Evikholwa 25
25
Paulo asava Okhuchia emberi wa Kaisari
1Khanu Festo nikakhengira mwilambo lilie, enyinga nichiakhawa chitachu, kachula Kaisarea kachia Yerusalemu. 2Avakuhani vakhongo alala nende avemirisi va Avayahudi vamuyirira amastaka kawe okhulondana nende Paulo, vamwekalikhira, 3nivamucheva mbo avakholere khusinju silayi alekhule Paulo achie Yerusalemu. Vali vakhovire okhumwichira khungira. 4Festo kavachipa achi Paulo kawoywa Kaisarea, ne niye omwene kali alikhuchiayo khuvise vititi. 5“Kho,” kavawolera, “Lekhe khuchie nende avemirisi venywe, omunju oyo navakho nekoso liosiliosi vamukhalakire.”
6Nikakhamenya navo enyinga echichavicha munane namwe ekhumi, kamala kachia navo Kaisarea. Olutalo lwalondakho kekhala khusisala sisie nga omukhalaki, mana kachumania mbo valeche Paulo. 7Olu kali nikakhalechwa, Avayahudi vali nivachiye Kaisarea okhuchula Yerusalemu venyokha vamuchakho amakoso amangi mana amasicho aka vachanyala okhwekesa mbo ng'ali kakhola ta. 8Paulo keteteya nawola, “Ese sikholirekho ekoso liosiliosi khumalako, namwe khu Etemperi, namwe khu Kaisari ta.” 9Festo kenya okhusimisa Avayahudi, kawolera Paulo, “Wekomba okhuchia Yerusalemu okhalakirweyo emberi wange khumakoso kano?” 10Paulo kawola, “Nemire emberi wa Kaisari, eyi nenyekhire khalakirwe, nga wesi omanyire wulayi wene, sikholirekho ekoso liosiliosi khu Avayahudi ta. 11Ne niva mbo ndi namakoso, nekholire siosisiosi esiolanire mbo kenyekha efwe, sisava mbo mulekhe khunjicha ta, ne niva mbo sindikho nekoso khwaka vambaliye kosi ta, awumao onyala okhumbana khunivo, sava okhuchekereswa nundi emberi wa Kaisari.” 12Festo nikakhalomaloma navesikhaso sisie, kachipa, “Osavire okhuchekereswa emberi wa Kaisari, khanu olikuchia khu Kaisari.”
Paulo Ayirwa Emberi wa Agripa nende Banike
13Enyinga nichiakhavichakho, omuchuki Agripa nende Banike vacha Kaisarea okhwingisa Festo. 14Nivakhekhalayo enyinga enyingi, Festo kavayirira amakhuwa ka Paulo emberi womuchuki nawola, “Khuli nende omunju oyu Felisi kalekha musiwoo. 15Ne nga nali nindi Yerusalemu, avakuhani vakhongo nende avasakhulu va Avayahudi vambolera amakhuwa kake nivenya mbo vamukhalakire. 16Navachipa nji sikali mumima kia Avaroma okhukhalakira omunju yesiyesi nasiri khuwonana nende avamusitaka moni namoni ta, mana yesi kanyola oweyangu wokhweteteya khumakoso akavali nivamuchayekho. 17Khanu olu vacha ano, nachulaniramo olutalo lwalondakho nekhalira esisala musikhaso mana nachuma mbo vamuleche. 18Avali nivamusitaka venyokha ne sivalikho nekoso ekali sana eliokhumukhalakira nga naparanga ta. 19Vali wusa namayingano matiti naye okhulondana nende edini yawe nende omunju mbo Yesu owali ni kafwa ne Paulo awola mbo mulamu. 20Nakhayiswe ngenyala okhunyola owang'ali khumakhuwa kano, namucheva niva mbo kekomba okhuchia Yerusalemu akhalakirwe eweneyo khumakhuwa kano. 21Paulo kasava mbo avikhwe musiwoo omuchuki wesialo achekeresekho esiyalo sisie. Nakhalakirisa mbo vamulekhe musiwoo okhwola ngendi khumuchuma khu Kaisari.” 22Agripa kawolera Festo, “Nekomba okhumuwulirakho samwene.” Festo kamuchipa, “Kene omuwulire muchuli.”
23Olutalo lwalondakho Agripa nende Bernike vengira munju yemikhung'ano nowuchachafu alala nende avemirisi vavamahe nende avakali vetookho. Festo kachumania mbo Paulo alechwe. 24Festo kawola, “Omuchuki Agripa nende vosi avali nafwe ano, omunju oyu muwona ono ngwoyu Avayahudi vosi ava Yerusalemu nende avali ano, vanjichiye nivayokera mbo sikenyekha amenye nundi ta. 25Nange sinawonakho siosi esikali nakholire esiolanire okhumwicha ta, ne ngomwene kasava mbo Omuchuki Wesialo amuchekerese, neyama okhumuyira. 26Ne sindikho nende liosi eli mbandikira omwami wange okhulondana naye ta. Khanu nakhamulecha emberi wenywe, mana, olukali emberi wuwo, omuchuki Agripa, mbo, nikhwakhamucheveresa wulayi, mbekho nende elimbandika. 27Esikira viwonekhana eviesoni khwise okhuyira omuwoe ninjekesise owulayi amakoso kake tawe.”
നിലവിൽ തിരഞ്ഞെടുത്തിരിക്കുന്നു:
Evikholwa 25: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Evikholwa 25
25
Paulo asava Okhuchia emberi wa Kaisari
1Khanu Festo nikakhengira mwilambo lilie, enyinga nichiakhawa chitachu, kachula Kaisarea kachia Yerusalemu. 2Avakuhani vakhongo alala nende avemirisi va Avayahudi vamuyirira amastaka kawe okhulondana nende Paulo, vamwekalikhira, 3nivamucheva mbo avakholere khusinju silayi alekhule Paulo achie Yerusalemu. Vali vakhovire okhumwichira khungira. 4Festo kavachipa achi Paulo kawoywa Kaisarea, ne niye omwene kali alikhuchiayo khuvise vititi. 5“Kho,” kavawolera, “Lekhe khuchie nende avemirisi venywe, omunju oyo navakho nekoso liosiliosi vamukhalakire.”
6Nikakhamenya navo enyinga echichavicha munane namwe ekhumi, kamala kachia navo Kaisarea. Olutalo lwalondakho kekhala khusisala sisie nga omukhalaki, mana kachumania mbo valeche Paulo. 7Olu kali nikakhalechwa, Avayahudi vali nivachiye Kaisarea okhuchula Yerusalemu venyokha vamuchakho amakoso amangi mana amasicho aka vachanyala okhwekesa mbo ng'ali kakhola ta. 8Paulo keteteya nawola, “Ese sikholirekho ekoso liosiliosi khumalako, namwe khu Etemperi, namwe khu Kaisari ta.” 9Festo kenya okhusimisa Avayahudi, kawolera Paulo, “Wekomba okhuchia Yerusalemu okhalakirweyo emberi wange khumakoso kano?” 10Paulo kawola, “Nemire emberi wa Kaisari, eyi nenyekhire khalakirwe, nga wesi omanyire wulayi wene, sikholirekho ekoso liosiliosi khu Avayahudi ta. 11Ne niva mbo ndi namakoso, nekholire siosisiosi esiolanire mbo kenyekha efwe, sisava mbo mulekhe khunjicha ta, ne niva mbo sindikho nekoso khwaka vambaliye kosi ta, awumao onyala okhumbana khunivo, sava okhuchekereswa nundi emberi wa Kaisari.” 12Festo nikakhalomaloma navesikhaso sisie, kachipa, “Osavire okhuchekereswa emberi wa Kaisari, khanu olikuchia khu Kaisari.”
Paulo Ayirwa Emberi wa Agripa nende Banike
13Enyinga nichiakhavichakho, omuchuki Agripa nende Banike vacha Kaisarea okhwingisa Festo. 14Nivakhekhalayo enyinga enyingi, Festo kavayirira amakhuwa ka Paulo emberi womuchuki nawola, “Khuli nende omunju oyu Felisi kalekha musiwoo. 15Ne nga nali nindi Yerusalemu, avakuhani vakhongo nende avasakhulu va Avayahudi vambolera amakhuwa kake nivenya mbo vamukhalakire. 16Navachipa nji sikali mumima kia Avaroma okhukhalakira omunju yesiyesi nasiri khuwonana nende avamusitaka moni namoni ta, mana yesi kanyola oweyangu wokhweteteya khumakoso akavali nivamuchayekho. 17Khanu olu vacha ano, nachulaniramo olutalo lwalondakho nekhalira esisala musikhaso mana nachuma mbo vamuleche. 18Avali nivamusitaka venyokha ne sivalikho nekoso ekali sana eliokhumukhalakira nga naparanga ta. 19Vali wusa namayingano matiti naye okhulondana nende edini yawe nende omunju mbo Yesu owali ni kafwa ne Paulo awola mbo mulamu. 20Nakhayiswe ngenyala okhunyola owang'ali khumakhuwa kano, namucheva niva mbo kekomba okhuchia Yerusalemu akhalakirwe eweneyo khumakhuwa kano. 21Paulo kasava mbo avikhwe musiwoo omuchuki wesialo achekeresekho esiyalo sisie. Nakhalakirisa mbo vamulekhe musiwoo okhwola ngendi khumuchuma khu Kaisari.” 22Agripa kawolera Festo, “Nekomba okhumuwulirakho samwene.” Festo kamuchipa, “Kene omuwulire muchuli.”
23Olutalo lwalondakho Agripa nende Bernike vengira munju yemikhung'ano nowuchachafu alala nende avemirisi vavamahe nende avakali vetookho. Festo kachumania mbo Paulo alechwe. 24Festo kawola, “Omuchuki Agripa nende vosi avali nafwe ano, omunju oyu muwona ono ngwoyu Avayahudi vosi ava Yerusalemu nende avali ano, vanjichiye nivayokera mbo sikenyekha amenye nundi ta. 25Nange sinawonakho siosi esikali nakholire esiolanire okhumwicha ta, ne ngomwene kasava mbo Omuchuki Wesialo amuchekerese, neyama okhumuyira. 26Ne sindikho nende liosi eli mbandikira omwami wange okhulondana naye ta. Khanu nakhamulecha emberi wenywe, mana, olukali emberi wuwo, omuchuki Agripa, mbo, nikhwakhamucheveresa wulayi, mbekho nende elimbandika. 27Esikira viwonekhana eviesoni khwise okhuyira omuwoe ninjekesise owulayi amakoso kake tawe.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024