MATAYO 7
7
Pɛ bosambedja ba kina
(Endja pongono ta Luk 6, 37-38.41-42)
1«Pɛ bosambedjani, tine basakosambedja. 2Tengasa baosambedjabini moda mokasambedjeno bakina. Oko na mwɛngi mokaengɛe na nu bato, boengɛbini oko na mu. 3Tina ndani waendjaka ebumbu edi ta diso i mwange e wɛ, na bea otaenɛkɛ ibaya idi ta diso i wɛ? 4Moda ndani oboani bobala na mwange e wɛ: “Mwange e mbi, kina nodongedje ebumbu yena edi ta diso i wɛ”, na bea odi na ibaya ta i wɛ diso? 5Bato bapokotoi, dongedja boso ibaya idi ta diso i wɛ ko waenɛke bohu tine bodongedja ebumbu edi ta diso i mwange e wɛ.»
6«Pɛ bopani miya masɛnɔke adi mbwa, esakasɔmbɔ tine botswani. Pɛ bodumbani leka lo motuya adi ngulu, tine esakɔmbɔ bodalakaka.»
Sɛngɛ, homba ko boma
(Endja pongono ta Luk 11, 9-13)
7«Sɛngɛni ko bopakeni; hombani ko wadiakeni; bomani ko bodipoakeni. 8Tengasa moto okahɔdje, bodiaka; okahombe, boenɛkɛ ko okabome ta gbulu, bomodipoaka. 9Moto ndani ta tei e bino oboani bopa mwana o nde ibanga, ekada boo mwana o nde amosɛngi mwɛmbɛ? 10Moto ndani oboani bopa mwana o nde ndjɔ ekada boo amosɛngi moswi? 11Ekadabo ino bato babe, odjebini bopani adi bana ba bino leka lopele, na bea moda ndani Sange e bino yona odi o diko, apɛtebi leka lopele adi bia bamosɛngɛkɛ?»
12«Misusu mikapaleno boo bato bakina bokɔmeni, ino pongono kɔni bea adi bo, tengasa edi bileho bi mobeko ko na bi ba mbaeli ba Ndjakomba#7, 12 Endja pongono ta Bal 13, 8-10..»
Ndjea e embamba
(Endja pongono ta Luk 13, 24)
13«Kweani ta ekukɛ e embamba, tengasa ndjea yena ebhuda ekalome bato ta ibunga; bato banɛnɛ edi bia bakanɔe na ndjea emina. 14Endolo ndjea yena e embamba ko e kpɔkɔsɔ ekalome bato ta mohelo; oko bato bakɛkɛ bakaenɛ.»
Ba mbaeli ba bolowa
(Endja pongono ta Luk 6, 43-44)
15«Daani na engɛlɛ na ba mbaeli ba boloa. Bakadue adi no elenge bhata, endolo ta tei e bobo badi elenge swa ba bobila. 16Obadjebabini na misala mi bobo. Tebabuke mbuma i vino ta mole mo ndjubɛ, nongo mbuma i pigi ta mole mo ndjubɛ. 17Mole mopele bobotaka mbuma ipele ko mole mobe bobotaka mbuma ibe. 18Mole mopele motabota mbuma ibe nongo mole mobe motabota pongono mbuma ipele. 19Mole mosusu mokadae pɛ bobota mbuma ipele mokwɛlɛmɛbi ko modumbamabi ta mosa. 20Na bea, odjebabini ba mbaeli ba bolowa na misala mi bobo.»
Bobala ko bosala
(Endja pongono ta Luk 13, 25-27)
21«Editi na bato basusu bakabale na mbi: “Kumu, Kumu”, ba ndani bakweabi ta bo Bokumu bo diko. Endolo edi oko yona akɔkɔ bolulea bo Sange e mbi yona odi o diko. 22Ta busa bo esambi, bato banɛnɛ babalakabi na mbi: “Kumu, Kumu, edi na kombe e wɛ lotɛlɛkɛ; edi na kombe e wɛ lobenganaka miembo mibe; edi na kombe e wɛ lokɔkɔ ngindola inɛnɛ. Otadjebaka”? 23Na bea nabalakabi na bu: “Natodjebakani; kɛni bohali na mbi, ino bakɔmeli ba mabe!”»
Isɛ i ndako ibae
(Endja pongono ta Luk 13, 25-27)
24«Na bea, moto mosusu oki mibalo misabala mbi ko amisi ta mosala aboani na moto obowɛi yona otonga ndako e nde ta diko i ibanga. 25Mbuwa ekwaka, pela eduaka, lungu epipo ekumbaka ta ndako, endolo eikwaka, tengasa moboko mo yu mopikamaka ta diko i ibanga. 26Endolo moto mosusu yona oki mibalo misahula mbi abala ko amiti misa ta mosala adabi elenge endanga yona etongaka ndako ta diko i mbume. 27Ehole ekwaka mbuwa, pela eduaka, lungu epipo ebomaka ndako ko ekwaka: ko ndako emina ebukeana esusu.»
Bokondji bo Yesu
28Ehole esidjaka Yesu bobala mibalo mi nde, bato basusu bakamoaka na moda mo boleha bo nde. 29Tengasa ailehaka elenge balehi ba mobeko, endolo abalehaka na kpatsi.
നിലവിൽ തിരഞ്ഞെടുത്തിരിക്കുന്നു:
MATAYO 7: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
