Aki 10
10
Ukọnelus a sọm ko Ipita
1Ki ma yi le ungikye ususo he Usesaria angwu be ma ko le Ukọnelus. A ma yi ukandi ishogya angi be ko le liwu ishogya asi adyọng abe le he Itali. 2Ufe-gyang le kikwu-lihwan kima be maa shel Unim, u shi undi angwu u maa ke pọ, a maa ka bendi abe be ma yi le igben. U shi undi ushang akele mbee kunyọng. 3He liti ken, Unim a tyung he kiwọm le ishu he inde-ikie. A nde udengel Unim dang, a be fem ko he le “Ukọnelus.”
4Ukọnelus a bel ashi nde-e kpọ, a fel he kushel. A kung bii he le, “Kibang a, Ada?”
Udengel Unim a de-e le, “Ushang ugang a wu ha Unim. A nde binunung abi wo shi, a wel a. 5Kanaa-anaa i ndu sọm bendi gye he Ujopa le be le ko-a ungikye ken angwu be ko le Usaimọn angwu be mbee ko le Ipita. 6U kwa utung ha Usaimọn angwu a maa kung ikwob inyia shi biwọm, a nde gwaa le ungwu umbwo ukandi.”
7Udengel Unim angwuna a kung gbe ligye, Ukọnelus a ko bebwaa ushọm bema befee le undi ishogya angwu u fe Unim, u shi-e aki mbee kunyọng. 8A de be ashi ki shi, u sọm abe gye he Ujopa.
Itam ashinyọng Ipita
9Ashi a ma taa, ki ma ndu fel le ishu, be maa ndu wa he afee kubọng ugyang, Ipita a mbo gye he ushọm kusi he u le ke Ushang. 10Itung i ma fel ndo he, ki shi-e le u zi lizi. Nya ana be ma shi lizi ha abwo, Unim a tyung he kiwọm he itam ashinyọng. 11A nde lifung-atabe li buu hwuo. U nde kiwọm ki be le he lifung-atabe na kubee kiwọm kikandi-kikandi ashi be kwu ashi abwo he ashi ama puu ande tyang be he itang. 12Bishishi inyia puu angi abee ande ọ, ishii angi i suu lifung itang le linyun ọ, bi ma yi he afee ashi. 13A gyo lingbam li de-e le, “Ipita, bo kinaa gwu he wo zi.”
14Ipita a kung de le, “Dia, Ada. Mi wa zi kiwọm abel le kiwọm ashi ki yi kitaa-kitaa ye ngye ye.”
15A mbee gyo lingbam le, “Shi ko kiwọm kiyang-yang ashi Unim ashi kitaa-kitaa le kiwọm abel ye.”
16Kimen ashin ki ma shi kugbe kakie, kubee kiwọm kikandi-kikandi ana ki kung tem gye he lifung-atabe.
17Nya ana Ipita a maa tyang gbe le ashi kiwọm ashi a nde ki ze, bendi abe Ukọnelus a ma sọm, be bii gyo he kipi ushọm Usaimọn u yi. Be be naa he ungwu-likọng. 18Be ko bii le, “Ugaa-ndi u yi nyin i nyin angwu be ko le Usaimọn Pita a?”
19Nya ana Ipita a maa so-i gim gbe le itam ashinyọng angi a ma shi, Ukatia Kunyọng a de-e le, “Usaimọn, bendi bekie be shun a 20Ndu bo kinaa shul gye he liten. Shi swan le wo gya utung abe ye ye.”
21Ipita a kung gye ha he liten le de be le, “Mi na ma shun. Kibang a, ma kee mi?”
22Be de-e le, “Ukandi ishogya angwu be ko le Ukọnelus na a sọm li. U yi undi angwu u yi kpa-kpa, u shel Unim. Ijuus puu i ka he ife. Udengel Unim a de-e le u ko-a gye he ahe ushọm he u gyo ashi wo kọng.” 23Ipita a kpe be gye he afee ushọm. Be le ngyọ ha taa ashi.
Ipita a gye he ushọm Ukọnelus
Kunyọng ashi a taa, Ipita a kam gbe utung ha abe. Bendi abọng-ale besuso le he Ujopa be ma te utung he abe. 24Ashi a mbee taa, a wu ha he Usesaria, Ukọnelus le bendi bema le bedimma abe a ma ko, be ma yi kwu ha, be nyọng Ipita. 25Nya ana Ipita a ma ngwee he afee ushọm, Ukọnelus a be kpee le he, a mbu shi he ahe abee, u keb lishi he itang fe-e. 26Ipita a de-e le, “Bo kinaa-atye, mi ọ titi mi yi undi-gye a.”
27Nya ana a maa kọng he ahe, Ipita a ma gbe gye ha afee, a le nde kugi bendi ku go kaang. 28A kung de be le, “Men-agyang ma ngye dang le Iten Ijuus i bọng le undi Ijuus u gbe kpee bendi kubọng kususo ye. Ukpọ Unim a tyung mi le, mi tem de le undi uyang-yang u yi undi abel a ye. 29He atan-lengi angwun, he kunyọng ahwu ma sọm ko mi, mi be faale ungwu atimale, kanaa-anaa i, ma de-m ashi ma sọm ko mi.”
30Ukọnelus a kung de-e le, “Ati akie a gbe nyin libwee limen i, he inde-ikie le ishu, mi maa kọng ha Unim. Undi angwu a shi aliga angi a taa, a be naa mi he kushu nya imbul-imbul, 31a de-m le, ‘Ukọnelus, Unim a gyo na wo kọng he ahe, u mbee wel beke begang a be wo ke bendi-likaa. 32Sọm bendi gye he Ujopa he be le ko-a ungikye angwu be ko le Usaimọn Pita, u yi ugaa-ndi a he ushọm Usaimọn angwu a maa kung ikwob inyia shi biwọm, angwu a nde he ungwu umbwo ukandi.’ 33Mi kung sọm nya kukwo-kukwo le wo be. Wo ọ wo shi kindee-kindee na wo bọng be. Bel puu li yi sho nyin he ashi Unim, li gyo ashi Ada Unim a da-a le wo de li.”
34Ipita a kung de be le, “Kanaa-anaa i mi ngye dang le ki yi kigyang a le bendi puu be yi Unim nya kitaa ken a, u gie bikwu ye. 35U kpa Undi uyang-yang le he kubọng kuyang-ayang angwu u shel Unim, u shi kinunung na u shi nyin Unim. 36Ma ngye kisọm kinunung ashi Unim a ma sọm hwaa le bendi Izwel le be fel le ikwun gbe ha Ujeso Kristi angwu u yi atyam bendi puu. 37Ma ngye ashi ki ma shi he kubọng Ujudia, kpi kung le he Ugalili kunyọng ahwu Ujọn a maa bun gbe le umbwo awole, 38na Unim a ma wu Ujeso angwu Unazaret behwu le Ukatia Kunyọng le ikeb, a ma gye mbe bipi puu shi binunung, u mbee bendi puu abe ikeb ibibi i ma bwọ abe, likọye Unim a ma yi utung he ahe.
39“Bel li yi ishada biwọm puu abi a ma shi he kubọng Ijuus le Ujeruselem. Be ma shwa he tyuu he kikpakpa. 40Ukpọ Unim a ma wum he le he lihwu he liti lekie, u shi le bendi be nde-e. 41Bendi puu na be ma nde-e ye, kee-kee kwọm ishada angi Unim a ma waa ndọ gbe ha abel abe li ma zi, li ngwo utung he ahe nyọng a ma wum le lihwu. 42A sọm li le li bun kisọm kinunung de bendi, li mbee naa ushada, le ufe na Unim a waa le u kwu tang bendi bewum le abe be hwo ushe. 43Bitye-ugie kisọm Unim puu bi naa ushada gbe le he le undi uyang-yang angwu a bọng he ahe, u kpa atyang-ale ke biban gbe he lizen lima.”
44Nya ana Ipita a maa so-i kọng igie anyin, Ukatia Kunyọng a be hwaa le bendi puu abe be ma gyo kisọm kimen i. 45Bendi Ijuus abe be ma yi bendi abọng-ale abe be ma ten abe be ma be utung ha Ipita, ki kwu abe he kuhwo na Unim a ke bendi abe be yi Ijuus a ye ọ kuke kuma ahwu Ukatia Kunyọng. 46Be gyo abe be kọng igie atyetye-atyetye pee Unim.
Ipita a kung de be le, 47“Undi u ha ndu kwọm abe kukwo le be wu abe umbwo ye. Be fe ọ be kpe Ukatia Kunyọng nya ana bel ọ li kpe a.” 48A kung de le be wu abe umbwo he lizen Ujeso Kristi. Be ha de-e le u kwu ha abe ha he inwaa ati zang.
നിലവിൽ തിരഞ്ഞെടുത്തിരിക്കുന്നു:
Aki 10: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 10
10
Ukọnelus a sọm ko Ipita
1Ki ma yi le ungikye ususo he Usesaria angwu be ma ko le Ukọnelus. A ma yi ukandi ishogya angi be ko le liwu ishogya asi adyọng abe le he Itali. 2Ufe-gyang le kikwu-lihwan kima be maa shel Unim, u shi undi angwu u maa ke pọ, a maa ka bendi abe be ma yi le igben. U shi undi ushang akele mbee kunyọng. 3He liti ken, Unim a tyung he kiwọm le ishu he inde-ikie. A nde udengel Unim dang, a be fem ko he le “Ukọnelus.”
4Ukọnelus a bel ashi nde-e kpọ, a fel he kushel. A kung bii he le, “Kibang a, Ada?”
Udengel Unim a de-e le, “Ushang ugang a wu ha Unim. A nde binunung abi wo shi, a wel a. 5Kanaa-anaa i ndu sọm bendi gye he Ujopa le be le ko-a ungikye ken angwu be ko le Usaimọn angwu be mbee ko le Ipita. 6U kwa utung ha Usaimọn angwu a maa kung ikwob inyia shi biwọm, a nde gwaa le ungwu umbwo ukandi.”
7Udengel Unim angwuna a kung gbe ligye, Ukọnelus a ko bebwaa ushọm bema befee le undi ishogya angwu u fe Unim, u shi-e aki mbee kunyọng. 8A de be ashi ki shi, u sọm abe gye he Ujopa.
Itam ashinyọng Ipita
9Ashi a ma taa, ki ma ndu fel le ishu, be maa ndu wa he afee kubọng ugyang, Ipita a mbo gye he ushọm kusi he u le ke Ushang. 10Itung i ma fel ndo he, ki shi-e le u zi lizi. Nya ana be ma shi lizi ha abwo, Unim a tyung he kiwọm he itam ashinyọng. 11A nde lifung-atabe li buu hwuo. U nde kiwọm ki be le he lifung-atabe na kubee kiwọm kikandi-kikandi ashi be kwu ashi abwo he ashi ama puu ande tyang be he itang. 12Bishishi inyia puu angi abee ande ọ, ishii angi i suu lifung itang le linyun ọ, bi ma yi he afee ashi. 13A gyo lingbam li de-e le, “Ipita, bo kinaa gwu he wo zi.”
14Ipita a kung de le, “Dia, Ada. Mi wa zi kiwọm abel le kiwọm ashi ki yi kitaa-kitaa ye ngye ye.”
15A mbee gyo lingbam le, “Shi ko kiwọm kiyang-yang ashi Unim ashi kitaa-kitaa le kiwọm abel ye.”
16Kimen ashin ki ma shi kugbe kakie, kubee kiwọm kikandi-kikandi ana ki kung tem gye he lifung-atabe.
17Nya ana Ipita a maa tyang gbe le ashi kiwọm ashi a nde ki ze, bendi abe Ukọnelus a ma sọm, be bii gyo he kipi ushọm Usaimọn u yi. Be be naa he ungwu-likọng. 18Be ko bii le, “Ugaa-ndi u yi nyin i nyin angwu be ko le Usaimọn Pita a?”
19Nya ana Ipita a maa so-i gim gbe le itam ashinyọng angi a ma shi, Ukatia Kunyọng a de-e le, “Usaimọn, bendi bekie be shun a 20Ndu bo kinaa shul gye he liten. Shi swan le wo gya utung abe ye ye.”
21Ipita a kung gye ha he liten le de be le, “Mi na ma shun. Kibang a, ma kee mi?”
22Be de-e le, “Ukandi ishogya angwu be ko le Ukọnelus na a sọm li. U yi undi angwu u yi kpa-kpa, u shel Unim. Ijuus puu i ka he ife. Udengel Unim a de-e le u ko-a gye he ahe ushọm he u gyo ashi wo kọng.” 23Ipita a kpe be gye he afee ushọm. Be le ngyọ ha taa ashi.
Ipita a gye he ushọm Ukọnelus
Kunyọng ashi a taa, Ipita a kam gbe utung ha abe. Bendi abọng-ale besuso le he Ujopa be ma te utung he abe. 24Ashi a mbee taa, a wu ha he Usesaria, Ukọnelus le bendi bema le bedimma abe a ma ko, be ma yi kwu ha, be nyọng Ipita. 25Nya ana Ipita a ma ngwee he afee ushọm, Ukọnelus a be kpee le he, a mbu shi he ahe abee, u keb lishi he itang fe-e. 26Ipita a de-e le, “Bo kinaa-atye, mi ọ titi mi yi undi-gye a.”
27Nya ana a maa kọng he ahe, Ipita a ma gbe gye ha afee, a le nde kugi bendi ku go kaang. 28A kung de be le, “Men-agyang ma ngye dang le Iten Ijuus i bọng le undi Ijuus u gbe kpee bendi kubọng kususo ye. Ukpọ Unim a tyung mi le, mi tem de le undi uyang-yang u yi undi abel a ye. 29He atan-lengi angwun, he kunyọng ahwu ma sọm ko mi, mi be faale ungwu atimale, kanaa-anaa i, ma de-m ashi ma sọm ko mi.”
30Ukọnelus a kung de-e le, “Ati akie a gbe nyin libwee limen i, he inde-ikie le ishu, mi maa kọng ha Unim. Undi angwu a shi aliga angi a taa, a be naa mi he kushu nya imbul-imbul, 31a de-m le, ‘Ukọnelus, Unim a gyo na wo kọng he ahe, u mbee wel beke begang a be wo ke bendi-likaa. 32Sọm bendi gye he Ujopa he be le ko-a ungikye angwu be ko le Usaimọn Pita, u yi ugaa-ndi a he ushọm Usaimọn angwu a maa kung ikwob inyia shi biwọm, angwu a nde he ungwu umbwo ukandi.’ 33Mi kung sọm nya kukwo-kukwo le wo be. Wo ọ wo shi kindee-kindee na wo bọng be. Bel puu li yi sho nyin he ashi Unim, li gyo ashi Ada Unim a da-a le wo de li.”
34Ipita a kung de be le, “Kanaa-anaa i mi ngye dang le ki yi kigyang a le bendi puu be yi Unim nya kitaa ken a, u gie bikwu ye. 35U kpa Undi uyang-yang le he kubọng kuyang-ayang angwu u shel Unim, u shi kinunung na u shi nyin Unim. 36Ma ngye kisọm kinunung ashi Unim a ma sọm hwaa le bendi Izwel le be fel le ikwun gbe ha Ujeso Kristi angwu u yi atyam bendi puu. 37Ma ngye ashi ki ma shi he kubọng Ujudia, kpi kung le he Ugalili kunyọng ahwu Ujọn a maa bun gbe le umbwo awole, 38na Unim a ma wu Ujeso angwu Unazaret behwu le Ukatia Kunyọng le ikeb, a ma gye mbe bipi puu shi binunung, u mbee bendi puu abe ikeb ibibi i ma bwọ abe, likọye Unim a ma yi utung he ahe.
39“Bel li yi ishada biwọm puu abi a ma shi he kubọng Ijuus le Ujeruselem. Be ma shwa he tyuu he kikpakpa. 40Ukpọ Unim a ma wum he le he lihwu he liti lekie, u shi le bendi be nde-e. 41Bendi puu na be ma nde-e ye, kee-kee kwọm ishada angi Unim a ma waa ndọ gbe ha abel abe li ma zi, li ngwo utung he ahe nyọng a ma wum le lihwu. 42A sọm li le li bun kisọm kinunung de bendi, li mbee naa ushada, le ufe na Unim a waa le u kwu tang bendi bewum le abe be hwo ushe. 43Bitye-ugie kisọm Unim puu bi naa ushada gbe le he le undi uyang-yang angwu a bọng he ahe, u kpa atyang-ale ke biban gbe he lizen lima.”
44Nya ana Ipita a maa so-i kọng igie anyin, Ukatia Kunyọng a be hwaa le bendi puu abe be ma gyo kisọm kimen i. 45Bendi Ijuus abe be ma yi bendi abọng-ale abe be ma ten abe be ma be utung ha Ipita, ki kwu abe he kuhwo na Unim a ke bendi abe be yi Ijuus a ye ọ kuke kuma ahwu Ukatia Kunyọng. 46Be gyo abe be kọng igie atyetye-atyetye pee Unim.
Ipita a kung de be le, 47“Undi u ha ndu kwọm abe kukwo le be wu abe umbwo ye. Be fe ọ be kpe Ukatia Kunyọng nya ana bel ọ li kpe a.” 48A kung de le be wu abe umbwo he lizen Ujeso Kristi. Be ha de-e le u kwu ha abe ha he inwaa ati zang.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.