Evikholwa 24
24
Avayahudi vasitaka Paulo
1Nichiakhavicha enyinga chichanu, omukuhani mukhongo mbo Anania kacha Kaisarea nende avasakhulu, alala nende omulomalomi wawe olangwa Tertulo. Vachia emberi wa gavana Felisi vasitaka Paulo. 2Olu vamulanga Tertulo, kanja okhusitaka Paulo nawola:
“Owoluyali Felisi, okhuvichira mwiwe khunawonanga omulembe, nundi okhuvichira muwuchuki wuwo wakalukhanisie evinju muanga liefwe. 3Mungira chiosi nundi wuli awunju khweyama kano nikhukhukhupira ochio engali. 4Sinenya okhuwukula oweyangu wuwo owukali ta, ekhusava muwulayi wuwo mbo ochuchekeresekho atiti. 5Khwanyoye mbo omunju ono simulayi ta, alecha owuchwanjwania mu Avayahudi wuli awunju musialo siosi, nundi mwemirisi wesituma sia Avanazareti. 6Ata kakhatema okhunyaalusa Etemperi nichali khwamutira. [Khwenya khumukhalakire okhulondana nende amalako kefwe. 7Nausa Lusia, omukali wavamahe kengirira, kamuwukula namaani okhuchula mumakhono kefwe. 8Kawola achi avamusitakire vosi vache emberi wuwo.] Numucheveresa wamwene oli khuwona kosi aka khumusitakirakho.”
9Avayahudi vengiriramo okhwekesa mbo akavawola kosi kali kawene.
Paulo Keteteya Emberi wa Felisi
10Olu gavana kacheva Paulo awolekho, kamala kachipa:
“Manyire mbo wakhava omukhalaki muanga lino khulwemiaka emingi, khanu neteteya nisangaye. 11Nga onyala okhuwona wamwene, sichivicha enyinga ekhumi nachiviri okhuchula ninjia okhusala Yerusalemu ta; 12ne sivanyolakho nindukhana nomunju, namwe ninjwayirisa esituma mu Etemperi namwe musinagogi, namwe mwitookho ta. 13Nundi sivalikho nesiekesa mbo nakhola akavawola kano ta. 14Nausa nenya okhweyama emberi wuwo, mbo okhulondana nende engira, eyi vawola mbo sikanda, sikamiranga Nyasaye wavakuka vefwe. Nisuvira kosi akali mu Amalako ka Musa nende akaandikwa navanabii. 15Ndi nesuvira mu Nyasaye oyu vano vosi veyama, mbo khuchiakhuva nende esisimukha liavalungi navachasi valungi. 16Kho khanu ndemanga ngenyala mbombe nende emanya liolanire emberi wa Nyasaye nende emberi wavanju. 17Olu nali ninakhekhala erwanyi khulwemiaka, nakooye Yerusalemu okhulechera avanju vange owukhonyi nende evianwa. 18Vanyola mu Etemperi ni ndakholanga kano, ninakhamala okhwechwenula. Sikhwalikhoo nesituma siavanju namwe oluyoka ta. Okhuchusakho Avayahudi valala okhuchula Asia, 19venyekhire vave ano emberi wuwo vaane amasitako kawe niva mbo valikho nako khwise. 20Nao ta avanju vano vawolekho mbo wuvi sina owu vanyola nawo olu nachia emberi wesikhaso, 21okhuchusakho ekhuwa elala lino eli nawola nindi emberi wawe, ‘ndi musiina emberi wuwo nyingayino okhulondana nende esuvira liange mbo avafu vanakhasisimukhe.’ ”
22Okhuva mbo Felisi kali amanyire wulayi wene okhulondana nengira yino, kemesa amakhuwa kawe, kawola, “Ndi khukhalaka esiina sienywe omukali wavamahe, Lusia, nikakhacha.” 23Kaana elako khu wamahe wali namulindire mbo akoose Paulo musiwoo nichasi avekho nowulekhule, nundi vachakayira avasale vave okhumukholera aka kenya ta.
Paulo achia emberi wa Felisi nende Drusila
24Enyinga ni chiakhavichakho Felisi kacha nomukhaye wuwe mbo Drusila, owali Omuyahudi; kachuma valange Paulo mana kawulira nalomaloma khwisuvira mu Yesu Kristo. 25Nga Paulo kachianakana okhulomaloma okhulondana nende owang'ali, okhwelinda nende khunyinga yesikhalakiro sicha, Felisi kesindukha mana kawola, “Ewe chula ano esa yino, ninyola oweyangu ndakhulange nundi.” 26Evise evio kaparanga achi Paulo ali okhumuwa esende, khanu kekhalira okhumulanga khase na khase nalomaloma naye. 27Emiaka kiviri nikiakhawa, Porkio Festo kawukula oweyangu wa Felisi. Okhuvera mbo Felisi kenya okhusimisa Avayahudi, kamala alekhe Paulo musiwoo.
നിലവിൽ തിരഞ്ഞെടുത്തിരിക്കുന്നു:
Evikholwa 24: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Evikholwa 24
24
Avayahudi vasitaka Paulo
1Nichiakhavicha enyinga chichanu, omukuhani mukhongo mbo Anania kacha Kaisarea nende avasakhulu, alala nende omulomalomi wawe olangwa Tertulo. Vachia emberi wa gavana Felisi vasitaka Paulo. 2Olu vamulanga Tertulo, kanja okhusitaka Paulo nawola:
“Owoluyali Felisi, okhuvichira mwiwe khunawonanga omulembe, nundi okhuvichira muwuchuki wuwo wakalukhanisie evinju muanga liefwe. 3Mungira chiosi nundi wuli awunju khweyama kano nikhukhukhupira ochio engali. 4Sinenya okhuwukula oweyangu wuwo owukali ta, ekhusava muwulayi wuwo mbo ochuchekeresekho atiti. 5Khwanyoye mbo omunju ono simulayi ta, alecha owuchwanjwania mu Avayahudi wuli awunju musialo siosi, nundi mwemirisi wesituma sia Avanazareti. 6Ata kakhatema okhunyaalusa Etemperi nichali khwamutira. [Khwenya khumukhalakire okhulondana nende amalako kefwe. 7Nausa Lusia, omukali wavamahe kengirira, kamuwukula namaani okhuchula mumakhono kefwe. 8Kawola achi avamusitakire vosi vache emberi wuwo.] Numucheveresa wamwene oli khuwona kosi aka khumusitakirakho.”
9Avayahudi vengiriramo okhwekesa mbo akavawola kosi kali kawene.
Paulo Keteteya Emberi wa Felisi
10Olu gavana kacheva Paulo awolekho, kamala kachipa:
“Manyire mbo wakhava omukhalaki muanga lino khulwemiaka emingi, khanu neteteya nisangaye. 11Nga onyala okhuwona wamwene, sichivicha enyinga ekhumi nachiviri okhuchula ninjia okhusala Yerusalemu ta; 12ne sivanyolakho nindukhana nomunju, namwe ninjwayirisa esituma mu Etemperi namwe musinagogi, namwe mwitookho ta. 13Nundi sivalikho nesiekesa mbo nakhola akavawola kano ta. 14Nausa nenya okhweyama emberi wuwo, mbo okhulondana nende engira, eyi vawola mbo sikanda, sikamiranga Nyasaye wavakuka vefwe. Nisuvira kosi akali mu Amalako ka Musa nende akaandikwa navanabii. 15Ndi nesuvira mu Nyasaye oyu vano vosi veyama, mbo khuchiakhuva nende esisimukha liavalungi navachasi valungi. 16Kho khanu ndemanga ngenyala mbombe nende emanya liolanire emberi wa Nyasaye nende emberi wavanju. 17Olu nali ninakhekhala erwanyi khulwemiaka, nakooye Yerusalemu okhulechera avanju vange owukhonyi nende evianwa. 18Vanyola mu Etemperi ni ndakholanga kano, ninakhamala okhwechwenula. Sikhwalikhoo nesituma siavanju namwe oluyoka ta. Okhuchusakho Avayahudi valala okhuchula Asia, 19venyekhire vave ano emberi wuwo vaane amasitako kawe niva mbo valikho nako khwise. 20Nao ta avanju vano vawolekho mbo wuvi sina owu vanyola nawo olu nachia emberi wesikhaso, 21okhuchusakho ekhuwa elala lino eli nawola nindi emberi wawe, ‘ndi musiina emberi wuwo nyingayino okhulondana nende esuvira liange mbo avafu vanakhasisimukhe.’ ”
22Okhuva mbo Felisi kali amanyire wulayi wene okhulondana nengira yino, kemesa amakhuwa kawe, kawola, “Ndi khukhalaka esiina sienywe omukali wavamahe, Lusia, nikakhacha.” 23Kaana elako khu wamahe wali namulindire mbo akoose Paulo musiwoo nichasi avekho nowulekhule, nundi vachakayira avasale vave okhumukholera aka kenya ta.
Paulo achia emberi wa Felisi nende Drusila
24Enyinga ni chiakhavichakho Felisi kacha nomukhaye wuwe mbo Drusila, owali Omuyahudi; kachuma valange Paulo mana kawulira nalomaloma khwisuvira mu Yesu Kristo. 25Nga Paulo kachianakana okhulomaloma okhulondana nende owang'ali, okhwelinda nende khunyinga yesikhalakiro sicha, Felisi kesindukha mana kawola, “Ewe chula ano esa yino, ninyola oweyangu ndakhulange nundi.” 26Evise evio kaparanga achi Paulo ali okhumuwa esende, khanu kekhalira okhumulanga khase na khase nalomaloma naye. 27Emiaka kiviri nikiakhawa, Porkio Festo kawukula oweyangu wa Felisi. Okhuvera mbo Felisi kenya okhusimisa Avayahudi, kamala alekhe Paulo musiwoo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024