Evikholwa 11
11
Ekhuwa lia Petero khu Ekanisa lia Yerusalemu
1Khanu avachumwa nende avasiefwe vali Yudea vawulira mbo Avachali Avayahudi vosi vali vanyoye ekhuwa lia Nyasaye. 2Olu Petero kakoola Yerusalemu, Avayahudi vasuvira musikhewo vamwingirira, 3nivawola, “Sikira sina nuchiye muvanju vachakhewa walia navo?” 4Petero kavawolera koosi akali nikakholekhire okhuchula nga kanja: 5“Mbaye mwitookho lia Yopa nisala, nawona mumalola esinju nisiikha okhuchula mwikulu ngoluvaala oluvalayi nilutiywe embeka chine, mana lwacha aambaye. 6Olu neunjire wulayi wene, mbwenekho esolo chiokhuchuka nende echiomwisuku nende evimola nevikulukha. 7Nawulira omwoyo nikumbolera, ‘Petero yinyokha, sinja olie.’ 8Nawola nji ‘Tawe Omwami, siri khuchakho esinju sinyaalu mumunwa kwange tawe.’ 9Omwoyo okhuchula mwikulu kwakoleramo nundi, ‘Esi Nyasaye achwenuye ochasilanga ochi sinyaalu ta.’ 10Kano kakholekhire amakhavi katachu nundi wulisinju siawukulwa okhukoola mwikulu. 11Muvise evio, avanju vatachu vacha munju omu khwali nivachumirwe okhuchula Kaisarea. 12Roho kambolera achi njie navo ne enjayinganamo ta. Khwichire nende avasiefwe sita vano okhwola munju ya Kornelio. 13Kachuwolera ngawene Engelosi niyemire munju wuwe niyiwola, ‘Chuma avanju vachie Yopa valange Simoni Petero, 14achia okhukhuwolera amakhuwa kanakhuwonie ewe alala nenju yiyo.’ 15Olu nanjire okhulomaloma, Roho Muchwenufu avekheye wusa nga kachwikhira efwe mukhwanja. 16Nakhewulira ekhuwa lia Omwami, nga kawola, ‘Yohana kavatisa namachi, nanywe muchia khuvatiswa nende Roho Muchwenufu.’ 17Khanu niva mbo Nyasaye avawaye esianwa sira wusa esi kachuwa efwe nikhwakhasuvira mu Omwami Yesu Kristo, ese nise anu owakhatemire okhwikalira Nyasaye?” 18Olu vawulira kano, vosi vawulera mana vafumia Nyasaye nivawola, “Nyasaye awaye Avachali Avayahudi vosi eliekanira vanyole owulamu.”
Ekanisa mu Antiokia
19Khanu avawule vali nivasalanikhire okhulondana nende esinyasio sialiwo enyinga echi vechera Stefano vakenda embeka nembeka vola Foinike, Kupro nende Antiokia niverwachira Avayahudi ekhuwa. 20Khwali navandi okhuchula Kupro nende Kurene, averwachiranga avanju vevivala vindi ekhuwa lia Omwami Yesu olu vali nivachia Antiokia. 21Amaani ka Omwami kali alala navo, mana avanju avangi vasuvira nivakoolera Omwami. 22Amakhuwa kano kawulirikha mukanisa lia Yerusalemu, vamala vachuma Baranaba okhuchia Antiokia. 23Olu kacha kawona embavasi chia Nyasaye, kasangala, kavatinyirisa vosi mbo vasuvire mu Omwami nomwoyo kwosi. 24Baranaba kali omunju omulayi, owechulamo Roho Muchwenufu nende esuvira. Avanju avangi vasuvira mu Omwami.
25Baranaba kachia Tarso okhutakhatakha Saulo. 26Olu kamunyola, kamulecha Antiokia. Vawukanananga navanju avangi mukanisa nivavekesa ekhuwa khulwomwaka omulamba. Mu Antiokia mbwomu avalondi valangwa olwamberi mbo Avakristo. 27Munyinga echio avanabii vachulanga Yerusalemu nivachia Antiokia. 28Mulala khunivo oyu valanga vachi Akabo nikechuye Roho kawola achi enjala engali yichia okhuvao musialo siosi; kano kamala kekholekha munyinga echi Klaudio kali omuchuki. 29Avalondi vamala vechusa, okhulondana nende owunyali wa wulimunju, mbo vachumenge owuyeti khuvasiefwe vamenyanga Yudea; 30Vamala vakhola vachio, vachumanga owuyeti wawe khuvasakhulu vekanisa okhuvichira khu Baranaba nende Saulo.
നിലവിൽ തിരഞ്ഞെടുത്തിരിക്കുന്നു:
Evikholwa 11: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Evikholwa 11
11
Ekhuwa lia Petero khu Ekanisa lia Yerusalemu
1Khanu avachumwa nende avasiefwe vali Yudea vawulira mbo Avachali Avayahudi vosi vali vanyoye ekhuwa lia Nyasaye. 2Olu Petero kakoola Yerusalemu, Avayahudi vasuvira musikhewo vamwingirira, 3nivawola, “Sikira sina nuchiye muvanju vachakhewa walia navo?” 4Petero kavawolera koosi akali nikakholekhire okhuchula nga kanja: 5“Mbaye mwitookho lia Yopa nisala, nawona mumalola esinju nisiikha okhuchula mwikulu ngoluvaala oluvalayi nilutiywe embeka chine, mana lwacha aambaye. 6Olu neunjire wulayi wene, mbwenekho esolo chiokhuchuka nende echiomwisuku nende evimola nevikulukha. 7Nawulira omwoyo nikumbolera, ‘Petero yinyokha, sinja olie.’ 8Nawola nji ‘Tawe Omwami, siri khuchakho esinju sinyaalu mumunwa kwange tawe.’ 9Omwoyo okhuchula mwikulu kwakoleramo nundi, ‘Esi Nyasaye achwenuye ochasilanga ochi sinyaalu ta.’ 10Kano kakholekhire amakhavi katachu nundi wulisinju siawukulwa okhukoola mwikulu. 11Muvise evio, avanju vatachu vacha munju omu khwali nivachumirwe okhuchula Kaisarea. 12Roho kambolera achi njie navo ne enjayinganamo ta. Khwichire nende avasiefwe sita vano okhwola munju ya Kornelio. 13Kachuwolera ngawene Engelosi niyemire munju wuwe niyiwola, ‘Chuma avanju vachie Yopa valange Simoni Petero, 14achia okhukhuwolera amakhuwa kanakhuwonie ewe alala nenju yiyo.’ 15Olu nanjire okhulomaloma, Roho Muchwenufu avekheye wusa nga kachwikhira efwe mukhwanja. 16Nakhewulira ekhuwa lia Omwami, nga kawola, ‘Yohana kavatisa namachi, nanywe muchia khuvatiswa nende Roho Muchwenufu.’ 17Khanu niva mbo Nyasaye avawaye esianwa sira wusa esi kachuwa efwe nikhwakhasuvira mu Omwami Yesu Kristo, ese nise anu owakhatemire okhwikalira Nyasaye?” 18Olu vawulira kano, vosi vawulera mana vafumia Nyasaye nivawola, “Nyasaye awaye Avachali Avayahudi vosi eliekanira vanyole owulamu.”
Ekanisa mu Antiokia
19Khanu avawule vali nivasalanikhire okhulondana nende esinyasio sialiwo enyinga echi vechera Stefano vakenda embeka nembeka vola Foinike, Kupro nende Antiokia niverwachira Avayahudi ekhuwa. 20Khwali navandi okhuchula Kupro nende Kurene, averwachiranga avanju vevivala vindi ekhuwa lia Omwami Yesu olu vali nivachia Antiokia. 21Amaani ka Omwami kali alala navo, mana avanju avangi vasuvira nivakoolera Omwami. 22Amakhuwa kano kawulirikha mukanisa lia Yerusalemu, vamala vachuma Baranaba okhuchia Antiokia. 23Olu kacha kawona embavasi chia Nyasaye, kasangala, kavatinyirisa vosi mbo vasuvire mu Omwami nomwoyo kwosi. 24Baranaba kali omunju omulayi, owechulamo Roho Muchwenufu nende esuvira. Avanju avangi vasuvira mu Omwami.
25Baranaba kachia Tarso okhutakhatakha Saulo. 26Olu kamunyola, kamulecha Antiokia. Vawukanananga navanju avangi mukanisa nivavekesa ekhuwa khulwomwaka omulamba. Mu Antiokia mbwomu avalondi valangwa olwamberi mbo Avakristo. 27Munyinga echio avanabii vachulanga Yerusalemu nivachia Antiokia. 28Mulala khunivo oyu valanga vachi Akabo nikechuye Roho kawola achi enjala engali yichia okhuvao musialo siosi; kano kamala kekholekha munyinga echi Klaudio kali omuchuki. 29Avalondi vamala vechusa, okhulondana nende owunyali wa wulimunju, mbo vachumenge owuyeti khuvasiefwe vamenyanga Yudea; 30Vamala vakhola vachio, vachumanga owuyeti wawe khuvasakhulu vekanisa okhuvichira khu Baranaba nende Saulo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024