Ujọn 4
4
Ujeso a kọng ha ungingye Usameria
1Nyọng Ujeso a ma gyo le bendi Iferesis be gyo gbe le shi le bendi-utung bema abe u maa wu abe umbwo be fel go hwo abe Ujọn, 2ukpọ Ujeso ugyang a ma wu bendi umbwo ye, bendi-utung bema na be maa wu abe umbwo. 3Ki shi-e a ma gbe le he kubọng Ujudia tem gye he Ugalili.
4Ki ma yi kpe-kpe le u le gbe he Usameria a. 5Nya ana Ujeso a maa tan gbe he Usameria, a le wu he kiteng Usameria ashi be ko le Usaika. Kiteng ashina ki yi gwaa le ufel kupung angwu le-iti Ujekọb a ma kung ke unwaama Ujosef. 6Libel umbwo Ujekọb li ma yi ha. Nyọng Ujeso a ma wu ha libel umbwo ana, libwee li maa ndu pwọm he kudyan lishi. A bel kwu ko ha likọye litan li ma ngie he.
7Ungingye angwu u yi kubọng Usameria a be ha le u tyuo umbwo. Ujeso a de-e le, “Wo nya ba umbwo kam le mi ngwo a?” 8(Ha he kunyọng kumen ana bendi-utung Ujeso be ma gbe le ha tyang he ututeb, be ma gye he ishu angi i yi ha kpee-kpee he be be le ndyeb lizi.)
9Gyo ungingye ana le, “Wo angwu wo yi undi Ijuus, na wo de-m mi angwu mi yi ungingye Usameria le mi ka-a umbwo a?” Ijuus le Isameria, be za ipel ye.
10Ujeso a fan he le, “Ki kwu le wo ngye gbe le kuke ahwu Unim u ke bendi, wo mbee ngye-m mi angwu mi bi a le wo ke-m umbwo mi ngwo i, hang wo na wo de-m le mi ka-a umbwo angwu u ke likpan, hang mi ka-a ahe.”
11Ungingye ana a de-e le, “Ukandi, libel umbwo anyin li shul lishi, wo mbee shi le kigbọ ashi wo kung tyuo ye, he kung nyin wo be le umbwo angwu ha angwu u ke likpan? 12Wo dyam hwo Atya-tyan Ujekọb angwu a ma ke li umbwo angwun angwu ufe ugyang ọ, bebwaa-ma ọ, bitwole bima ọ bi ngwo le ha?”
13Ujeso a ha de-e le, “Undi uyang-yang angwu a ngwo umbwo le he libel anyin, umbwo u mbee gyo he; 14ukpọ undi uyang-yang angwu a ngwo umbwo angwu mi ke-e, ususo u tem gyo he ye ngyọ igye kpam. Umbwo angwu mi ke-e ana u yi na lishi umbwo, u ka he likpan kunyọng angi li ngyọ igye kpam.”
15Ungingye ana a kung de-e le, “Ukandi, kusii ha ke-m umbwo umen ana mi ngwo he umbwo u tem gyo mi ye, mi tem be he lishọ ọ ye.”
16Ujeso a kung de-e le, “Tem le de ukye-gang u be.”
17Angwu ungingye a fan Ujeso le, “Mi yi le ukyeb ye.”
“Wo kọng del-del a le wo yi le ukyeb ye. 18Kigyang ki yi le, Wo bee le bekyeb be fel be-dyọng. Angwu wo yi kwu he ahe ha nyin ọ, u yi ukye-gang a ye. Wo kọng kigyang a.”
19Ungingye umen ana a ha de-e le, “Ukandi, ki nung mi gboo le wo yi utye-ugie kisọm Unim a. 20Le-iti betie-tyan be maa fa Unim he ukwel angwun a, ukpọ men bendi Ijuus ma de le be fel gye he Ujeruselem hwan.”
21Ujeso a fan he le, “Iye, kunyọng ku ndu fel ahwu be tem be fe Atyagi Unim he biteng abin bife-bife a nyọng he Ujeruselem a ye. 22Men bendi Usameria ma ngye angwu ma fe ye. Ukpọ bel Ijuus li ngye angwu li fe, likọye gbe ha abel Ijuus na Unim u be kpan bendi puu. 23Kunyọng ku ba ba, ku tọ fel ọ ma, ahwu bendi abe be fe Atyagi he Ukatia Kunyọng le kigyang. Bendi abe be fe-e kitaa i, na Unim a kee. 24Unim u yi kunyọng a. He ashin ki yi kpe-kpe le abe be fe-e be fe-e he Ukatia Kunyọng le kigyang.”
25Ungingye umen ana a de-e le, “Mi ngye le Ukristi angwu Unim a sọm le u be kpan bendi u ba le ha. Nyọng u be be, u sha biwọm puu bi nung li.”
26Ujeso a de-e le, “Mi angwu mi kọng ha awo i mi yi ufe a.”
Bendi-utung Ujeso be tem fel utung he ahe
27Ha he kunyọng kumen ana bendi-utung Ujeso be tem be. Nyọng be nde-e u kọng ha ungingye, ki kwu abe he kuhwo. Ukpọ undi ubel ken ọ a bii angwu ungingye ashi a kee, nyọng be bii Ujeso atan-lengi angwu u kọng he ahe ye.
28Ungingye umen ana a ha tyang kiki kima ndọ ha gbe ligbe-ligbe gye he lifung-ushu, u fel da bendi le, 29“Ma be nde undi angwu a de-m biwọm abi mi shi kung le ha kisun kigi. Ha u nya yi Ukristi a ọ?” 30Bendi be ma tye kwuo le he afee kubọng gye he kipi Ujeso u yi.
31Bendi-utung Ujeso be tim he anung le, “Itisha ukandi zi lizi.”
32Ujeso a fan abe le, “Mi yi le lizi angi mi zi, angi men ma ngye gbe le ngi ye.”
33Bendi-utung bema be fel bii bende le, “Ha undi a nya be le lizi ke-e ọ?”
34Ujeso a de be le, “Lizi ligi li yi le mi shi ugim undi angwu a sọm mi, mi gbe mbee le ngi. 35Men na ma bun ityang le ki teng afel ande gye he agbu-dyu afem-ale ye a? Ukpọ mi de amen le, ma buu atọng-shi amen nde gye he utia he men ma nde na bikwukwan bi bi fel afem-ale. 36Undi angwu u fe-m a nde lifem aki ama, le he undi angwu a ma kwan le angwu u fem be kwu ukem yal gọ. Kitaa kimen na ki yi ke bendi abe be be le bendi le be be kwu le likpan ligyang angyel angi li ngyọ igye. 37He ashin, ki yi kigyang a na ityang i kọng a le, undi angwel u kwan akwan-ale, undi ususo u fem. 38Mi sọm amen le ma le fem biwọm abi men na ma kwan ye. Bendi besuso be kpe kingie shi aki, men ma fel la za lifem abi bendi be shi a.”
Bendi Usameria gbam be bọng
39Bendi Usameria gbam abe be ma be le he lifung-ushu, be ma bọng ha Ujeso le gbe ungingye umen ana a de be le, “A de-m biwọm biyang-yang abi mi ma shi.” 40He ashina be tim he anung le u ngyọ kwu ha abe ha. A bọng ngyọ kwu ha ati afee. 41He kuhwo igie Ujeso, bendi besuso gbam be mbee bọng he ahe.
42Be kung de ungingye umen ana le, “Igie igang na i tem shi li li bọng ha ungikye angwun ye, li bọng likọye bel-agyang li gyo he le atyung atyan a. He ashina li ngye le kigyang-kigyang, u yi Undi-likpan igye a.”
Ujeso a mbee unwaa ukandi ungikye
43Nyọng ati afee a gbe, Ujeso a tem gye he Ugalili. 44Ujeso ugyang a de le, “Utye-ugie kisọm Unim u kwa le ife he ahe kubọng ye.” 45Nyọng a wu ha he Ugalili, bendi ugalili be kpe-e igọ-igọ likọye befe ọ be ma yi ha he Ujeruselem he kipam agbele-gyọng, be nde bikwole-kuhwo abi a ma shi ha he kunyọng kumen ana.
46Ha kunyọng kumen ana Ujeso a ha tem item gye he Ukena he kigie Ugalili ashi le-iti a ma kung umbwo bel kutyo. Ki ma yi le unwaa ukandi ususo ungikye angwu a ma yi gogo ye he Ukapanum. 47Nyọng ukandi umen ana a gyo le Ujeso a gbe le he Ujudia be fel he Ugalili, a le hwaa le he ha, u tim he anung le u gye he Ukapanum he u le mbee he unwaa, likọye a kwun teng he lityam-lityam.
48Ujeso a kung de ukandi ana le, “Men ma swan le ma bọng faale afa-ale ma nde bitaa le bikwole-kuhwo ye.”
49Ukandi ana a kung de Ujeso le, “Ukandi, be ma ukpọng unwa-agi u ha hwo.”
50Ujeso a de-e le, “Ndu gye, unwaa-gang u hwa ye.”
Ungikye ana a bọng igie angi Ujeso a kọng, u gbe ligye. 51A le fel kpee-kpee he ushu, ibọyi ima i be kpee le he de-e le, unwaama u yi uwum. 52A bii abe le, “Kunyọng ahwu kung inyia-hwo ima i kwun he?” Be fan he le, “Uhwu-hwo he unde ken le ishu na inyia-hwo i ma kwun he.”
53Atyam unwaa umen ana a ngye le ha he kunyọng kumen ana na Ujeso a ma de-e le, “unwaa-gang u hwa ye.” He kuhwo ashina, ufe le ushọm uma puu be bọng ha Ujeso.
54Kikwole-kuhwo ashin ki ma yi ashi kugbe lifee ashi Ujeso a ma shi nyọng a ma tem le he Ujudia gye he Ugalili.
നിലവിൽ തിരഞ്ഞെടുത്തിരിക്കുന്നു:
Ujọn 4: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 4
4
Ujeso a kọng ha ungingye Usameria
1Nyọng Ujeso a ma gyo le bendi Iferesis be gyo gbe le shi le bendi-utung bema abe u maa wu abe umbwo be fel go hwo abe Ujọn, 2ukpọ Ujeso ugyang a ma wu bendi umbwo ye, bendi-utung bema na be maa wu abe umbwo. 3Ki shi-e a ma gbe le he kubọng Ujudia tem gye he Ugalili.
4Ki ma yi kpe-kpe le u le gbe he Usameria a. 5Nya ana Ujeso a maa tan gbe he Usameria, a le wu he kiteng Usameria ashi be ko le Usaika. Kiteng ashina ki yi gwaa le ufel kupung angwu le-iti Ujekọb a ma kung ke unwaama Ujosef. 6Libel umbwo Ujekọb li ma yi ha. Nyọng Ujeso a ma wu ha libel umbwo ana, libwee li maa ndu pwọm he kudyan lishi. A bel kwu ko ha likọye litan li ma ngie he.
7Ungingye angwu u yi kubọng Usameria a be ha le u tyuo umbwo. Ujeso a de-e le, “Wo nya ba umbwo kam le mi ngwo a?” 8(Ha he kunyọng kumen ana bendi-utung Ujeso be ma gbe le ha tyang he ututeb, be ma gye he ishu angi i yi ha kpee-kpee he be be le ndyeb lizi.)
9Gyo ungingye ana le, “Wo angwu wo yi undi Ijuus, na wo de-m mi angwu mi yi ungingye Usameria le mi ka-a umbwo a?” Ijuus le Isameria, be za ipel ye.
10Ujeso a fan he le, “Ki kwu le wo ngye gbe le kuke ahwu Unim u ke bendi, wo mbee ngye-m mi angwu mi bi a le wo ke-m umbwo mi ngwo i, hang wo na wo de-m le mi ka-a umbwo angwu u ke likpan, hang mi ka-a ahe.”
11Ungingye ana a de-e le, “Ukandi, libel umbwo anyin li shul lishi, wo mbee shi le kigbọ ashi wo kung tyuo ye, he kung nyin wo be le umbwo angwu ha angwu u ke likpan? 12Wo dyam hwo Atya-tyan Ujekọb angwu a ma ke li umbwo angwun angwu ufe ugyang ọ, bebwaa-ma ọ, bitwole bima ọ bi ngwo le ha?”
13Ujeso a ha de-e le, “Undi uyang-yang angwu a ngwo umbwo le he libel anyin, umbwo u mbee gyo he; 14ukpọ undi uyang-yang angwu a ngwo umbwo angwu mi ke-e, ususo u tem gyo he ye ngyọ igye kpam. Umbwo angwu mi ke-e ana u yi na lishi umbwo, u ka he likpan kunyọng angi li ngyọ igye kpam.”
15Ungingye ana a kung de-e le, “Ukandi, kusii ha ke-m umbwo umen ana mi ngwo he umbwo u tem gyo mi ye, mi tem be he lishọ ọ ye.”
16Ujeso a kung de-e le, “Tem le de ukye-gang u be.”
17Angwu ungingye a fan Ujeso le, “Mi yi le ukyeb ye.”
“Wo kọng del-del a le wo yi le ukyeb ye. 18Kigyang ki yi le, Wo bee le bekyeb be fel be-dyọng. Angwu wo yi kwu he ahe ha nyin ọ, u yi ukye-gang a ye. Wo kọng kigyang a.”
19Ungingye umen ana a ha de-e le, “Ukandi, ki nung mi gboo le wo yi utye-ugie kisọm Unim a. 20Le-iti betie-tyan be maa fa Unim he ukwel angwun a, ukpọ men bendi Ijuus ma de le be fel gye he Ujeruselem hwan.”
21Ujeso a fan he le, “Iye, kunyọng ku ndu fel ahwu be tem be fe Atyagi Unim he biteng abin bife-bife a nyọng he Ujeruselem a ye. 22Men bendi Usameria ma ngye angwu ma fe ye. Ukpọ bel Ijuus li ngye angwu li fe, likọye gbe ha abel Ijuus na Unim u be kpan bendi puu. 23Kunyọng ku ba ba, ku tọ fel ọ ma, ahwu bendi abe be fe Atyagi he Ukatia Kunyọng le kigyang. Bendi abe be fe-e kitaa i, na Unim a kee. 24Unim u yi kunyọng a. He ashin ki yi kpe-kpe le abe be fe-e be fe-e he Ukatia Kunyọng le kigyang.”
25Ungingye umen ana a de-e le, “Mi ngye le Ukristi angwu Unim a sọm le u be kpan bendi u ba le ha. Nyọng u be be, u sha biwọm puu bi nung li.”
26Ujeso a de-e le, “Mi angwu mi kọng ha awo i mi yi ufe a.”
Bendi-utung Ujeso be tem fel utung he ahe
27Ha he kunyọng kumen ana bendi-utung Ujeso be tem be. Nyọng be nde-e u kọng ha ungingye, ki kwu abe he kuhwo. Ukpọ undi ubel ken ọ a bii angwu ungingye ashi a kee, nyọng be bii Ujeso atan-lengi angwu u kọng he ahe ye.
28Ungingye umen ana a ha tyang kiki kima ndọ ha gbe ligbe-ligbe gye he lifung-ushu, u fel da bendi le, 29“Ma be nde undi angwu a de-m biwọm abi mi shi kung le ha kisun kigi. Ha u nya yi Ukristi a ọ?” 30Bendi be ma tye kwuo le he afee kubọng gye he kipi Ujeso u yi.
31Bendi-utung Ujeso be tim he anung le, “Itisha ukandi zi lizi.”
32Ujeso a fan abe le, “Mi yi le lizi angi mi zi, angi men ma ngye gbe le ngi ye.”
33Bendi-utung bema be fel bii bende le, “Ha undi a nya be le lizi ke-e ọ?”
34Ujeso a de be le, “Lizi ligi li yi le mi shi ugim undi angwu a sọm mi, mi gbe mbee le ngi. 35Men na ma bun ityang le ki teng afel ande gye he agbu-dyu afem-ale ye a? Ukpọ mi de amen le, ma buu atọng-shi amen nde gye he utia he men ma nde na bikwukwan bi bi fel afem-ale. 36Undi angwu u fe-m a nde lifem aki ama, le he undi angwu a ma kwan le angwu u fem be kwu ukem yal gọ. Kitaa kimen na ki yi ke bendi abe be be le bendi le be be kwu le likpan ligyang angyel angi li ngyọ igye. 37He ashin, ki yi kigyang a na ityang i kọng a le, undi angwel u kwan akwan-ale, undi ususo u fem. 38Mi sọm amen le ma le fem biwọm abi men na ma kwan ye. Bendi besuso be kpe kingie shi aki, men ma fel la za lifem abi bendi be shi a.”
Bendi Usameria gbam be bọng
39Bendi Usameria gbam abe be ma be le he lifung-ushu, be ma bọng ha Ujeso le gbe ungingye umen ana a de be le, “A de-m biwọm biyang-yang abi mi ma shi.” 40He ashina be tim he anung le u ngyọ kwu ha abe ha. A bọng ngyọ kwu ha ati afee. 41He kuhwo igie Ujeso, bendi besuso gbam be mbee bọng he ahe.
42Be kung de ungingye umen ana le, “Igie igang na i tem shi li li bọng ha ungikye angwun ye, li bọng likọye bel-agyang li gyo he le atyung atyan a. He ashina li ngye le kigyang-kigyang, u yi Undi-likpan igye a.”
Ujeso a mbee unwaa ukandi ungikye
43Nyọng ati afee a gbe, Ujeso a tem gye he Ugalili. 44Ujeso ugyang a de le, “Utye-ugie kisọm Unim u kwa le ife he ahe kubọng ye.” 45Nyọng a wu ha he Ugalili, bendi ugalili be kpe-e igọ-igọ likọye befe ọ be ma yi ha he Ujeruselem he kipam agbele-gyọng, be nde bikwole-kuhwo abi a ma shi ha he kunyọng kumen ana.
46Ha kunyọng kumen ana Ujeso a ha tem item gye he Ukena he kigie Ugalili ashi le-iti a ma kung umbwo bel kutyo. Ki ma yi le unwaa ukandi ususo ungikye angwu a ma yi gogo ye he Ukapanum. 47Nyọng ukandi umen ana a gyo le Ujeso a gbe le he Ujudia be fel he Ugalili, a le hwaa le he ha, u tim he anung le u gye he Ukapanum he u le mbee he unwaa, likọye a kwun teng he lityam-lityam.
48Ujeso a kung de ukandi ana le, “Men ma swan le ma bọng faale afa-ale ma nde bitaa le bikwole-kuhwo ye.”
49Ukandi ana a kung de Ujeso le, “Ukandi, be ma ukpọng unwa-agi u ha hwo.”
50Ujeso a de-e le, “Ndu gye, unwaa-gang u hwa ye.”
Ungikye ana a bọng igie angi Ujeso a kọng, u gbe ligye. 51A le fel kpee-kpee he ushu, ibọyi ima i be kpee le he de-e le, unwaama u yi uwum. 52A bii abe le, “Kunyọng ahwu kung inyia-hwo ima i kwun he?” Be fan he le, “Uhwu-hwo he unde ken le ishu na inyia-hwo i ma kwun he.”
53Atyam unwaa umen ana a ngye le ha he kunyọng kumen ana na Ujeso a ma de-e le, “unwaa-gang u hwa ye.” He kuhwo ashina, ufe le ushọm uma puu be bọng ha Ujeso.
54Kikwole-kuhwo ashin ki ma yi ashi kugbe lifee ashi Ujeso a ma shi nyọng a ma tem le he Ujudia gye he Ugalili.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.