Evikholwa 1
1
1Omukosi Theofilo, musitau siange esiamberi, naandika okhulondana nende ako kosi aka Yesu kanja okhukhola nende okhwekesa, 2okhwola olutalo olu kawukulwa okhuchia mwikulu, ni kakhaana amalako khuvachumwa ava kali ni kachoola okhuvichira mu Roho Muchwenufu. 3Kavawonekhanira omulamu nikakhachula muvinyasio vivie, okhuvichira muvimanyiro evingi, munyinga amakhumi kane, nalomaloma okhulondana nende Owami wa Nyasaye. 4Olu kali navo, kavalakirisa mbo vachachula Yerusalemu taw13nausa valindirire elaka lia Papa elikavawolera, “mumbuliye, 5Yohana kavatisa namachi, ne enyinga nichichavicha enyingi, munavatiswe nende Roho Muchwenufu.”
Yesu Awukulwa Okhuchia Mwikulu
(Mrk. 16.19-20; Lk. 24.50-53)
6Olu vali nivakhacha alala vamucheva, “Omwami, vino njevise evi ochia okhukoosa owami khu Israeli?” 7Kavawolera, “Sikali khuwunyali wenywe okhumanya evise nende evikha vipangirwe nende papa khuwunyali wuwe omwene tawe. 8Nausa munanyole amaani Roho Muchwenufu ni kakhamwikhira; ne munave avaveri vange mu Yerusalemu nende Yudea nende Samaria okhwola mukhwakama khwesialo.” 9Nikakhawola kano, nga vali ni vamulengeye, kakingulwa amukulu kamirikhira mumalesi. 10Nivasilengeye amukulu mwikulu nga kali nachia, wona, avanju vaviri vema emberi wawe munguwo ndafu, 11vawola, “Enywe Avanju va Galilaya, mbo sina nimwema nimulengeye mwikulu? Yesu ono, owukuywe okhuchula khwinywe kachia mwikulu, anakoole wusa mungira eyo nga mumuwene nachia.”
Owakola Muweyangu wa Yudasi
(Mat. 27.3-10)
12Vakola Yerusalemu okhuchula musikulu silangwa Oliveti, esiri aambi nende Yerusalemu, olukendo lwenyinga yesabato;
13Olu vali nivakhengira, vachia munju yamukulu omuvali nivamenyire. Petero, Yohana, Yakopo nende Anderea, Filipo nende Tomasi, Batholomayo nende Matayo, Yakopo omwana wa Alfayo nende Simoni Omuzelote nende Yudasi omwana wa Yakopo. 14Vosi veana nomwoyo mulala khulwesala, alala navakhasi nende Maria ng'ina wa Yesu navana vawe.
15Munyinga echio, Petero kema akachi wa avasiefwe, vosi ne vali avanju aambi emia nende amakhumi kaviri, kawola achi,
16“Vasiefwe, mbo kho amaandiko kosereswe, aka Roho Muchwenufu kalomaloma khale okhuvichira khumunwa kwa Daudi, okhulondana nende Yudasi owemirira avo avatira Yesu. 17Yudasi kavalikha alala nafwe, ne yesi kali noweyangu wuwe muwukhalavani wuno.” 18(Omusacha ono kakula omukunda okhuchulana nende omuchungo kwowumayanu wuwe, kekhupa aasi, katikhamo akachi amala kosi kayombokha erwanyi. 19Amakhuwa kano kawulirikha khuvosi avamenyire Yerusalemu, valanga omukunda okwo mululomo lwawe vachi Akeldama, eliri nesifune mbo, Omukunda Kwamalasire.) 20“Nga kaandikwa musitau sia Saburi,
‘Lekha owumenyo wuwe wutong'e owerere,
nomunju yesi achamenyamo ta’.
Ne
‘Omunju wundi awukule oweyangu wuwe’
21Kho mulala khuvanju vakhakenda nafwe evise viosi evi Omwami Yesu kakhava nafwe, 22okhwanja mwivatisa lia Yohana okhwola olutalo olu kawukulwa okhuchula khwifwe, mulala khunivo kenyekha ave alala nafwe ave muveri khusisimukha lia Yesu.” 23Vachoola avanju vaviri, Yosefu owalangwanga mbo Barsaba namwe ta Yusto, nende Mathia. 24Vasala nivawola, “Omwami, owamanya emioyo kiavanju vosi, chwekese khu vaviri vano njanu oyu ochooye 25awukule oweyangu owu Yudasi kalekha mukhalavani wowuchumwa wuno okhuchia awunju wuwe omwene.” 26Vakhupa ekura mana ekhavi yakwira Mathia, kho Mathia kametwa khuvachumwa vandi ekhumi nende mulala.
നിലവിൽ തിരഞ്ഞെടുത്തിരിക്കുന്നു:
Evikholwa 1: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
