Aki 11
11
Ipita a bun ashi ki shi-e a shi likpe angi a shi
1Bebwaa-kisọm Ujeso le bendi abọng-ale puu a be he Ujudia be gyo le bendi abe be yi Ijuus a ye ọ be gyo igie Unim, be kpe ngi. 2Ipita a gye he Ujeruselem. Bendi Ijuus a be be gim le ki yi kpe-kpe le bendi abe be yi Ijuus a ye be ten, be fel ben he le, 3a gye he ushọm bendi abe be yi bididim, u zi lizi ọ utung ha abe.
4Ipita a kung bun biwọm puu abi bi shi kung le ha ukpi-kikwu de be. 5A kọng le, “He liti ken mi maa kọng ha Unim he Ujopa. Unim a tyung mi kiwọm kisuso na kubee kiwọm ku be le he lifung-atabe ashi be kwu abwo he ashi ama puu ande be fel ha ami nyin. 6Mi shun ashi ha he afee, mi nde bitwole le inyia libeb le ishii angi i suu lifung he itang le linyun. 7Mi kung gyo lingbam li kọng ha ami le, ‘Ipita, bo kinaa, gwu he wo zi.’
8“Mi fan le, ‘Dia, Ada! Kiwọm ashi Iten ityan i kọng le ki yi le abel ki wa gbe ha ami ungwu ngye ye.’
9“Mi mbee gyo lingbam le he lifung-atabe le, ‘Kiwọm ashi Unim a de le ki yi gelalala, shi ko ashi le kiwọm abel ye.’ 10Kimen ashin ki ma shi kugbe kakie. Biwọm abin puu bi kung tem kan gye he lifung-atabe.
11“He kunyọng kumen ana bendi bekie abe be ma sọm hwaa le mi le he Usesaria, be kung fel ha he ushọm he kipi mi ma yi kwu. 12Ukatia Kunyọng a kung de-m le mi te utung ha abe faale ungwu atimale. Bebuye abe bedyọng-iken nyin ọ be gye ha he Usesaria utung ha ami. Bel puu li le wu he ushu ungikye umen ana. 13A de li na a nde udengel Unim a be naa he ahe ushọm de-e le, ‘Sọm bendi gye he Ujopa le ko ungikye angwu be ko le Usaimọn Pita. 14U ba da-a na men le bendi begang ma shi he men ma kwu le likpan kunyọng.’
15“Nya ana mi maa kọng ha abe, Ukatia Kunyọng a be hwaa le be na a ma be hwaa le bel he ukpi-kikwu. 16Mi kung wel le Ada Ujeso a ma de le, ‘Ujọn a maa wa bendi umbwo a, ukpọ Unim u ba shwa amen le Ukatia Kunyọng uma.’ 17Ki nung ngwọng le Unim a ke bendi abe be yi Ijuus a ye ọ kitaa kuke ahwu a ma ke li he kunyọng ahwu li bọng ha Ada Ujeso Kristi. Ayang u ha yi-m mi angwu mi kaa le mi kwọm Unim kukwo he ashi a kee le u sha?”
18He kunyọng ahwu be gyo ashin, be ma tem yi le ifung ye. Be fel pee Unim da le, “Unim a ke bendi abe be yi Ijuus a ye libwo le be shi beshi le he biban he be kwu le likpan kunyọng.”
Liwu bendi abọng-ale angi he Antiyọk
19Bendi abọng-ale be ma paa wu mbee bipi gbe he kingie ashi ki ma be he kunyọng ahwu be ma gwu Ustiven. Besuso be ma gye he Ufonishia, besuso be gye he Usaiprus, besuso be gye he Antiyọk. Be ma bun igie Unim da Ijuus ife-ife a. 20Bendi abọng-ale besuso abe be ma be le he Usaiprus le Usairen be ma gye he Antiyọk le bun kisọm kinunung gbe le Ada Ujeso de bendi Igrik ọ titi. 21Ikeb Atya-tyan Ujeso i ma yi ha abe. Bendi gbam be bọng, be bel atyam abel ke Ada Ujeso.
22Liwu bendi abọng-ale angi li yi he Ujeruselem li gyo ashin, be kung Ubanabas sọm gye ha he Antiyọk. 23A le wu ha, a nde na Unim a ke be kukwun, a fel le igọ. A fe be ingie le be kwu bendi abe be kung kuhwobel ke Ada Ujeso le atyam abel puu. 24Ubanabas a ma yi undi ununung angwu a ma yi le ikeb Ukatia Kunyọng kaang, u shi le abọng-ale. Bendi gbam be kung kuhwobel fe Ada Ujeso he abwo.
25Ubanabas a ha gbe ndo he Utaasọs le u la shun Usọl. 26A le nde-e, a kpe-e be le he he Antiyọk. Puu abe befee be kwu ha he liwu bendi abọng-ale lize libo hwọ bendi gbam he liwu bendi abọng-ale. Nyin he Antiyọk i na be ma kpi-kikwu ko bendi abọng-ale le bendi abe be yi na Ukristi.
27Nya he kunyọng kumen ana bitye-ugie kisọm Unim be bo le he Ujeruselem gye he Antiyọk. 28Undi ken le he liwu libel angwu be maa ko le Agabus a bo kinaa kung kọng gbe he ikeb Ukatia Kunyọng le, ubwaa ubibi u ba kwa he abọng gbam. (Ubwaa umen i a ma kwu he kunyọng Uklaudius a ma yi Usu ukandi he Urom.) 29Bendi-utung Ujeso be tim le undi-undi u ke kiwọm ashi u yi le shi he be kpe fe ukem le ke bebuye bebel abe he Ujudia. 30Be dye puu, be ha kung sọm Ubanabas befe le Usọl le be le ke bekandi abe be nde gbe le liwu bendi abọng-ale he Ujudia.
നിലവിൽ തിരഞ്ഞെടുത്തിരിക്കുന്നു:
Aki 11: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 11
11
Ipita a bun ashi ki shi-e a shi likpe angi a shi
1Bebwaa-kisọm Ujeso le bendi abọng-ale puu a be he Ujudia be gyo le bendi abe be yi Ijuus a ye ọ be gyo igie Unim, be kpe ngi. 2Ipita a gye he Ujeruselem. Bendi Ijuus a be be gim le ki yi kpe-kpe le bendi abe be yi Ijuus a ye be ten, be fel ben he le, 3a gye he ushọm bendi abe be yi bididim, u zi lizi ọ utung ha abe.
4Ipita a kung bun biwọm puu abi bi shi kung le ha ukpi-kikwu de be. 5A kọng le, “He liti ken mi maa kọng ha Unim he Ujopa. Unim a tyung mi kiwọm kisuso na kubee kiwọm ku be le he lifung-atabe ashi be kwu abwo he ashi ama puu ande be fel ha ami nyin. 6Mi shun ashi ha he afee, mi nde bitwole le inyia libeb le ishii angi i suu lifung he itang le linyun. 7Mi kung gyo lingbam li kọng ha ami le, ‘Ipita, bo kinaa, gwu he wo zi.’
8“Mi fan le, ‘Dia, Ada! Kiwọm ashi Iten ityan i kọng le ki yi le abel ki wa gbe ha ami ungwu ngye ye.’
9“Mi mbee gyo lingbam le he lifung-atabe le, ‘Kiwọm ashi Unim a de le ki yi gelalala, shi ko ashi le kiwọm abel ye.’ 10Kimen ashin ki ma shi kugbe kakie. Biwọm abin puu bi kung tem kan gye he lifung-atabe.
11“He kunyọng kumen ana bendi bekie abe be ma sọm hwaa le mi le he Usesaria, be kung fel ha he ushọm he kipi mi ma yi kwu. 12Ukatia Kunyọng a kung de-m le mi te utung ha abe faale ungwu atimale. Bebuye abe bedyọng-iken nyin ọ be gye ha he Usesaria utung ha ami. Bel puu li le wu he ushu ungikye umen ana. 13A de li na a nde udengel Unim a be naa he ahe ushọm de-e le, ‘Sọm bendi gye he Ujopa le ko ungikye angwu be ko le Usaimọn Pita. 14U ba da-a na men le bendi begang ma shi he men ma kwu le likpan kunyọng.’
15“Nya ana mi maa kọng ha abe, Ukatia Kunyọng a be hwaa le be na a ma be hwaa le bel he ukpi-kikwu. 16Mi kung wel le Ada Ujeso a ma de le, ‘Ujọn a maa wa bendi umbwo a, ukpọ Unim u ba shwa amen le Ukatia Kunyọng uma.’ 17Ki nung ngwọng le Unim a ke bendi abe be yi Ijuus a ye ọ kitaa kuke ahwu a ma ke li he kunyọng ahwu li bọng ha Ada Ujeso Kristi. Ayang u ha yi-m mi angwu mi kaa le mi kwọm Unim kukwo he ashi a kee le u sha?”
18He kunyọng ahwu be gyo ashin, be ma tem yi le ifung ye. Be fel pee Unim da le, “Unim a ke bendi abe be yi Ijuus a ye libwo le be shi beshi le he biban he be kwu le likpan kunyọng.”
Liwu bendi abọng-ale angi he Antiyọk
19Bendi abọng-ale be ma paa wu mbee bipi gbe he kingie ashi ki ma be he kunyọng ahwu be ma gwu Ustiven. Besuso be ma gye he Ufonishia, besuso be gye he Usaiprus, besuso be gye he Antiyọk. Be ma bun igie Unim da Ijuus ife-ife a. 20Bendi abọng-ale besuso abe be ma be le he Usaiprus le Usairen be ma gye he Antiyọk le bun kisọm kinunung gbe le Ada Ujeso de bendi Igrik ọ titi. 21Ikeb Atya-tyan Ujeso i ma yi ha abe. Bendi gbam be bọng, be bel atyam abel ke Ada Ujeso.
22Liwu bendi abọng-ale angi li yi he Ujeruselem li gyo ashin, be kung Ubanabas sọm gye ha he Antiyọk. 23A le wu ha, a nde na Unim a ke be kukwun, a fel le igọ. A fe be ingie le be kwu bendi abe be kung kuhwobel ke Ada Ujeso le atyam abel puu. 24Ubanabas a ma yi undi ununung angwu a ma yi le ikeb Ukatia Kunyọng kaang, u shi le abọng-ale. Bendi gbam be kung kuhwobel fe Ada Ujeso he abwo.
25Ubanabas a ha gbe ndo he Utaasọs le u la shun Usọl. 26A le nde-e, a kpe-e be le he he Antiyọk. Puu abe befee be kwu ha he liwu bendi abọng-ale lize libo hwọ bendi gbam he liwu bendi abọng-ale. Nyin he Antiyọk i na be ma kpi-kikwu ko bendi abọng-ale le bendi abe be yi na Ukristi.
27Nya he kunyọng kumen ana bitye-ugie kisọm Unim be bo le he Ujeruselem gye he Antiyọk. 28Undi ken le he liwu libel angwu be maa ko le Agabus a bo kinaa kung kọng gbe he ikeb Ukatia Kunyọng le, ubwaa ubibi u ba kwa he abọng gbam. (Ubwaa umen i a ma kwu he kunyọng Uklaudius a ma yi Usu ukandi he Urom.) 29Bendi-utung Ujeso be tim le undi-undi u ke kiwọm ashi u yi le shi he be kpe fe ukem le ke bebuye bebel abe he Ujudia. 30Be dye puu, be ha kung sọm Ubanabas befe le Usọl le be le ke bekandi abe be nde gbe le liwu bendi abọng-ale he Ujudia.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.