwo oluyali mbo omwana naye akhuwe oluyali. 2Sikira wamuweresa owunyali khuvanju vosi, okhuana owulamu wa wuli lwosi khuvosi avawamuwa. 3Ne wuno njowulamu wa wuli lwosi, mbo vamanye ewe, Nyasaye yeng'ene owang'ali, nende Yesu Kristo oyu wachuma. 4Nakhuwa oluyali musialo, ninakhafutusa emilimo ekiwamba okhukhola. 5Khanu Papa, mberese oluyali emberi wuwo nowukhumi owu nali nawo ninawe esialo nisisiri okhulongwa. 6Nakhekesa elicha lilio khuvanju va wamba okhuchula musialo ne vakhalonda ekhuwa lilio. 7Khanu vamanyire mbo wulisinju siwamba sichula khwiwe. 8Sikira nakhavawa amakhuwa ka wamba, ne vakafukirira ne vamanyire owung'ali mbo nacha okhuchula khwiwe, ne vakhasuvira mbo ewe wanjuma. 9Ndavasaliranga, sindasaliranga esialo ta nausa avo ava wamba, sikira vavo, 10Vosi avange vavo, ne avavo vange, ne enyola oluyali munivo. 11Ne khanu sisiri musialo tawe, nausa vali musialo, ne ndachanga khwiwe. Papa Muchwenufu! Vavikhe mulicha lilio, eli wamba, mbo vave esinju silala, ngefwe khuli silala. 12Olu nali musialo ninavo, navavikha mulicha lilio, eli wamberesa, nakhavalinda, nawumao munivo owakocha ta nichasi omwana owalakwa okhukocha, kho eliaandikwa liosereswe. 13Nausa evise vino nicha khwiwe, nevinju vino mbola nisiri musialo, mbo vanyole owusangafu mumioyo kiawe olukali. 14Nakhavaweresa ekhuwa lilio, nesialo siakhavaviyira esikira sivali vesialo tawe, ata ngese enjali wesialo. 15Sisala mbo ovachuse musialo, nausa mbo ovavikhe okhuchula khu muvi oyo. 16Sivali vesialo, ata ngese enjali wesialo ta. 17Vatakase muwung'ali, ekhuwa lilio njowung'ali. 18Ngewe wanjuma okhwicha musialo, kho sesi nakhavachuma musialo. 19Ne khulwawe, neana khwiwe, mbo kho vosi veane khuwung'ali. 20Ne sisalira vano vong'ene ta, nausa nende avo avasuvira mwise musialo, 21mbo vosi vave esinju silala. Ata ngewe Papa, oli mwise, ne nase mwiwe, mbo nivo vosi vave mwifwe kho esialo sisuvire mbo wanjuma. 22Oluyali olu wamberesa nakhavaweresa, mbo vave esinju silala ata nga khuli esinju silala. 23Ese munivo newe mwise, mbo kho vave wusa esinju silala mbo kho esialo siole okhumanya mbo ewe wanjuma ne wakhavasima ata nga wasima. 24Papa, elienya liange liri mbo avovosi, ava wamba, vave nange aandi, okhuwona oluyali olu wamba muwusimi wuwo khwise esialo nisisiri okhulongwa. 25Papa mulungi, esialo sisiri okhukhumanya, nausa nakhumanya, ne vano vamanyire mboniwe owanjuma. 26Navekesa elicha lilio, nendi okhuchiririra okhuliekesa, kho mbo owusimi owu wasima wuve munivo, nese munivo.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024