Luk 7
7
Mme Utibe Ñkpọ Iba
1Ke ini Jisọs ama ọkọkwọrọ ikọ Esie ama, Enye ama afiak oduk ke obio Kapanọm.
2Eyen ufọk etubom udim mbon ekọñ (Senturiọn) kiet emi eteufọk akamade eti eti ama ọdọñọ eti eti ekpere ñkpa. 3Edi ke ini akamba etubom mbon ekọñ oro okokopde abaña Jisọs, enye ama ọdọñ ndusuk mme enyene ukpono ikpọ owo mme Ju ete ekekpe Enye ubọk man Enye edi edinam owo esie okop nsọñidem. 4Ntre ke mmọ eketọñọ ndikpe Jisọs ubọk ọkpọsọñ ete yak Enye etiene mmimọ onyuñ ediñwam owo oro. Mmọ ema etiñ enọ Enye oruk utibe owo emi etubom ekọñ oro ekedide. Mmọ ema edọhọ Enye ete, “Edieke owo ndomokiet odotde uñwam Fo, edi enye,” 5“koro enye amade idut ñnyin onyuñ ọbọpde ufọk akam ọnọ ñnyin.”
6Jisọs ama adaha etiene mmọ Edi mbemiso mmọ ekesim ufọk, etubom ekọñ ama ọdọñ mme ufan esie ekedọhọ Enye ete, “Ọbọñ, kufina idem Fo, koro ami ndotke Afo ndiduk ke idak ufọk mi.” 7Ntak edi oro ami ñkekerede nte ke ami ñkedotke ndidi mbine Fi ke idem mi. Edi, kam tiñ ikọ, ndien eyenọwọñ mi eyekop nsọñidem. 8Koro ami ke idem mi ndu ke idak ukara ñkpọsọñ owo emi ekarade, mmọnyuñ ñnyene mbon ekọñ efen ke idak mi. Edi ami ndidọhọ nte, “Eka!” Ndien mmọ eka, mme “edi,” ndien mmọ edi, ñnyuñ ndọhọ ofin mi “Nam emi, mme oko,” ndien enye anam.
9Idem ama akpa Jisọs ke ini emi Enye okopde mme ikọ emi, ndien Enye, onyuñ ọwọñọde ese otu owo emi eketienede Enye, ọdọhọ ete, “Ami ntiñ emi nnọ mbufo, akananam Ami ñkwe uto akwa mbuọtidem emi okponde ntem ukpọk ke Isrel.”
10Ndien ke ini mme ufan etubom mbon ekọñ ema ekefiak enyọñọ ufọk mmọ, ema ekut eyen ufọk oro ye ọyọhọ nsọñidem.
11Ke esisit ini Jisọs ama aka ke obio emi ekotde Nan, ndien mme mbet Esie ye mme akwa otu owo ema etiene Enye. 12Nte Enye ekekperede inua otop obio, Enye ama okut nte ekebiomde ekebe okpo owo ewọrọ, andikpa emi ekedi ñkpasip eyen kiet emi eka esie ekenyenede, ndien ñwan emi ekedi ebekpa. Ndien akamba udim owo ema eto ke obio oro etiene enye.
13Ke ini Ọbọñ okokutde enye, esit Esie ama ọyọhọ ye mbọm ọnọ ñwan emi, ndien Enye ama ọdọhọ enye ete, “Kutua!” 14Ntre ke Enye akasaña ọdọk okotuk ekebe okpo, ndien mme mmọ emi ekebiomde etuak eda, Enye ọdọhọ, ete, “Akparawa, Ami ndọhọ fi nte daha ke enyọñ.”
15Akpa ñkpa ama adaha etetie onyuñ ọtọñọ nditiñ ikọ, ndien Jisọs omum enye ayak ọnọ eka esie.
16Ọkpọsọñ ndik ama ọtọñọ ndimum ofuri otu owo ndien mmọ efiori enyuñ etoro Abasi ete, “Akwa Oku Abasi amadaha ada ke otu ñnyin, ndien ñnyin imokut mfin emi nte ubọk Abasi anamde utom ke otu ikọt Esie.”
17Etop emi abañade Ọbọñ Jisọs ama asuana ke ofuri isọñ Judia ye ke mme ñkanñkuk idut eken.
Jisọs Ye Jọn
18Mme mbet Jọn Baptist ema etiñ enọ enye ebaña kpukpru mme ñkpọ ntibe emi. Enye okot owo iba ke otu mmọ, 19ndien ọdọñ mmọ eka ekebup Ọbọñ Jisọs, ntem, “Nte Afo edi Enye emi akanade nte edi, mme ñnyin idori enyin ke owo efen?”
20Ke ini mme mmọ oro esimde Jisọs mmọ ema edọhọ Enye ete, “Jọn Baptist ọdọñ ñnyin idibup Fi, Mme Afo edi Enye emi akanade nte edi, mme ñnyin idori enyin ke owo efen?” 21Kpa ke ukem ini oro Jisọs ama ọkọk ediwak owo emi ekedọñọde, ye mme mmọ emi ekenyenede ndedehe spirit ndien onyuñ anam mme ediwak owo emi ekedide nnan ekut usuñ. 22Ntre ke Enye ọkọbọrọ mme isuñutom Jọn ntem, “Efiak eka eketiñ enọ enye ebaña se mbufo ekutde enyuñ ekopde. Mme nnan ekut usuñ, mme mbuñọ esaña mme akpamfia esana, inan ekop ikọ, enam mme akpa ñkpa eset, ndien ekwọrọ Eti Etop enọ mme mbon ubuene. 23Ọfọfọn ọnọ owo emi mididuọhọ ikpọñ usuñ ke ntak Mi.”
24Ke ini mme isuñutom Jọn ema ekenyọñọ, Jisọs ama ọtọñọ nditiñ ikọ nnọ otu owo mbaña Jọn. “Nso ke mbufo ekeka ke isọñ utatan ndikut? Ndi ñnyanyaña emi ofum eberede? Edieke midighe ntre, nso ndien ke mbufo ekewọrọ eka ndise? 25Owo emi ọkọdiọñde idem ke ediye ọfọñ? Baba, mme mmọ emi esinede mme nsọñurua ọfọñ ye mme mmọ emi edude ke uñwọk, edu ke mme ufọk mbọñ, 26Edi nso ke mbufo ekewọrọ eka ndikut? Asiak Uduak Abasi? Ih, yak ntiñ nnọ mbufo, enyemi akande Asiak Uduak Abasi.” 27Enye edi enyemi ekewetde ebaña, ete, “Ami ñyedọñ asañautom Mi ebem Fi iso, emi edidiọñde usuñ Fo ndien afo edisim. 28Yak ntiñ nnọ mbufo, ke otu kpukpru mme mmọ emi iban emande inyeneke ndomokiet emi okponde akan Jọn. Edi, enyemi edide nsuhọde ñkan ke Obio Ubọñ Abasi okpon akan enye.”
29Kpukpru owo kpa ye idem mme ọbọ ataksi ke ini ekekopde mme ikọ Jisọs ema enyime ete ke usuñ Abasi ọfọn ama. Koro Jọn ama onim mmọ babtisim. 30Edi mme Farisi ye mme nta ke ibet mme Ju ema esin Uduak Abasi emi abañade mmọ koro idighe Jọn ekenim mmọ babtisim.
31“Nso ke Ami ñkeme ndida emana emi ndomo?” Nso ke mmọ ebiet? 32Mmọ ebiet ñkpri nditọ ọwọñ emi etiede ke añwa urua enyuñ ekot kiet eken ete, “Ñnyin imefri ifiom inọ mbufo, ndien mbufo ikenekke unek, ifri ikwọ ñkpa, ndien mbufo iketuaha eyet. 33Koro Jọn Baptist akasaña ntre idiaha ñkpọ, inyuñ iñwọñke wain ndomokiet, ke ofuri uwem esie edi mbufo edọhọ ete enye enyene ndedehe spirit. 34Edi Eyen owo edi ke adia onyuñ ọñwọñ, ndien mbufo ete ke Enye edi owo idiọk itọñ ye akpa mmin, ufan mme ọbọ ataksi ye eke mme anam idiọkñkpọ. 35Kpukpru mme mmọ emi enyenede eti ibuot eyarade ewut ete ke eti ibuot emi otode Abasi edi akpanikọ.”
Ukpuhọde Usọrọ
36Owo kiet ke otu mme Farisi ama okot Jisọs udia ke ufọk esie, do Enye ama aka ufọk Farisi emi onyuñ eketie ke okpokoro udia ye enye. 37Ke ini emi ñwan kiet ke obio oro emi ekedude uwem idiọkñkpọ ọkọdiọñọde ete ke Jisọs ke adia ñkpọ ke ufọk owo Farisi oro, enye ama ada otu alabasta emi enem ufuọñ aran esinede. 38Ke enye ama okoduk esit ufọk enye ama ọtọñọ edọñ ke edem Jisọs ke mben ikpat Esie, onyuñ akaiso nditua eyet ndien mmọñeyet esie ama ọduọhọ Jisọs ke ikpat; ndien enye ama ada idet ibuot esie ọkwọhọde Jisọs ikpat, onyuñ otim ikpat Jisọs inua, ndien ọduọk enem ufuọñ aran ke ikpat Jisọs,
39Edi ke ini enyene ufọk owo Farisi okokutde se ikade iso ye oruk owo emi ñwan oro ekedide, enye ama etiñ ke idem esie ete, “Ke akpanikọ emi owut ete ke Jisọs idighe oku, koro ke akpanikọ edieke ekpedide Abasi ọkọdọñ Enye edi, Enye ọkpọfiọk oruk añwan emi ñwan oro edide. Nte ke enye edi anam idiọkñkpọ.”
40Jisọs ama ọbọrọ enye, ete, “Saimọn, Ami mmenyene se ñyomde nditiñ nnọ fi.” Enye ama ọdọhọ ete, “Tiñ nọ mi, Andikpep.”
41“Owo iba ema ekama ọbuọt okuk kiet isọn, kiet akakama bọn ikie, ndien enye eken akakama bọn aba ye duop, 42Baba owo kiet ke otu mmọ mbiba ikekemeke ndikpe okuk oro, do enye ama ayak mme okuk oro atak enye onyuñ ayak mmọ edia mme isọn oro. Anie ke otu mmọ mbiba edima enye ikan?”
43Saimọn ama ọbọrọ ete, “Ami ñkere nte ke edi enye emi ekeyakde uwak isọn oro enọ enye adia.” Jisọs ama ọdọhọ enye ete, “afo emetim ọbọrọ ọfọn.”
44Ntem ke Enye ọwọñọde enyin Esie ese eyenañwan oro ndien ọdọhọ Saimọn ete, “Nte afo omokut ñwan emi ọtọñọde edọñ mi? Ini ñkedukde ndi ufọk fo ukukereke ubaña ndinọ Mi mmọñ nda ñyet obu ke ukot Mi, edi enye eyet Mi ukot ke mmọñ eyet esie, onyuñ ada idet ibuot esie ọkwuọhọde mmọ. 45Afo ukumaha nditim Mi inua edi eyen añwan emi ọtọñọde ke ini emi Ami ñkedukde ndi, ama aka iso nditim inua ke ukot Mi. 46Afo ama etre ndinam edu ukpono ke edida aran Ọlif ntọhọ ñyet Mi ke ibuot nte edu uwem ñnyin edide, edi enye ada ata nsọñurua aran oro ọtọhọ eyet Mi ke ukot. 47Ke ntre, yak ntiñ nnọ fi, emefen mme idiọkñkpọ esie, koro enye amade ima eti eti. Edi enye emi amade ima esisit edi enye emi efende enọ enye esisit.”
48Ndien Jisọs ọdọhọ enye ete, “Emefen mme idiọkñkpọ fo.”
49Ntem ke mme isenowo eken eketiede ye Enye ke okpokoro udia eketiñ ke idem mmọ, ete, “Owo emi ekere ete imọ idi anie, emi efende idiọkñkpọ mme owo?”
50Ndien Jisọs ama ọdọhọ ñwan emi ete, “Mbuọtidem fo ama anyaña fi; Nyọñ ke emem.”
നിലവിൽ തിരഞ്ഞെടുത്തിരിക്കുന്നു:
Luk 7: OOÑE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Luk 7
7
Mme Utibe Ñkpọ Iba
1Ke ini Jisọs ama ọkọkwọrọ ikọ Esie ama, Enye ama afiak oduk ke obio Kapanọm.
2Eyen ufọk etubom udim mbon ekọñ (Senturiọn) kiet emi eteufọk akamade eti eti ama ọdọñọ eti eti ekpere ñkpa. 3Edi ke ini akamba etubom mbon ekọñ oro okokopde abaña Jisọs, enye ama ọdọñ ndusuk mme enyene ukpono ikpọ owo mme Ju ete ekekpe Enye ubọk man Enye edi edinam owo esie okop nsọñidem. 4Ntre ke mmọ eketọñọ ndikpe Jisọs ubọk ọkpọsọñ ete yak Enye etiene mmimọ onyuñ ediñwam owo oro. Mmọ ema etiñ enọ Enye oruk utibe owo emi etubom ekọñ oro ekedide. Mmọ ema edọhọ Enye ete, “Edieke owo ndomokiet odotde uñwam Fo, edi enye,” 5“koro enye amade idut ñnyin onyuñ ọbọpde ufọk akam ọnọ ñnyin.”
6Jisọs ama adaha etiene mmọ Edi mbemiso mmọ ekesim ufọk, etubom ekọñ ama ọdọñ mme ufan esie ekedọhọ Enye ete, “Ọbọñ, kufina idem Fo, koro ami ndotke Afo ndiduk ke idak ufọk mi.” 7Ntak edi oro ami ñkekerede nte ke ami ñkedotke ndidi mbine Fi ke idem mi. Edi, kam tiñ ikọ, ndien eyenọwọñ mi eyekop nsọñidem. 8Koro ami ke idem mi ndu ke idak ukara ñkpọsọñ owo emi ekarade, mmọnyuñ ñnyene mbon ekọñ efen ke idak mi. Edi ami ndidọhọ nte, “Eka!” Ndien mmọ eka, mme “edi,” ndien mmọ edi, ñnyuñ ndọhọ ofin mi “Nam emi, mme oko,” ndien enye anam.
9Idem ama akpa Jisọs ke ini emi Enye okopde mme ikọ emi, ndien Enye, onyuñ ọwọñọde ese otu owo emi eketienede Enye, ọdọhọ ete, “Ami ntiñ emi nnọ mbufo, akananam Ami ñkwe uto akwa mbuọtidem emi okponde ntem ukpọk ke Isrel.”
10Ndien ke ini mme ufan etubom mbon ekọñ ema ekefiak enyọñọ ufọk mmọ, ema ekut eyen ufọk oro ye ọyọhọ nsọñidem.
11Ke esisit ini Jisọs ama aka ke obio emi ekotde Nan, ndien mme mbet Esie ye mme akwa otu owo ema etiene Enye. 12Nte Enye ekekperede inua otop obio, Enye ama okut nte ekebiomde ekebe okpo owo ewọrọ, andikpa emi ekedi ñkpasip eyen kiet emi eka esie ekenyenede, ndien ñwan emi ekedi ebekpa. Ndien akamba udim owo ema eto ke obio oro etiene enye.
13Ke ini Ọbọñ okokutde enye, esit Esie ama ọyọhọ ye mbọm ọnọ ñwan emi, ndien Enye ama ọdọhọ enye ete, “Kutua!” 14Ntre ke Enye akasaña ọdọk okotuk ekebe okpo, ndien mme mmọ emi ekebiomde etuak eda, Enye ọdọhọ, ete, “Akparawa, Ami ndọhọ fi nte daha ke enyọñ.”
15Akpa ñkpa ama adaha etetie onyuñ ọtọñọ nditiñ ikọ, ndien Jisọs omum enye ayak ọnọ eka esie.
16Ọkpọsọñ ndik ama ọtọñọ ndimum ofuri otu owo ndien mmọ efiori enyuñ etoro Abasi ete, “Akwa Oku Abasi amadaha ada ke otu ñnyin, ndien ñnyin imokut mfin emi nte ubọk Abasi anamde utom ke otu ikọt Esie.”
17Etop emi abañade Ọbọñ Jisọs ama asuana ke ofuri isọñ Judia ye ke mme ñkanñkuk idut eken.
Jisọs Ye Jọn
18Mme mbet Jọn Baptist ema etiñ enọ enye ebaña kpukpru mme ñkpọ ntibe emi. Enye okot owo iba ke otu mmọ, 19ndien ọdọñ mmọ eka ekebup Ọbọñ Jisọs, ntem, “Nte Afo edi Enye emi akanade nte edi, mme ñnyin idori enyin ke owo efen?”
20Ke ini mme mmọ oro esimde Jisọs mmọ ema edọhọ Enye ete, “Jọn Baptist ọdọñ ñnyin idibup Fi, Mme Afo edi Enye emi akanade nte edi, mme ñnyin idori enyin ke owo efen?” 21Kpa ke ukem ini oro Jisọs ama ọkọk ediwak owo emi ekedọñọde, ye mme mmọ emi ekenyenede ndedehe spirit ndien onyuñ anam mme ediwak owo emi ekedide nnan ekut usuñ. 22Ntre ke Enye ọkọbọrọ mme isuñutom Jọn ntem, “Efiak eka eketiñ enọ enye ebaña se mbufo ekutde enyuñ ekopde. Mme nnan ekut usuñ, mme mbuñọ esaña mme akpamfia esana, inan ekop ikọ, enam mme akpa ñkpa eset, ndien ekwọrọ Eti Etop enọ mme mbon ubuene. 23Ọfọfọn ọnọ owo emi mididuọhọ ikpọñ usuñ ke ntak Mi.”
24Ke ini mme isuñutom Jọn ema ekenyọñọ, Jisọs ama ọtọñọ nditiñ ikọ nnọ otu owo mbaña Jọn. “Nso ke mbufo ekeka ke isọñ utatan ndikut? Ndi ñnyanyaña emi ofum eberede? Edieke midighe ntre, nso ndien ke mbufo ekewọrọ eka ndise? 25Owo emi ọkọdiọñde idem ke ediye ọfọñ? Baba, mme mmọ emi esinede mme nsọñurua ọfọñ ye mme mmọ emi edude ke uñwọk, edu ke mme ufọk mbọñ, 26Edi nso ke mbufo ekewọrọ eka ndikut? Asiak Uduak Abasi? Ih, yak ntiñ nnọ mbufo, enyemi akande Asiak Uduak Abasi.” 27Enye edi enyemi ekewetde ebaña, ete, “Ami ñyedọñ asañautom Mi ebem Fi iso, emi edidiọñde usuñ Fo ndien afo edisim. 28Yak ntiñ nnọ mbufo, ke otu kpukpru mme mmọ emi iban emande inyeneke ndomokiet emi okponde akan Jọn. Edi, enyemi edide nsuhọde ñkan ke Obio Ubọñ Abasi okpon akan enye.”
29Kpukpru owo kpa ye idem mme ọbọ ataksi ke ini ekekopde mme ikọ Jisọs ema enyime ete ke usuñ Abasi ọfọn ama. Koro Jọn ama onim mmọ babtisim. 30Edi mme Farisi ye mme nta ke ibet mme Ju ema esin Uduak Abasi emi abañade mmọ koro idighe Jọn ekenim mmọ babtisim.
31“Nso ke Ami ñkeme ndida emana emi ndomo?” Nso ke mmọ ebiet? 32Mmọ ebiet ñkpri nditọ ọwọñ emi etiede ke añwa urua enyuñ ekot kiet eken ete, “Ñnyin imefri ifiom inọ mbufo, ndien mbufo ikenekke unek, ifri ikwọ ñkpa, ndien mbufo iketuaha eyet. 33Koro Jọn Baptist akasaña ntre idiaha ñkpọ, inyuñ iñwọñke wain ndomokiet, ke ofuri uwem esie edi mbufo edọhọ ete enye enyene ndedehe spirit. 34Edi Eyen owo edi ke adia onyuñ ọñwọñ, ndien mbufo ete ke Enye edi owo idiọk itọñ ye akpa mmin, ufan mme ọbọ ataksi ye eke mme anam idiọkñkpọ. 35Kpukpru mme mmọ emi enyenede eti ibuot eyarade ewut ete ke eti ibuot emi otode Abasi edi akpanikọ.”
Ukpuhọde Usọrọ
36Owo kiet ke otu mme Farisi ama okot Jisọs udia ke ufọk esie, do Enye ama aka ufọk Farisi emi onyuñ eketie ke okpokoro udia ye enye. 37Ke ini emi ñwan kiet ke obio oro emi ekedude uwem idiọkñkpọ ọkọdiọñọde ete ke Jisọs ke adia ñkpọ ke ufọk owo Farisi oro, enye ama ada otu alabasta emi enem ufuọñ aran esinede. 38Ke enye ama okoduk esit ufọk enye ama ọtọñọ edọñ ke edem Jisọs ke mben ikpat Esie, onyuñ akaiso nditua eyet ndien mmọñeyet esie ama ọduọhọ Jisọs ke ikpat; ndien enye ama ada idet ibuot esie ọkwọhọde Jisọs ikpat, onyuñ otim ikpat Jisọs inua, ndien ọduọk enem ufuọñ aran ke ikpat Jisọs,
39Edi ke ini enyene ufọk owo Farisi okokutde se ikade iso ye oruk owo emi ñwan oro ekedide, enye ama etiñ ke idem esie ete, “Ke akpanikọ emi owut ete ke Jisọs idighe oku, koro ke akpanikọ edieke ekpedide Abasi ọkọdọñ Enye edi, Enye ọkpọfiọk oruk añwan emi ñwan oro edide. Nte ke enye edi anam idiọkñkpọ.”
40Jisọs ama ọbọrọ enye, ete, “Saimọn, Ami mmenyene se ñyomde nditiñ nnọ fi.” Enye ama ọdọhọ ete, “Tiñ nọ mi, Andikpep.”
41“Owo iba ema ekama ọbuọt okuk kiet isọn, kiet akakama bọn ikie, ndien enye eken akakama bọn aba ye duop, 42Baba owo kiet ke otu mmọ mbiba ikekemeke ndikpe okuk oro, do enye ama ayak mme okuk oro atak enye onyuñ ayak mmọ edia mme isọn oro. Anie ke otu mmọ mbiba edima enye ikan?”
43Saimọn ama ọbọrọ ete, “Ami ñkere nte ke edi enye emi ekeyakde uwak isọn oro enọ enye adia.” Jisọs ama ọdọhọ enye ete, “afo emetim ọbọrọ ọfọn.”
44Ntem ke Enye ọwọñọde enyin Esie ese eyenañwan oro ndien ọdọhọ Saimọn ete, “Nte afo omokut ñwan emi ọtọñọde edọñ mi? Ini ñkedukde ndi ufọk fo ukukereke ubaña ndinọ Mi mmọñ nda ñyet obu ke ukot Mi, edi enye eyet Mi ukot ke mmọñ eyet esie, onyuñ ada idet ibuot esie ọkwuọhọde mmọ. 45Afo ukumaha nditim Mi inua edi eyen añwan emi ọtọñọde ke ini emi Ami ñkedukde ndi, ama aka iso nditim inua ke ukot Mi. 46Afo ama etre ndinam edu ukpono ke edida aran Ọlif ntọhọ ñyet Mi ke ibuot nte edu uwem ñnyin edide, edi enye ada ata nsọñurua aran oro ọtọhọ eyet Mi ke ukot. 47Ke ntre, yak ntiñ nnọ fi, emefen mme idiọkñkpọ esie, koro enye amade ima eti eti. Edi enye emi amade ima esisit edi enye emi efende enọ enye esisit.”
48Ndien Jisọs ọdọhọ enye ete, “Emefen mme idiọkñkpọ fo.”
49Ntem ke mme isenowo eken eketiede ye Enye ke okpokoro udia eketiñ ke idem mmọ, ete, “Owo emi ekere ete imọ idi anie, emi efende idiọkñkpọ mme owo?”
50Ndien Jisọs ama ọdọhọ ñwan emi ete, “Mbuọtidem fo ama anyaña fi; Nyọñ ke emem.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.