Evikholwa 10
10
Petero nende Kornelio
1Khwali nomunju mu Kaisarea owalangwa mbo Kornelio, omwimirisi wavamahe nikemiriye esituma sialangwa mbo “Esituma sia Italia,” 2kali karia Nyasaye alala navenju yiye mana kayetanga avanju vamanani nundi kasalanga Nyasaye musialo. 3Muvise via esa tisa musiteche kawona mumalola engelosi ya Nyasaye niyingira nokhumuwolera, “Kornelio.” 4Kayilengera nowuchi mana kawola, “Kali kachie Omwami?” Yamuwolera, “Nyasaye asimisiswe namasayo kako nomwoyo kwowuani khuvamanani mana sialikhukhwivirira ta. 5Khanu chuma avanju mwitookho lia Yopa vachie valange omunju mbo Simioni oyu valanganga vachi Petero. 6Amenyire nende Simioni, omulombi wamasero, owamenya aambi nenyanja.” 7Olu engelosi yamulekha, kalanga avakhalavani vave vaviri nende owamahe mulala owaria Nyasaye okhuvalinda. 8Kavawolera kosi aka kali nawene mana kavachuma mwitookho lia Yopa.
9Olutalo lwalondakho, olu vali khungira nivanachianga, nivali aambi okhwola, Petero kanina amukulu wenju okhusala muvise viesa sita. 10Enjala yanja okhumuluma mana kekomba okhuliakho esinju. Olu vali nivamulombera esiokhulia, endolo chiamutira mana kanja okhulocha. 11Kawona ekulu nilikukhire, nesinju sinekhanga ngoluvaala niluvambukhire embeka chiosi chine nilwicha khwilova. 12Khuluvala olwo, esolo chialikho echiembia chiosi, echikenda khumakulu kane, echimola nende enyuni chipurukha. 13Omwoyo kwamwichira nikuwola, “Yinyokha Petero, yicha esolo chino olie.” 14Petero kawola, “Tawe Omwami, ese sirikhuliakho esinju sinyaalu ta.” 15Nundi kawulira omwoyo olwakhaviri, “Esi Nyasaye alavisie ochasilanga ochi sinyaalu ta.” 16Kakholekhana kachio amakhavi katachu ne oluvaala lumala luwukulwa nundi lukoola mwikulu.
17Khanu olu Petero kali nasichenga nakochiswe mbo amalola ako kali nende sifune sina, avanju ava Kornelio kali nachumire vali vakhacheveresa enju ya Simioni mana vali vakhema musiriwa. 18Valangirisa nivacheva mbo Simoni olangwa Petero kakhava nakeniyirekho munju omwo? 19Olu Petero kali nasiparirisa khumalola kake, Roho kamuwolera, “Wona, avanju vatachu vali erwanyi vakhutakha. 20Yinyokha wikhe aasi ochie navo mana chulaniramo sikira nise ovachumire.” 21Petero kekha kachia kawona avanju avo mana kavawolera, “Nise oyu munatakhanga, esifune siokhwicha khwenywe siosina?” 22Vamuchipa, “Kornelio, omwimirisi wavamahe, mana nundi owaria Nyasaye, oyu Avayahudi vosi vawa oluyali, kemiriywe nende engelosi ya Nyasaye mana kachuchuma mbo khukhulange ochie munju yiye awulirekho akonyala okhuwola.” 23Petero kavengisa mbo vave vakeni vave.
Olutalo lwalondakho kenyokha kachia navo, avasiefwe valala ava Yopa vosi vachia naye. 24Vola Kaisarea olutalo lwalondakho. Kornelio kali avalindire nundi kali alangirekho valala khuvekholo yiye nende avasale vave. 25Olu Petero kengira, Kornelio kamwakanira mana kamukwa mumakulu kamusikamira. 26Petero kamwinyosa nawola, “Yinyokha weme, Sesi ndiwusa omunju.” 27Olu kalomaloma naye, kamala kengira munju mana kanyola avanju avangi nivewusise alala. 28Kavawolera, “Enywe mwesi mumanyire mbo elako sirisiwula Omuyahudi okhwingirana namwe okhukeniya omunju wesialo sindi tawe, nausa Nyasaye kanjekesise mbo sikenyekheye nange omunju yesiyesi mbo munyaalu tawe. 29Kho, olu nangirwe, njulaniyemo wusa sinyinganire ta. Khanu njeva nji wunangiye sina?”
30Kornelio kawola, “Enyinga chiakhavicha chine, muvise nga vino, nali ndasalanga amasayo kasaa tisa munju wange, ne wona, omunju kema emberi wange munguwo endafu, 31kawola, ‘Kornelio, Nyasaye kakhawulira amasayo kako nundi kakhakhewulira owuani wuwo. 32Khanu chuma avanju vachie Yopa valange Simoni olangwa Petero, amenyire munju ya Simioni, omulombi wamasero oli aambi nenyanja.’ 33Khanu njumire vakhulange lwangulwangu, nawe wakhava omusuvirwa wakhacha. Khanu khuli ano fwesi emberi wa Nyasaye, mbo khuwulirekho aka Omwami akhulakirisise.”
Elomaloma lia Petero
34Petero kanja okhulomaloma: “Ng'ali khanu nakhamanya mbo Nyasaye sialikhomo owawukhani tawe, 35nausa muwuli eanga, yesiyesi omuchichikana mana akhole akenyekhana afukirirwa emberi wuwe. 36Mumanyire ekhuwa eli kachumira avanju va Israeli, nikerwacha amakhuwa malayi akomulembe mu Yesu Kristo, Omwami wavanju vosi. 37Ekhuwa lierwachwa mu Yudea mwosi, okhwanjira Galilaya evatisa eli Yohana kerwacha liakhekholekha. 38Mumanyire nga Nyasaye kalechera Yesu owa Nazareti Roho Muchwenufu nende owunyali. Nga kakenda wuli awunju nakhola amalayi nokhuwonia avanyasiwanga ni setani, esikira Nyasaye kali alala naye. 39Efwe khuli vaveri khu kosi aka kakhola musialo sia Avayahudi nende mu Yerusalemu. Vamala vamwicha okhuvichira mukhuvamba khumusala. 40Nausa Nyasaye kamusisimusa olutalo lwa khatachu mana kamwekesa emberi wavanju. 41Sikali mbo keyekesa khuvanju vosi tawe, nichasi khwifwe ava Nyasaye kachoola okhuva avaveri, avalia nundi vanywa alala naye nikakhasisimukha okhuchula muvafu. 42Kachulakirisa achi khwirwachire avanju, nikhuana owuloli mbo nje niye oyu Nyasaye kachakho omukhono mbo ave omukhalaki khuvalamu nende avafu. 43Avanabii vosi vamuanira owuloli mbo yesiyesi omusuvira anyola owulekheri wowoni mulicha lilie.”
Avesialo Vanyola Roho Muchwenufu
44Petero nasiwola achio, Roho Muchwenufu kekhera vosi avawulira ekhuwa. 45Avasuvirwa vali nivachire nende Petero okhuchula Yopa vesindukha okhuwona Avachali Avayahudi vosi nivanyoye esianwa sia Roho Muchwenufu. 46Okhuvera vawulira nivalomaloma munimi chiawukhanire nivafumia Nyasaye. Petero kavawolera, 47“Omunju yesiyesi anyala kalovera avanju vano okhuvatiswa mumachi niva mbo vanyoye Roho Muchwenufu nga fwesi khwanyola?” 48Kalakirisa mbo vavatiswe mulicha lia Yesu Kristo. Mana vamusava mbo kekhalekho navo enyinga chiolanire.
നിലവിൽ തിരഞ്ഞെടുത്തിരിക്കുന്നു:
Evikholwa 10: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Evikholwa 10
10
Petero nende Kornelio
1Khwali nomunju mu Kaisarea owalangwa mbo Kornelio, omwimirisi wavamahe nikemiriye esituma sialangwa mbo “Esituma sia Italia,” 2kali karia Nyasaye alala navenju yiye mana kayetanga avanju vamanani nundi kasalanga Nyasaye musialo. 3Muvise via esa tisa musiteche kawona mumalola engelosi ya Nyasaye niyingira nokhumuwolera, “Kornelio.” 4Kayilengera nowuchi mana kawola, “Kali kachie Omwami?” Yamuwolera, “Nyasaye asimisiswe namasayo kako nomwoyo kwowuani khuvamanani mana sialikhukhwivirira ta. 5Khanu chuma avanju mwitookho lia Yopa vachie valange omunju mbo Simioni oyu valanganga vachi Petero. 6Amenyire nende Simioni, omulombi wamasero, owamenya aambi nenyanja.” 7Olu engelosi yamulekha, kalanga avakhalavani vave vaviri nende owamahe mulala owaria Nyasaye okhuvalinda. 8Kavawolera kosi aka kali nawene mana kavachuma mwitookho lia Yopa.
9Olutalo lwalondakho, olu vali khungira nivanachianga, nivali aambi okhwola, Petero kanina amukulu wenju okhusala muvise viesa sita. 10Enjala yanja okhumuluma mana kekomba okhuliakho esinju. Olu vali nivamulombera esiokhulia, endolo chiamutira mana kanja okhulocha. 11Kawona ekulu nilikukhire, nesinju sinekhanga ngoluvaala niluvambukhire embeka chiosi chine nilwicha khwilova. 12Khuluvala olwo, esolo chialikho echiembia chiosi, echikenda khumakulu kane, echimola nende enyuni chipurukha. 13Omwoyo kwamwichira nikuwola, “Yinyokha Petero, yicha esolo chino olie.” 14Petero kawola, “Tawe Omwami, ese sirikhuliakho esinju sinyaalu ta.” 15Nundi kawulira omwoyo olwakhaviri, “Esi Nyasaye alavisie ochasilanga ochi sinyaalu ta.” 16Kakholekhana kachio amakhavi katachu ne oluvaala lumala luwukulwa nundi lukoola mwikulu.
17Khanu olu Petero kali nasichenga nakochiswe mbo amalola ako kali nende sifune sina, avanju ava Kornelio kali nachumire vali vakhacheveresa enju ya Simioni mana vali vakhema musiriwa. 18Valangirisa nivacheva mbo Simoni olangwa Petero kakhava nakeniyirekho munju omwo? 19Olu Petero kali nasiparirisa khumalola kake, Roho kamuwolera, “Wona, avanju vatachu vali erwanyi vakhutakha. 20Yinyokha wikhe aasi ochie navo mana chulaniramo sikira nise ovachumire.” 21Petero kekha kachia kawona avanju avo mana kavawolera, “Nise oyu munatakhanga, esifune siokhwicha khwenywe siosina?” 22Vamuchipa, “Kornelio, omwimirisi wavamahe, mana nundi owaria Nyasaye, oyu Avayahudi vosi vawa oluyali, kemiriywe nende engelosi ya Nyasaye mana kachuchuma mbo khukhulange ochie munju yiye awulirekho akonyala okhuwola.” 23Petero kavengisa mbo vave vakeni vave.
Olutalo lwalondakho kenyokha kachia navo, avasiefwe valala ava Yopa vosi vachia naye. 24Vola Kaisarea olutalo lwalondakho. Kornelio kali avalindire nundi kali alangirekho valala khuvekholo yiye nende avasale vave. 25Olu Petero kengira, Kornelio kamwakanira mana kamukwa mumakulu kamusikamira. 26Petero kamwinyosa nawola, “Yinyokha weme, Sesi ndiwusa omunju.” 27Olu kalomaloma naye, kamala kengira munju mana kanyola avanju avangi nivewusise alala. 28Kavawolera, “Enywe mwesi mumanyire mbo elako sirisiwula Omuyahudi okhwingirana namwe okhukeniya omunju wesialo sindi tawe, nausa Nyasaye kanjekesise mbo sikenyekheye nange omunju yesiyesi mbo munyaalu tawe. 29Kho, olu nangirwe, njulaniyemo wusa sinyinganire ta. Khanu njeva nji wunangiye sina?”
30Kornelio kawola, “Enyinga chiakhavicha chine, muvise nga vino, nali ndasalanga amasayo kasaa tisa munju wange, ne wona, omunju kema emberi wange munguwo endafu, 31kawola, ‘Kornelio, Nyasaye kakhawulira amasayo kako nundi kakhakhewulira owuani wuwo. 32Khanu chuma avanju vachie Yopa valange Simoni olangwa Petero, amenyire munju ya Simioni, omulombi wamasero oli aambi nenyanja.’ 33Khanu njumire vakhulange lwangulwangu, nawe wakhava omusuvirwa wakhacha. Khanu khuli ano fwesi emberi wa Nyasaye, mbo khuwulirekho aka Omwami akhulakirisise.”
Elomaloma lia Petero
34Petero kanja okhulomaloma: “Ng'ali khanu nakhamanya mbo Nyasaye sialikhomo owawukhani tawe, 35nausa muwuli eanga, yesiyesi omuchichikana mana akhole akenyekhana afukirirwa emberi wuwe. 36Mumanyire ekhuwa eli kachumira avanju va Israeli, nikerwacha amakhuwa malayi akomulembe mu Yesu Kristo, Omwami wavanju vosi. 37Ekhuwa lierwachwa mu Yudea mwosi, okhwanjira Galilaya evatisa eli Yohana kerwacha liakhekholekha. 38Mumanyire nga Nyasaye kalechera Yesu owa Nazareti Roho Muchwenufu nende owunyali. Nga kakenda wuli awunju nakhola amalayi nokhuwonia avanyasiwanga ni setani, esikira Nyasaye kali alala naye. 39Efwe khuli vaveri khu kosi aka kakhola musialo sia Avayahudi nende mu Yerusalemu. Vamala vamwicha okhuvichira mukhuvamba khumusala. 40Nausa Nyasaye kamusisimusa olutalo lwa khatachu mana kamwekesa emberi wavanju. 41Sikali mbo keyekesa khuvanju vosi tawe, nichasi khwifwe ava Nyasaye kachoola okhuva avaveri, avalia nundi vanywa alala naye nikakhasisimukha okhuchula muvafu. 42Kachulakirisa achi khwirwachire avanju, nikhuana owuloli mbo nje niye oyu Nyasaye kachakho omukhono mbo ave omukhalaki khuvalamu nende avafu. 43Avanabii vosi vamuanira owuloli mbo yesiyesi omusuvira anyola owulekheri wowoni mulicha lilie.”
Avesialo Vanyola Roho Muchwenufu
44Petero nasiwola achio, Roho Muchwenufu kekhera vosi avawulira ekhuwa. 45Avasuvirwa vali nivachire nende Petero okhuchula Yopa vesindukha okhuwona Avachali Avayahudi vosi nivanyoye esianwa sia Roho Muchwenufu. 46Okhuvera vawulira nivalomaloma munimi chiawukhanire nivafumia Nyasaye. Petero kavawolera, 47“Omunju yesiyesi anyala kalovera avanju vano okhuvatiswa mumachi niva mbo vanyoye Roho Muchwenufu nga fwesi khwanyola?” 48Kalakirisa mbo vavatiswe mulicha lia Yesu Kristo. Mana vamusava mbo kekhalekho navo enyinga chiolanire.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024