Aki 3
3
Ipita a mbee ki hwo abee ashi ki nyọng kinyọng
1He liti ken Ipita befe le Ujọn be maa nda ashi gya he Ushọm Unim he inde-ikie le ishu he be le kọng ha Unim. 2Ungikye ususo a ma hwo abee le he lifung anam, be maa kung he la ndọ he ungwu-likọng Ushọm Unim angwu be ko le Ungwu-likọng kunung. Be maa kung he la ndọ ha liti liyang-yang he u nyọng unde le ha bendi abe be gbe gye he Ushọm Unim. 3He kunyọng ahwu a ma nde Ipita befe le Ujọn be maa ndu ngwee he afee Ushọm Unim, a nyọng abe unde. 4Ipita le Ujọn be nde-e ngwang. Ipita a kung de le, “nde li.” 5A bel ashi nde be le lishi ando-ale le be ka he kiwọm.
6Ipita a de-e le, “Mi yi le Igold ọ nyọng Isiliva ọ ye, ukpọ ashi mi yi le shi mi kung ka-a. He lizen Ujeso Kristi angwu Unazaret, tan.” 7A kwu-e he kubwo lizen kuma bo kinaa. Nya kukwo-kukwo abee ama le bityung abee bima bi fel kang-kang. 8A geb gye he kusi, u fel tan. A gbe utung ha abe gye he afee Ushọm Unim, u fel tan i tan geb i geb pee Unim. 9Bendi puu be nde-e u fel tan litan, u pee Unim, 10be shob le undi angwu u shaa kwu he ungwu-likọng Ushọm Unim angwu be ko le kunung nyọng kinyọng a. Ki ma kwu abe he kuhwo kaang, kikekaa ki kaa abe gbe le limbee limen ana.
Ipita a kọng ha bendi abe be ma naa nde be
11Nya ana ungikye angwuna a ma fel kwu Ipita befe le Ujọn abwo, ki kwu bendi he kuhwo kaang, be fel buu la hwaa le be he Ushọm Unim he kipi be ma ko le Kigigyo Usolomọn. 12Nyọng Ipita a nde ashin. A bii abe le, “Men bebuye bendi Izwel, kibang a ashin ki kwu amen he kuhwo? Ma kọng le, li shi ungikye angwun a tan gbe he ikeb le kinunung ashi kityan kigyang a? 13Unim Ebraham, Azik le Ujekọb le betie-tyan puu na a fem Ubọyi uma Ujeso. Ma kung he ke bekandi, ma swan he he ashi Upalet he kunyọng ahwu a shi ugim le u tyang he abwo ọ. 14Men ma mọ undi angwu u yi utaa-utaa u shi kpa-kpa he ashi Unim. Ma de Upalet le u waa undi-kihwu a tyang abwo. 15Ma gwu undi angwu u ke likpan, ukpọ Unim a tem le he wum le he lihwu. Li naa ushada ashin. 16Ikeb lizen Ujeso le abọng-ale he ahe na i shi ungikye umen i a mbee, fel kang-kang na men puu ma nde i.
17“Bebuye bendi Izwel, mi ngye le men le bekandi bemen ma ma shi ashi le ma ngye ye a. 18Le-iti Unim a ma kọng gbe ha bitye-ugie kisọm kima le, Ukristi Undi-likpan, u ba kpa kingie. 19Ma shi beshi, be hwaa le Unim he u gbel nim biban bimen, le kunyọng atemale umen wum ku be le ha Unim, 20Le he u nde le u sọm amen Ukristi angwu a waa ndọ men, u shi Ujeso. 21Ki yi kpe-kpe le Ujeso u kwu he lifung-atabe kpam kunyọng ku gbe fel ahwu Unim u tem le biwọm igye anyin puu shi bi fel na bi ma yi le he ukpi-kikwu. Ashin na Unim a ma kọng gbe ha bitye-ugie kisọm kima le-iti. 22Umosis a ma de le, ‘Ada Unim umen u ba sọm utye-ugie kisọm uma le he liwu limen na mi, ma dang kutyung gyo kiwọm kiyang-yang ashi u be de men. 23Ki yi le undi uyang-yang angwu u dang kutyung gyo ashi u kọng ye, be ba tang he le ha bendi bema.’#3:23 Iten lefee 18:15, 18-19
24“Kpi kung le ha Usamuwel, bitye-ugie kisọm Unim puu be ma kọng ndọ gbe le ati amen i. 25Men ma yi igia bitye-ugie kisọm Unim a le ukyeb angwu Unim a ke betie-men. A ma de Ebraham le, ‘Mi ba ka bendi puu he igye kukwun gba ha igia igang.’#3:25 Ukpi-kikwu 22:18; 26:4 26Nyọng Unim a wum ubọyi uma le he lihwu, a sọm he hwaa le men a kushu le u le ke men kukwun gbe he abel-ale undi uyang-yang le he akwo abibi ama.”
നിലവിൽ തിരഞ്ഞെടുത്തിരിക്കുന്നു:
Aki 3: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 3
3
Ipita a mbee ki hwo abee ashi ki nyọng kinyọng
1He liti ken Ipita befe le Ujọn be maa nda ashi gya he Ushọm Unim he inde-ikie le ishu he be le kọng ha Unim. 2Ungikye ususo a ma hwo abee le he lifung anam, be maa kung he la ndọ he ungwu-likọng Ushọm Unim angwu be ko le Ungwu-likọng kunung. Be maa kung he la ndọ ha liti liyang-yang he u nyọng unde le ha bendi abe be gbe gye he Ushọm Unim. 3He kunyọng ahwu a ma nde Ipita befe le Ujọn be maa ndu ngwee he afee Ushọm Unim, a nyọng abe unde. 4Ipita le Ujọn be nde-e ngwang. Ipita a kung de le, “nde li.” 5A bel ashi nde be le lishi ando-ale le be ka he kiwọm.
6Ipita a de-e le, “Mi yi le Igold ọ nyọng Isiliva ọ ye, ukpọ ashi mi yi le shi mi kung ka-a. He lizen Ujeso Kristi angwu Unazaret, tan.” 7A kwu-e he kubwo lizen kuma bo kinaa. Nya kukwo-kukwo abee ama le bityung abee bima bi fel kang-kang. 8A geb gye he kusi, u fel tan. A gbe utung ha abe gye he afee Ushọm Unim, u fel tan i tan geb i geb pee Unim. 9Bendi puu be nde-e u fel tan litan, u pee Unim, 10be shob le undi angwu u shaa kwu he ungwu-likọng Ushọm Unim angwu be ko le kunung nyọng kinyọng a. Ki ma kwu abe he kuhwo kaang, kikekaa ki kaa abe gbe le limbee limen ana.
Ipita a kọng ha bendi abe be ma naa nde be
11Nya ana ungikye angwuna a ma fel kwu Ipita befe le Ujọn abwo, ki kwu bendi he kuhwo kaang, be fel buu la hwaa le be he Ushọm Unim he kipi be ma ko le Kigigyo Usolomọn. 12Nyọng Ipita a nde ashin. A bii abe le, “Men bebuye bendi Izwel, kibang a ashin ki kwu amen he kuhwo? Ma kọng le, li shi ungikye angwun a tan gbe he ikeb le kinunung ashi kityan kigyang a? 13Unim Ebraham, Azik le Ujekọb le betie-tyan puu na a fem Ubọyi uma Ujeso. Ma kung he ke bekandi, ma swan he he ashi Upalet he kunyọng ahwu a shi ugim le u tyang he abwo ọ. 14Men ma mọ undi angwu u yi utaa-utaa u shi kpa-kpa he ashi Unim. Ma de Upalet le u waa undi-kihwu a tyang abwo. 15Ma gwu undi angwu u ke likpan, ukpọ Unim a tem le he wum le he lihwu. Li naa ushada ashin. 16Ikeb lizen Ujeso le abọng-ale he ahe na i shi ungikye umen i a mbee, fel kang-kang na men puu ma nde i.
17“Bebuye bendi Izwel, mi ngye le men le bekandi bemen ma ma shi ashi le ma ngye ye a. 18Le-iti Unim a ma kọng gbe ha bitye-ugie kisọm kima le, Ukristi Undi-likpan, u ba kpa kingie. 19Ma shi beshi, be hwaa le Unim he u gbel nim biban bimen, le kunyọng atemale umen wum ku be le ha Unim, 20Le he u nde le u sọm amen Ukristi angwu a waa ndọ men, u shi Ujeso. 21Ki yi kpe-kpe le Ujeso u kwu he lifung-atabe kpam kunyọng ku gbe fel ahwu Unim u tem le biwọm igye anyin puu shi bi fel na bi ma yi le he ukpi-kikwu. Ashin na Unim a ma kọng gbe ha bitye-ugie kisọm kima le-iti. 22Umosis a ma de le, ‘Ada Unim umen u ba sọm utye-ugie kisọm uma le he liwu limen na mi, ma dang kutyung gyo kiwọm kiyang-yang ashi u be de men. 23Ki yi le undi uyang-yang angwu u dang kutyung gyo ashi u kọng ye, be ba tang he le ha bendi bema.’#3:23 Iten lefee 18:15, 18-19
24“Kpi kung le ha Usamuwel, bitye-ugie kisọm Unim puu be ma kọng ndọ gbe le ati amen i. 25Men ma yi igia bitye-ugie kisọm Unim a le ukyeb angwu Unim a ke betie-men. A ma de Ebraham le, ‘Mi ba ka bendi puu he igye kukwun gba ha igia igang.’#3:25 Ukpi-kikwu 22:18; 26:4 26Nyọng Unim a wum ubọyi uma le he lihwu, a sọm he hwaa le men a kushu le u le ke men kukwun gbe he abel-ale undi uyang-yang le he akwo abibi ama.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.