Aki 4
4
Ipita befe le Ujọn he ashi bikem ukoto
1Nya ana Ipita befe le Ujọn be maa so-i kọng ha bendi he kunyọng ahwu bendi abe be shang Unim le ukandi bendi abe be kang Ushọm Unim le Isadusis be ma be hwaa le be. 2Ki ma ke be kingie lityam kaang likọye bebwaa-kisọm Ujeso bemen i be ma hwọ bendi le Ujeso a tem wum le he lihwu, ashi ki tyung le bendi abe be hwo be ba wum. 3Likwu-lukwu li ma gyeb. Be kwu abe le fe he igaadye taa ashi. 4Bendi gbam abe be ma gyo kisọm kimen ana be bọng. Bengikye befe-befe be ma mbee asi lisi kugbe lihwo lefee le asi lihwo.
5Nyọng ashi a taa, besu Ijuus le bekandi kubọng le bitisha Iten be gbọng liwu he Ujeruselem. 6Be le kpee ha Anas angwu u yi Usu bekandi bishang Unim, le bendi kikwu-lihwan kima, le Ukaifas, le Ujọn, le Alezanda. 7Be be le Ipita le Ujọn be naa abe he kushu. Be bii abe le, “Gbe he ikeb le lizen ayang angwu ma shi ashin?”
8Ipita angwu a ma kọng gbe he ikeb Ukatia Kunyọng a de be le: “Bekandi abe be teng, 9ma bii li gba le kinunung ashi li shi ha uhwo-abee angwun le kitaa li shi-e a mbee a? 10Gbe na a, men le bendi Izwel puu ma ngye le ungikye angwu ma nde-e a naa nyin a mbee gbe he ikeb Ujeso Kristi angwu Unazaret angwu ma maa gwu bee he kikpakpa, Unim a wum he le he lihwu a. 11Ujeso na be ma fee gbe le he le,
“ ‘Kukọ ahwu men abe ma tye ushọm ma swan ahwu,
kufe na ku tem fel lishi ushọm.’#4:11 Agyam 118:22, 23
12Ufe-ufe na u kee-kee kpan li. Ki tem yi le lizen lisuso he igye i angi undi u kwu le likpan gbe he angi fem he tyang ye”
13Nyọng be ma nde na Ipita befe le Ujọn be kọng pọ faale kushel, ki kwu abe he kuhwo kaang likọye be ngye le Ipita le Ujọn be gye kushia ye. Be nde shob le be maa tan utung ha Ujeso a. 14Gbe be ma nde ungikye ugyang angwu a ma mbee u yi naa ha utung ha abe, ki ma tem yi le ashi be kọng ye 15Be de Ipita le Ujọn le be gye he igye. Be keb azu ashele. 16Be bii bende le, “Li shi bendi aben na a? Undi uyang-yang he Ujeruselem a tọ ngye le befe na be shi kikwole-kuhwo ashi ki dyam kaang nyin, li ha ndu fung ashi ye. 17He li kwọm ashi kukwo le be tem gye kushu tye ugie ashi li ngyo fe be, li tye abe uten le be tem kọng gbe le Ujeso ye teng bendi gbam be gyo gba le he.”
18Be tem le be ko, de be le be tem kọng likọng ọ, nyọng be hwọ bendi ọ he lizen Ujeso ye. 19Ipita befe le Ujọn be fan abe le, “Men-agyang ma gim ashi ki ngbeb he ashi Unim hwo. Li gyo amen a, ha li gyo Unim a? 20Ke li bel ufe, li ha ndu tyang akọng-ale gba le ashi li nde, le ashi li gyo ye.”
21Bikem ukoto be gye kushu kọng fe be kushel he lityam kaang. Be tyang abe le be ndu gye. Be ngye kukwo ahwu be kwu abwo ke be kingie ye, likọye bendi puu be ma pee Unim he kikwole-kuhwo ashi ki shi. 22Ungikye umen angwu a ma mbee nyin a ma gbe-gyọng aze asi afee.
Bendi abọng-ale be kọng ha Unim
23Nyọng be tyang Ipita befe le Ujọn abwo tyang-tyang, be tem le de bebel ashi bekandi bishang Unim le bekandi kubọng be kọng ha. 24He kunyọng ahwu bebel be gyo ashi be kọng, be keb akọng-ale ha Unim he utyang ken le. “Ada angwu a dyam hwo puu, angwu a shi lifung-atabe le itang le umbwo ukandi, le biwọm puu abi bi yi nyin! 25Gbe ha Ukatia Kunyọng wo ma kọng gbe ha atietyan Udebid angwu a ma yi ubọyi ugang le,
“ ‘Kibang abọng bendi a gbel,
bendi be kam anaa likọ-likọ?
26Besu abe he igye anyin be bo kinaa tye,
ikpulugu ibel i gbọng ahwu
tim na be shi Ada Unim
le unwaama angwu a kwu-e kusu.’#4:26 Agyam 2:1-2
27Ki yi kigyang a le Uherọd befe le Upontius Palet le bendi Izwel le bendi abe be yi Ijuus a ye be gbọng ukem nyin Ujeruselem a tim itim ibibi fe Ujeso, ubọyi ugang angwu u yi utaa-utaa angwu wo waa le u kwu undi-likpan. 28Be shi kee ana ikeb igang le ugim ugang bi ma kọng le ki be shi. 29Ada Unim, ha gyo ashi be kọng ha abel linaa-linaa. Ke li kiken he li bun kisọm kigang le kugamadye. 30Sọm ikeb igang angi i mbee bendi, wo kpel li he li shi bikwole-kuhwo gbe he lizen Ujeso, ubọyi ugang angwu u yi utaa-utaa angwu wo sọm be he igye anyin.”
31Be kọng ha Unim mbee puu, ushọm angwu be ma be kpee a maa fel nyung. Befe puu be kpe Ukatia Kunyọng Unim. Be fel bun igie Unim le kugamadye.
Bendi abọng-ale be ma hwọ biwọm bibel
32Bendi abọng-ale puu be ma yi ugim le lityam ken. Undi ken ọ a ma gim le kiwọm ashi u yi le shi ki yi kima ufe-ufe a ye. Kiwọm undi uyang-yang ki ma fel abe ukem. 33Bebwaa-kisọm Ujeso be gye kushu bun de bendi le ikeb kaang gbe le awum-ale Ada Ujeso. Unim a ma ke be befe puu kukwun kukandi. 34Ki ma yi le undi ha he liwu libel angwu ki ma tem gben he ye. Undi uyang-yang angwu a ma yi le itang ọ, ishọm ọ, a maa ndyeb abi za, ba le unde angwu a ndyeb abi zi 35ba ndọ he bihwọm abee bebwaa-kisọm Ujeso, be ma hwọ unde umen ana ka undi uyang-yang angwu u yi le igben.
36Ki ma yi le ungikye ken le he kikwu-lihwan Ulevi angwu be maa ko le Ujosef. Be ma hwan he he Usaiprus a. Bebwaa-kisọm Ujeso be ma kwu-e lizen le Ubanabas ashi ki ze le undi ingie afele. 37Ufe ọ titi a ma ndyeb itang ima zi be le unde uma ke bebwaa-kisọm Ujeso.
നിലവിൽ തിരഞ്ഞെടുത്തിരിക്കുന്നു:
Aki 4: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 4
4
Ipita befe le Ujọn he ashi bikem ukoto
1Nya ana Ipita befe le Ujọn be maa so-i kọng ha bendi he kunyọng ahwu bendi abe be shang Unim le ukandi bendi abe be kang Ushọm Unim le Isadusis be ma be hwaa le be. 2Ki ma ke be kingie lityam kaang likọye bebwaa-kisọm Ujeso bemen i be ma hwọ bendi le Ujeso a tem wum le he lihwu, ashi ki tyung le bendi abe be hwo be ba wum. 3Likwu-lukwu li ma gyeb. Be kwu abe le fe he igaadye taa ashi. 4Bendi gbam abe be ma gyo kisọm kimen ana be bọng. Bengikye befe-befe be ma mbee asi lisi kugbe lihwo lefee le asi lihwo.
5Nyọng ashi a taa, besu Ijuus le bekandi kubọng le bitisha Iten be gbọng liwu he Ujeruselem. 6Be le kpee ha Anas angwu u yi Usu bekandi bishang Unim, le bendi kikwu-lihwan kima, le Ukaifas, le Ujọn, le Alezanda. 7Be be le Ipita le Ujọn be naa abe he kushu. Be bii abe le, “Gbe he ikeb le lizen ayang angwu ma shi ashin?”
8Ipita angwu a ma kọng gbe he ikeb Ukatia Kunyọng a de be le: “Bekandi abe be teng, 9ma bii li gba le kinunung ashi li shi ha uhwo-abee angwun le kitaa li shi-e a mbee a? 10Gbe na a, men le bendi Izwel puu ma ngye le ungikye angwu ma nde-e a naa nyin a mbee gbe he ikeb Ujeso Kristi angwu Unazaret angwu ma maa gwu bee he kikpakpa, Unim a wum he le he lihwu a. 11Ujeso na be ma fee gbe le he le,
“ ‘Kukọ ahwu men abe ma tye ushọm ma swan ahwu,
kufe na ku tem fel lishi ushọm.’#4:11 Agyam 118:22, 23
12Ufe-ufe na u kee-kee kpan li. Ki tem yi le lizen lisuso he igye i angi undi u kwu le likpan gbe he angi fem he tyang ye”
13Nyọng be ma nde na Ipita befe le Ujọn be kọng pọ faale kushel, ki kwu abe he kuhwo kaang likọye be ngye le Ipita le Ujọn be gye kushia ye. Be nde shob le be maa tan utung ha Ujeso a. 14Gbe be ma nde ungikye ugyang angwu a ma mbee u yi naa ha utung ha abe, ki ma tem yi le ashi be kọng ye 15Be de Ipita le Ujọn le be gye he igye. Be keb azu ashele. 16Be bii bende le, “Li shi bendi aben na a? Undi uyang-yang he Ujeruselem a tọ ngye le befe na be shi kikwole-kuhwo ashi ki dyam kaang nyin, li ha ndu fung ashi ye. 17He li kwọm ashi kukwo le be tem gye kushu tye ugie ashi li ngyo fe be, li tye abe uten le be tem kọng gbe le Ujeso ye teng bendi gbam be gyo gba le he.”
18Be tem le be ko, de be le be tem kọng likọng ọ, nyọng be hwọ bendi ọ he lizen Ujeso ye. 19Ipita befe le Ujọn be fan abe le, “Men-agyang ma gim ashi ki ngbeb he ashi Unim hwo. Li gyo amen a, ha li gyo Unim a? 20Ke li bel ufe, li ha ndu tyang akọng-ale gba le ashi li nde, le ashi li gyo ye.”
21Bikem ukoto be gye kushu kọng fe be kushel he lityam kaang. Be tyang abe le be ndu gye. Be ngye kukwo ahwu be kwu abwo ke be kingie ye, likọye bendi puu be ma pee Unim he kikwole-kuhwo ashi ki shi. 22Ungikye umen angwu a ma mbee nyin a ma gbe-gyọng aze asi afee.
Bendi abọng-ale be kọng ha Unim
23Nyọng be tyang Ipita befe le Ujọn abwo tyang-tyang, be tem le de bebel ashi bekandi bishang Unim le bekandi kubọng be kọng ha. 24He kunyọng ahwu bebel be gyo ashi be kọng, be keb akọng-ale ha Unim he utyang ken le. “Ada angwu a dyam hwo puu, angwu a shi lifung-atabe le itang le umbwo ukandi, le biwọm puu abi bi yi nyin! 25Gbe ha Ukatia Kunyọng wo ma kọng gbe ha atietyan Udebid angwu a ma yi ubọyi ugang le,
“ ‘Kibang abọng bendi a gbel,
bendi be kam anaa likọ-likọ?
26Besu abe he igye anyin be bo kinaa tye,
ikpulugu ibel i gbọng ahwu
tim na be shi Ada Unim
le unwaama angwu a kwu-e kusu.’#4:26 Agyam 2:1-2
27Ki yi kigyang a le Uherọd befe le Upontius Palet le bendi Izwel le bendi abe be yi Ijuus a ye be gbọng ukem nyin Ujeruselem a tim itim ibibi fe Ujeso, ubọyi ugang angwu u yi utaa-utaa angwu wo waa le u kwu undi-likpan. 28Be shi kee ana ikeb igang le ugim ugang bi ma kọng le ki be shi. 29Ada Unim, ha gyo ashi be kọng ha abel linaa-linaa. Ke li kiken he li bun kisọm kigang le kugamadye. 30Sọm ikeb igang angi i mbee bendi, wo kpel li he li shi bikwole-kuhwo gbe he lizen Ujeso, ubọyi ugang angwu u yi utaa-utaa angwu wo sọm be he igye anyin.”
31Be kọng ha Unim mbee puu, ushọm angwu be ma be kpee a maa fel nyung. Befe puu be kpe Ukatia Kunyọng Unim. Be fel bun igie Unim le kugamadye.
Bendi abọng-ale be ma hwọ biwọm bibel
32Bendi abọng-ale puu be ma yi ugim le lityam ken. Undi ken ọ a ma gim le kiwọm ashi u yi le shi ki yi kima ufe-ufe a ye. Kiwọm undi uyang-yang ki ma fel abe ukem. 33Bebwaa-kisọm Ujeso be gye kushu bun de bendi le ikeb kaang gbe le awum-ale Ada Ujeso. Unim a ma ke be befe puu kukwun kukandi. 34Ki ma yi le undi ha he liwu libel angwu ki ma tem gben he ye. Undi uyang-yang angwu a ma yi le itang ọ, ishọm ọ, a maa ndyeb abi za, ba le unde angwu a ndyeb abi zi 35ba ndọ he bihwọm abee bebwaa-kisọm Ujeso, be ma hwọ unde umen ana ka undi uyang-yang angwu u yi le igben.
36Ki ma yi le ungikye ken le he kikwu-lihwan Ulevi angwu be maa ko le Ujosef. Be ma hwan he he Usaiprus a. Bebwaa-kisọm Ujeso be ma kwu-e lizen le Ubanabas ashi ki ze le undi ingie afele. 37Ufe ọ titi a ma ndyeb itang ima zi be le unde uma ke bebwaa-kisọm Ujeso.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.