Ujọn 3
3
Ujeso a hwọ Unikodemus
1Ki ma yi le ungikye Iferesis angwu be maa ko le Unikodemus. A ma yi undi he liwu bekandi Ijuus abe be teng bendi. 2He liti ken le kusu, a ma bo le hwaa le Ujeso, de-e le, “Itisha ukandi, li ngye le Unim na a sọm a le wo be hwọ bendi biwọm. Ki yi le undi angwu u ha ndu kwu le ikeb shi bikwole-kuhwo abi wo shi kpam-kpam i mbee ye, ha gbe Unim na a ke-e ikeb a.”
3Ujeso a fan he le, “Ndọ mi da-a kigyang kima. Gbe undi a tem le kuhwo-ma hwan kugbe kafee ye, u ha ndu nda kiteng kusu Unim ye.”
4Unikodemus a ha bii he le, “Undi-gbel u tem le kuhwo-ma bwan hwan na a? U nya tem la ngwee he kutyọ anam, u ha mbee tem hwan he a?”
5Ujeso a fan he le, “Mi da-a kigyang a le, gbe undi u yi le lihwan angi gbe he umbwo le ikeb Ukatia Kunyọng ye, u ha ndu ngwee he kiteng kusu Unim ye. 6Undi-gye u hwan undema undi-gye, u fel le likpan angi he agwo. Ukpọ he kunyọng ahwu Ukatia Kunyọng u tem le undi hwan, undi umen ana u fel le likpan lifufe angi li be le ha Unim. 7Ashi le mi de le ki yi kpe-kpe le bendi-gye be kwu le lihwan kugbe kafee, ki shi kwa-a he kuhwo ye. 8Nde, kiwọm na kufem i, ku sha gya he kiteng kiyang-yang ashi ki nyin ahwu. Undi u gyo kihwee ashi ku shi, ukpọ u ngya he kipi ku be ọ, nyọng u ngye he kipi ku gye ọ ye. Kitaa kimen ana na ki yi ha undi uyang-yang angwu u yi le lihwan gbe he ikeb Ukatia Kunyọng.”
9Unikodemus a bii he le, “Ashi wo kọng ana ki ha ze le ana a?”
10Ujeso a fan he le, “Wo yi itisha a he Izwel i, fe likọng anyin li nung a ye a? 11Kigyang-kigyang mi da-a le, bel li kọng gba le biwọm abi li ngye, li mbee de men gbe le biwọm abi li nde le ashi atyan, ukpọ men ma bọng abi li kọng ye. 12Nyọng mi de men gbe le biwọm abi he igye anyin, ma ha bọng ye. Ki nya sha na a, ma be bọng gbe mi de men gbe le abi he lifung-atabe? 13Ki yi le undi angwu a be gye he lifung-atabe ngye ye, kee-kee kwọm ha ami Unwaa undi-gye angwu mi shul be he itang ufe-ufe a. 14Nya ana le-iti Umosis a ma kung ushii angwu be kung kinde a shi-e he ugbaa-libeb faa he ukwan kung ndọ he kusi nyọng be ma yi he ugbaa-libeb, kitaa kimen na ki yi kpe-kpe le iti-kishi be be kung imi Unwaa undi-gye ndọ he kusi. 15Be ba sha na le he undi uyang-yang angwu a bọng ha ami u kwu le likpan ligyang angyel ngyọ igye kpam.”
16Ki nyin Unim le bendi-gye kaang, benyin be shi-e a sọm kiken Unwaama be he igye anyin le he undi uyang-yang angwu a bọng he ahe kigyang-kigyang u nim ye, ukpọ u kwu le likpan ligyang angyel ngyọ igye kpam. 17Unim a kee le ushe uma u kwu Bendi-gye ye. He ashina a sọm Unwaama be le he u kpan igye gbe he ahe. 18Undi uyang-yang angwu a bọng he ahe, ushe Unim u ba kwa he ye. Ukpọ undi uyang-yang angwu a bọng he ahe ye, ushe Unim a kwu-e ọ ma, likọye a bọng ha lizen kiken Unwaa Unim ana ye. 19Atan-lengi angwu ushe Unim a kwu bendi abe be bọng ha Unwaama ye, u yi le kikung-gboo ki be he igye anyin, ukpọ ki nyin bendi le kifufeb hwo kikung-gboo ashina, likọye be sha bibibi. 20Undi uyang-yang angwu u shi bibibi u tel kikung-gboo, u pam ashi le he bendi be nde bibibi abi u shi ye. 21Ukpọ undi uyang-yang angwu u shi kigyang, ki nyin he le kikung-gboo, le he bendi be nde gboo le u sha biwọm abi bi ngbeb Unim.
Ujọn a mbee naa ushada gbe le Ujeso
22Nyọng ashin ki mbee, Ujeso le bendi-utung bema be bo gbe ndo he kigie Ujudia, he kipi a ma ban kunyọng utung ha abe, u mbee wu abe umbwo. 23He kunyọng kumen ana Ujọn ọ, a ma yi he Anọn gwaa Usalim, ufe ọ a maa wa bendi umbwo, likọye umbwo a ma go ha. Bendi be maa gya hwaa le he ha, u wu abe umbwo. 24(Nya he kunyọng kumen ana be ma wa kwu Ujọn fe he igaadye ye.) 25He liti ken, bendi-utung Ujọn be maa fa ifung ha undi Ijuus ken gba le itetel bituto. 26Be ha bo le hwaa le Ujọn, be de-e le, “Itisha ukandi, undi angwu a ma be hwaa le wo he igbindi umbwo Ujọdan, angwu wo ma kọng gbe le he ana, u yi ha, u wa bendi umbwo. Bendi puu be gbe tyang li gye le hwaa le he.”
27Ujọn a kung de be le, “Ki yi le undi angwu u yi le ikeb le u sha kiwọm kiyang-yang fem angi Unim na a ke-e tyang ye. 28Men-agyang ma gyo mi nyọng mi de le mi yi Ukristi, Undi-likpan a ye, mi ufe mi kee-kee yi Unwaa-kisọm angwu u te-e le he kushu kam kukwo a. 29Ukyeb na u yi le ungye. Ukpọ udim ukyeb angwu u kwu gyo udimma, u kwa le igọ kaang nyọng a gyo igie ima. Igọ imen ana i yi igi a, kanaa-anaa i sho yilididi. 30Ki yi kpe-kpe le ufe u fel dyam, mi fel zen.”
31“Undi angwu abe le he kusi, na a dyam hwo puu. Undi angwu u yi he igye i, u yi ke igye a, u kee-kee kọng gba le biwọm igye anyin a. Ukpọ undi angwu abe le ha Unim ana a dyam hwo puu. 32U da bendi gba le biwọm abi ufe-gyang a nde le ashi, le abi a gyo le kutyung kuma, ukpọ bendi be kpa he ashi ye. 33Ukpọ undi uyang-yang angwu a kpe ashi a kọng, ha a bọng le Unim u yi kigyang. 34Undi umen angwu Unim a sọm ana u kọng kitaa Unim a de-e a, likọye Unim a ke-e Ukatia Kunyọng uma faale likel. 35Ki nyin Atyam Unim le Unwaama, a kung biwọm puu fe-e he kubwo. 36Undi uyang-yang angwu a bọng ha Unwaa Unim, u kwa le likpan angi li ngyọ igye. Ukpọ undi uyang-yang angwu u ke Unwaa Unim ana ife ye, u kwa le likpan limen i ye, ingyo Unim i so-e he lishi ngyọ igye kpam.”
നിലവിൽ തിരഞ്ഞെടുത്തിരിക്കുന്നു:
Ujọn 3: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 3
3
Ujeso a hwọ Unikodemus
1Ki ma yi le ungikye Iferesis angwu be maa ko le Unikodemus. A ma yi undi he liwu bekandi Ijuus abe be teng bendi. 2He liti ken le kusu, a ma bo le hwaa le Ujeso, de-e le, “Itisha ukandi, li ngye le Unim na a sọm a le wo be hwọ bendi biwọm. Ki yi le undi angwu u ha ndu kwu le ikeb shi bikwole-kuhwo abi wo shi kpam-kpam i mbee ye, ha gbe Unim na a ke-e ikeb a.”
3Ujeso a fan he le, “Ndọ mi da-a kigyang kima. Gbe undi a tem le kuhwo-ma hwan kugbe kafee ye, u ha ndu nda kiteng kusu Unim ye.”
4Unikodemus a ha bii he le, “Undi-gbel u tem le kuhwo-ma bwan hwan na a? U nya tem la ngwee he kutyọ anam, u ha mbee tem hwan he a?”
5Ujeso a fan he le, “Mi da-a kigyang a le, gbe undi u yi le lihwan angi gbe he umbwo le ikeb Ukatia Kunyọng ye, u ha ndu ngwee he kiteng kusu Unim ye. 6Undi-gye u hwan undema undi-gye, u fel le likpan angi he agwo. Ukpọ he kunyọng ahwu Ukatia Kunyọng u tem le undi hwan, undi umen ana u fel le likpan lifufe angi li be le ha Unim. 7Ashi le mi de le ki yi kpe-kpe le bendi-gye be kwu le lihwan kugbe kafee, ki shi kwa-a he kuhwo ye. 8Nde, kiwọm na kufem i, ku sha gya he kiteng kiyang-yang ashi ki nyin ahwu. Undi u gyo kihwee ashi ku shi, ukpọ u ngya he kipi ku be ọ, nyọng u ngye he kipi ku gye ọ ye. Kitaa kimen ana na ki yi ha undi uyang-yang angwu u yi le lihwan gbe he ikeb Ukatia Kunyọng.”
9Unikodemus a bii he le, “Ashi wo kọng ana ki ha ze le ana a?”
10Ujeso a fan he le, “Wo yi itisha a he Izwel i, fe likọng anyin li nung a ye a? 11Kigyang-kigyang mi da-a le, bel li kọng gba le biwọm abi li ngye, li mbee de men gbe le biwọm abi li nde le ashi atyan, ukpọ men ma bọng abi li kọng ye. 12Nyọng mi de men gbe le biwọm abi he igye anyin, ma ha bọng ye. Ki nya sha na a, ma be bọng gbe mi de men gbe le abi he lifung-atabe? 13Ki yi le undi angwu a be gye he lifung-atabe ngye ye, kee-kee kwọm ha ami Unwaa undi-gye angwu mi shul be he itang ufe-ufe a. 14Nya ana le-iti Umosis a ma kung ushii angwu be kung kinde a shi-e he ugbaa-libeb faa he ukwan kung ndọ he kusi nyọng be ma yi he ugbaa-libeb, kitaa kimen na ki yi kpe-kpe le iti-kishi be be kung imi Unwaa undi-gye ndọ he kusi. 15Be ba sha na le he undi uyang-yang angwu a bọng ha ami u kwu le likpan ligyang angyel ngyọ igye kpam.”
16Ki nyin Unim le bendi-gye kaang, benyin be shi-e a sọm kiken Unwaama be he igye anyin le he undi uyang-yang angwu a bọng he ahe kigyang-kigyang u nim ye, ukpọ u kwu le likpan ligyang angyel ngyọ igye kpam. 17Unim a kee le ushe uma u kwu Bendi-gye ye. He ashina a sọm Unwaama be le he u kpan igye gbe he ahe. 18Undi uyang-yang angwu a bọng he ahe, ushe Unim u ba kwa he ye. Ukpọ undi uyang-yang angwu a bọng he ahe ye, ushe Unim a kwu-e ọ ma, likọye a bọng ha lizen kiken Unwaa Unim ana ye. 19Atan-lengi angwu ushe Unim a kwu bendi abe be bọng ha Unwaama ye, u yi le kikung-gboo ki be he igye anyin, ukpọ ki nyin bendi le kifufeb hwo kikung-gboo ashina, likọye be sha bibibi. 20Undi uyang-yang angwu u shi bibibi u tel kikung-gboo, u pam ashi le he bendi be nde bibibi abi u shi ye. 21Ukpọ undi uyang-yang angwu u shi kigyang, ki nyin he le kikung-gboo, le he bendi be nde gboo le u sha biwọm abi bi ngbeb Unim.
Ujọn a mbee naa ushada gbe le Ujeso
22Nyọng ashin ki mbee, Ujeso le bendi-utung bema be bo gbe ndo he kigie Ujudia, he kipi a ma ban kunyọng utung ha abe, u mbee wu abe umbwo. 23He kunyọng kumen ana Ujọn ọ, a ma yi he Anọn gwaa Usalim, ufe ọ a maa wa bendi umbwo, likọye umbwo a ma go ha. Bendi be maa gya hwaa le he ha, u wu abe umbwo. 24(Nya he kunyọng kumen ana be ma wa kwu Ujọn fe he igaadye ye.) 25He liti ken, bendi-utung Ujọn be maa fa ifung ha undi Ijuus ken gba le itetel bituto. 26Be ha bo le hwaa le Ujọn, be de-e le, “Itisha ukandi, undi angwu a ma be hwaa le wo he igbindi umbwo Ujọdan, angwu wo ma kọng gbe le he ana, u yi ha, u wa bendi umbwo. Bendi puu be gbe tyang li gye le hwaa le he.”
27Ujọn a kung de be le, “Ki yi le undi angwu u yi le ikeb le u sha kiwọm kiyang-yang fem angi Unim na a ke-e tyang ye. 28Men-agyang ma gyo mi nyọng mi de le mi yi Ukristi, Undi-likpan a ye, mi ufe mi kee-kee yi Unwaa-kisọm angwu u te-e le he kushu kam kukwo a. 29Ukyeb na u yi le ungye. Ukpọ udim ukyeb angwu u kwu gyo udimma, u kwa le igọ kaang nyọng a gyo igie ima. Igọ imen ana i yi igi a, kanaa-anaa i sho yilididi. 30Ki yi kpe-kpe le ufe u fel dyam, mi fel zen.”
31“Undi angwu abe le he kusi, na a dyam hwo puu. Undi angwu u yi he igye i, u yi ke igye a, u kee-kee kọng gba le biwọm igye anyin a. Ukpọ undi angwu abe le ha Unim ana a dyam hwo puu. 32U da bendi gba le biwọm abi ufe-gyang a nde le ashi, le abi a gyo le kutyung kuma, ukpọ bendi be kpa he ashi ye. 33Ukpọ undi uyang-yang angwu a kpe ashi a kọng, ha a bọng le Unim u yi kigyang. 34Undi umen angwu Unim a sọm ana u kọng kitaa Unim a de-e a, likọye Unim a ke-e Ukatia Kunyọng uma faale likel. 35Ki nyin Atyam Unim le Unwaama, a kung biwọm puu fe-e he kubwo. 36Undi uyang-yang angwu a bọng ha Unwaa Unim, u kwa le likpan angi li ngyọ igye. Ukpọ undi uyang-yang angwu u ke Unwaa Unim ana ife ye, u kwa le likpan limen i ye, ingyo Unim i so-e he lishi ngyọ igye kpam.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.