MATAYO 24
24
Yesu atɔndi bobedjama bo tepelo
(Endja pongono ta Mlk 13, 1-2; Luk 21, 5-6)
1Yana aimaka Yesu ta bopango bo petelo, batingami ba nde baduaka mbuti na nde tine bomoinedja moda ndani motongabo tepelo. 2Endolo Yesu abalaka na bu: «Oenini tepelo ye? Nabalaka na nu edi soti: pɛ ibanga imɔti idikabi diko i ibanga ikina, masusu mabukeanabi.»
Bimbete binedjaka suka e ngondo
(Endja pongono ta Mlk 13, 3-13; Luk 21, 7-19)
3Yana adaka Yesu adi ta makoli ma olipa, batingami babatamaka mbuti ba nde basasuaka mootɔtɔkɔ ko bamohɔdjɔkɔ: «Lotɔndea ehole ndani ekɔmɔke midjɔ mimina ko embete ndani einedjaka boo bodua bo wɛ ko na suka e ngondo.» 4Yesu abasɔmbedjaka: «Daani engelɛ boo moto adae pɛ bokoseani. 5Tengasa bato banɛnɛ baduake na kombe e mbi ko babalakabi: “Edi mbi Kilito!” Ko bapangoakabi bato banɛnɛ. 6Okakeni ngilimo ko gala e bitumba mbuti kaoko bohali; pɛ bobangani: etungi na midjɔ mimina boimea, endolo edaetebi nongo suka e ngondo. 7Ekomi emɔti eanedjakabi ekomi ekina, bokumu bomɔti boanedjakabi bokumu bokina; edabi na ndja ipipo ko na bokumana bo kpɔtɔ ta ngondo dɔngɔ na dɔngɔ. 8Midjɔ mimina misusu midabi elenge mbangi e epeko e mwali yona abotaka. 9Na bea, bokedjakabini saya ko bowakabini. Bato ba bikomi bisusu bolonakabini tine mbi. 10Ta ehole emina, bato banɛnɛ badumbakabi edimeli; basakababi ko basalonakabi. 11Ba mbaeli ba boloa bapangoakabi bato banɛnɛ. 12Elenge bobe bohɛkɛbi mɛnɛ, epaeli e bato banɛnɛ etitakabi. 13Endolo moto yona osagbindeakabi mbunoko suka ahelakabi. 14Bwɛndi Bopele bu bo Bokumu bo Ndjakomba botɔndɔmɔkɔbi ta bikomi bisusu bi ngondo, tine boo edae tati ta tine bikomi bisusu. Ko na bea suka eduake.»
Enɔngi enɛnɛ
(Endja pongono ta Mlk 13, 14-23; Luk 21, 20-24)
15«Na tina emina, wenɛkeni yona okabeebo “mobedji onɔi na bobe,” yona Danyɛlɛ, mbaeli o Ndjakomba, otɔndɔkɔ#24, 15 Dan 9, 27; 11, 31; 12, 11.; boemeama ta polo esɛnɔke. Kinabo molangi asipoe midjɔ mimina! 16Na bea, bia badakabi ta Yuda batie ta dɔngɔ i makoli, 17yona odakabi ta mbalasani e diko i ndako e nde adae pɛ botita, tine botomba leka lo nde ta tei e ndako; 18ko yona odakabi ta gbie atasɔmbɔ tine botomba esendja e nde. 19Ndjokwa edakabi ta masu mia, tina e bali bamemi ko bia badakabi bonungea bana! 20Ongɔnɔni Ndjakomba tine boo meako mimina midae pɛ bokɔmɔ ta ehole e piyɔ kaoko ta isu i sabata! 21Tengasa ta ehole emina, enɔngi edakabi epipo, na bea enɔngi emina eipakaenɛmɛ donga ta mbangi e ngondo mbunoko edɛdi: eenɛmetebi naikina. 22Esedabo Ndjakomba aikuedja ehole emina, pɛ moto okɔkɔ helama. Endolo aekuedjaka ta tina e bato i bahɔ yo. 23Ekada moto abali na nu boo: “Endjani Kilito adi iya!” Kaoko: “Adi bo,” pɛ bomodimeani. 24Tengasa bakilito ba boloa ko ba mbaeli ba boloa baenɛmɛkɛbi. Bakɔkɔbi bingengo bi ngindola binɛnɛ tine bopangoa, nongo bato i bahɔmɔkɔ na Ndjakomba. 25Hokamedjani! Nabalaka na nu donga ehele.
26«Ekada babali na nu: “Endjani, adi ta etengelenge!” Pɛ bokɛni. Kaoko bakabala na nu: “Endjani, abolami iya!” Pɛ bomodimeani. 27Tengasa oko moda mokangɛsɛ mokaikai ta pamba e satina na sadiko, edi oko moda moduabi Mwana o Moto. 28Polo esusu esambi ebembe, bingbondo ikaputoane ena.»
Bodua bo Mwana o Moto
(Endja pongono ta Mlk 13, 24-27; Luk 21, 25-28)
29«Oko ngɔngɔ i ehole emina e enɔngi,
Modakabusa mohindakabi
Songe apɛtebi bongɛsɛ bo yu
Ndjɔtɔ bakwakabi donga ta busa
Ko ngulu i diko ikumanakabi#24, 29 Endja pongono ta Isa 13, 10; 34, 4; Edj 32.7; Yoe 2, 10; 3, 4..
30Na bea embete e Mwana o Moto eenɛmɛbi ta busa. Bato basusu ba bikomi bi ngondo basayeanabi, baenɛbi Mwana o Moto boimea ta matute ma busa na sueya esusu ko na ekumu enɛnɛ. 31Na ngilimo enɛnɛ e panda, alomakabi babwɛndji ba nde ba busa boputoanedja bahɔmi ba nde donga ta makono masusu manɛi ma ngondo, donga ta suka emɔti mbunoko ta suka ekina.»
Isɛ i mole mo pigi
(Endja pongono ta Mlk 13, 28-31; Luk 21, 29-33)
32«Kinani olehameni na isɛ i mole mo pigi: yana abangi mosua bodala ta tape ko kasa ibangi botɔ, okadjebeni boo yanga e moi mopipo eimei mbuti. 33Oko moda momɔti na nu, ehole eenɛbino bea, djebani boo Mwana o Moto aimei mbuti, aimei ta bikukɛ bi bino. 34Edi soti, nabalaka na nu: bato ba ehole ye badimoetebi boso bo baenɛ midjɔ mi boimea. 35Busa na kpɔtɔ bonɔbi, endolo mobalo mo mbi monɔetebi.»
Pɛ moto adjebaka isu kaoko ehole
(Endja pongono ta Mlk 13, 32-37; Luk 17, 26-30-36)
36«Ta modjɔ moindji isu kaoko ehole, pɛ moto omɔti odjebaka, edae babwɛndji ba busa kaoko Mwana o Moto; endolo oko Sesa yo mɛnɛ. 37Moda mokɔmɔkɔ ta masu ma Nowa, ekɔmɔbi oko moda momɔti ta bodua bo Mwana o Moto. 38Tengasa, ta ehole emina, boso boo pela enɛnɛ edue, bato badaka boya, bomwa, boasɔnɔ kaoko boasɔedja bana ba bobo, mbunoko ta busa bokweaka Nowa ta masua. 39Baidjebaka nongo eka emɔti yena ekɔkɔ kɔmɔ, mbunoko pela eduaka ko ebowaka bo basusu. Edabi pongono bea ehole eduabi Mwana o Moto. 40Na bea, bami babae badabi ta gbie: omɔti atombamabi ko okina adikabi. 41Bali babae basianakabi mbuma ta igbata: omɔti atombamabi ko okina adikabi. 42Pɛ bohwɛɛni, tengasa otadjebakeni isu iduabi Kumu o bino. 43Sipoani bopele modjɔ mu: esedabo moswa ndako adjebe ehole eboanaka moibi bodua na bulu, akɔkɔ dikama mɔsu ko aikɔkɔ kwea ta ndako e nde. 44Na tina emina, ino pongono daani mbuti, tengasa Mwana o Moto aduake ta ehole edakabino pɛ bolɛdjɛ.»
Isɛ i mosali mopele ko mosali mobe
(Endja pongono ta Luk 12, 41-48)
45«Odi mɛnɛ mosali o bodjo ko o bowɛi nda? Mosala yona kumu o nde amopaka botomba basali ta tei e ndako e nde, tine boo abayedjake mia ta ehole eboani? 46Sepi adi mosali yona, ekadabo kumu o nde ahuli, amotaneake asala mosala! 47Edi soti nabalaka na nu: kumu o nde amopabi mosala mo bobanea bodieli bo nde bosusu. 48Endolo akalɛdjɛ boo adi mosali mobe, asabaleabi: “mokondji o mbi ayeyoi ta bohula,” 49na bea abangabi boboma binande ba mosala, boyaka ko bomwaka engbanga na balangoi ba mana. 50Kumu o nde ahulabi isu imɔti idabi mosali pɛ boamba ko na ehole edabiyo pɛ bodjeba; 51amobenganabi ko amopabi iputi ta polo emɔti na bato bapokotoi, ta polo yena edabi biyo ko bokpɛkɛnɛ mino.»
നിലവിൽ തിരഞ്ഞെടുത്തിരിക്കുന്നു:
MATAYO 24: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 24
24
Yesu atɔndi bobedjama bo tepelo
(Endja pongono ta Mlk 13, 1-2; Luk 21, 5-6)
1Yana aimaka Yesu ta bopango bo petelo, batingami ba nde baduaka mbuti na nde tine bomoinedja moda ndani motongabo tepelo. 2Endolo Yesu abalaka na bu: «Oenini tepelo ye? Nabalaka na nu edi soti: pɛ ibanga imɔti idikabi diko i ibanga ikina, masusu mabukeanabi.»
Bimbete binedjaka suka e ngondo
(Endja pongono ta Mlk 13, 3-13; Luk 21, 7-19)
3Yana adaka Yesu adi ta makoli ma olipa, batingami babatamaka mbuti ba nde basasuaka mootɔtɔkɔ ko bamohɔdjɔkɔ: «Lotɔndea ehole ndani ekɔmɔke midjɔ mimina ko embete ndani einedjaka boo bodua bo wɛ ko na suka e ngondo.» 4Yesu abasɔmbedjaka: «Daani engelɛ boo moto adae pɛ bokoseani. 5Tengasa bato banɛnɛ baduake na kombe e mbi ko babalakabi: “Edi mbi Kilito!” Ko bapangoakabi bato banɛnɛ. 6Okakeni ngilimo ko gala e bitumba mbuti kaoko bohali; pɛ bobangani: etungi na midjɔ mimina boimea, endolo edaetebi nongo suka e ngondo. 7Ekomi emɔti eanedjakabi ekomi ekina, bokumu bomɔti boanedjakabi bokumu bokina; edabi na ndja ipipo ko na bokumana bo kpɔtɔ ta ngondo dɔngɔ na dɔngɔ. 8Midjɔ mimina misusu midabi elenge mbangi e epeko e mwali yona abotaka. 9Na bea, bokedjakabini saya ko bowakabini. Bato ba bikomi bisusu bolonakabini tine mbi. 10Ta ehole emina, bato banɛnɛ badumbakabi edimeli; basakababi ko basalonakabi. 11Ba mbaeli ba boloa bapangoakabi bato banɛnɛ. 12Elenge bobe bohɛkɛbi mɛnɛ, epaeli e bato banɛnɛ etitakabi. 13Endolo moto yona osagbindeakabi mbunoko suka ahelakabi. 14Bwɛndi Bopele bu bo Bokumu bo Ndjakomba botɔndɔmɔkɔbi ta bikomi bisusu bi ngondo, tine boo edae tati ta tine bikomi bisusu. Ko na bea suka eduake.»
Enɔngi enɛnɛ
(Endja pongono ta Mlk 13, 14-23; Luk 21, 20-24)
15«Na tina emina, wenɛkeni yona okabeebo “mobedji onɔi na bobe,” yona Danyɛlɛ, mbaeli o Ndjakomba, otɔndɔkɔ#24, 15 Dan 9, 27; 11, 31; 12, 11.; boemeama ta polo esɛnɔke. Kinabo molangi asipoe midjɔ mimina! 16Na bea, bia badakabi ta Yuda batie ta dɔngɔ i makoli, 17yona odakabi ta mbalasani e diko i ndako e nde adae pɛ botita, tine botomba leka lo nde ta tei e ndako; 18ko yona odakabi ta gbie atasɔmbɔ tine botomba esendja e nde. 19Ndjokwa edakabi ta masu mia, tina e bali bamemi ko bia badakabi bonungea bana! 20Ongɔnɔni Ndjakomba tine boo meako mimina midae pɛ bokɔmɔ ta ehole e piyɔ kaoko ta isu i sabata! 21Tengasa ta ehole emina, enɔngi edakabi epipo, na bea enɔngi emina eipakaenɛmɛ donga ta mbangi e ngondo mbunoko edɛdi: eenɛmetebi naikina. 22Esedabo Ndjakomba aikuedja ehole emina, pɛ moto okɔkɔ helama. Endolo aekuedjaka ta tina e bato i bahɔ yo. 23Ekada moto abali na nu boo: “Endjani Kilito adi iya!” Kaoko: “Adi bo,” pɛ bomodimeani. 24Tengasa bakilito ba boloa ko ba mbaeli ba boloa baenɛmɛkɛbi. Bakɔkɔbi bingengo bi ngindola binɛnɛ tine bopangoa, nongo bato i bahɔmɔkɔ na Ndjakomba. 25Hokamedjani! Nabalaka na nu donga ehele.
26«Ekada babali na nu: “Endjani, adi ta etengelenge!” Pɛ bokɛni. Kaoko bakabala na nu: “Endjani, abolami iya!” Pɛ bomodimeani. 27Tengasa oko moda mokangɛsɛ mokaikai ta pamba e satina na sadiko, edi oko moda moduabi Mwana o Moto. 28Polo esusu esambi ebembe, bingbondo ikaputoane ena.»
Bodua bo Mwana o Moto
(Endja pongono ta Mlk 13, 24-27; Luk 21, 25-28)
29«Oko ngɔngɔ i ehole emina e enɔngi,
Modakabusa mohindakabi
Songe apɛtebi bongɛsɛ bo yu
Ndjɔtɔ bakwakabi donga ta busa
Ko ngulu i diko ikumanakabi#24, 29 Endja pongono ta Isa 13, 10; 34, 4; Edj 32.7; Yoe 2, 10; 3, 4..
30Na bea embete e Mwana o Moto eenɛmɛbi ta busa. Bato basusu ba bikomi bi ngondo basayeanabi, baenɛbi Mwana o Moto boimea ta matute ma busa na sueya esusu ko na ekumu enɛnɛ. 31Na ngilimo enɛnɛ e panda, alomakabi babwɛndji ba nde ba busa boputoanedja bahɔmi ba nde donga ta makono masusu manɛi ma ngondo, donga ta suka emɔti mbunoko ta suka ekina.»
Isɛ i mole mo pigi
(Endja pongono ta Mlk 13, 28-31; Luk 21, 29-33)
32«Kinani olehameni na isɛ i mole mo pigi: yana abangi mosua bodala ta tape ko kasa ibangi botɔ, okadjebeni boo yanga e moi mopipo eimei mbuti. 33Oko moda momɔti na nu, ehole eenɛbino bea, djebani boo Mwana o Moto aimei mbuti, aimei ta bikukɛ bi bino. 34Edi soti, nabalaka na nu: bato ba ehole ye badimoetebi boso bo baenɛ midjɔ mi boimea. 35Busa na kpɔtɔ bonɔbi, endolo mobalo mo mbi monɔetebi.»
Pɛ moto adjebaka isu kaoko ehole
(Endja pongono ta Mlk 13, 32-37; Luk 17, 26-30-36)
36«Ta modjɔ moindji isu kaoko ehole, pɛ moto omɔti odjebaka, edae babwɛndji ba busa kaoko Mwana o Moto; endolo oko Sesa yo mɛnɛ. 37Moda mokɔmɔkɔ ta masu ma Nowa, ekɔmɔbi oko moda momɔti ta bodua bo Mwana o Moto. 38Tengasa, ta ehole emina, boso boo pela enɛnɛ edue, bato badaka boya, bomwa, boasɔnɔ kaoko boasɔedja bana ba bobo, mbunoko ta busa bokweaka Nowa ta masua. 39Baidjebaka nongo eka emɔti yena ekɔkɔ kɔmɔ, mbunoko pela eduaka ko ebowaka bo basusu. Edabi pongono bea ehole eduabi Mwana o Moto. 40Na bea, bami babae badabi ta gbie: omɔti atombamabi ko okina adikabi. 41Bali babae basianakabi mbuma ta igbata: omɔti atombamabi ko okina adikabi. 42Pɛ bohwɛɛni, tengasa otadjebakeni isu iduabi Kumu o bino. 43Sipoani bopele modjɔ mu: esedabo moswa ndako adjebe ehole eboanaka moibi bodua na bulu, akɔkɔ dikama mɔsu ko aikɔkɔ kwea ta ndako e nde. 44Na tina emina, ino pongono daani mbuti, tengasa Mwana o Moto aduake ta ehole edakabino pɛ bolɛdjɛ.»
Isɛ i mosali mopele ko mosali mobe
(Endja pongono ta Luk 12, 41-48)
45«Odi mɛnɛ mosali o bodjo ko o bowɛi nda? Mosala yona kumu o nde amopaka botomba basali ta tei e ndako e nde, tine boo abayedjake mia ta ehole eboani? 46Sepi adi mosali yona, ekadabo kumu o nde ahuli, amotaneake asala mosala! 47Edi soti nabalaka na nu: kumu o nde amopabi mosala mo bobanea bodieli bo nde bosusu. 48Endolo akalɛdjɛ boo adi mosali mobe, asabaleabi: “mokondji o mbi ayeyoi ta bohula,” 49na bea abangabi boboma binande ba mosala, boyaka ko bomwaka engbanga na balangoi ba mana. 50Kumu o nde ahulabi isu imɔti idabi mosali pɛ boamba ko na ehole edabiyo pɛ bodjeba; 51amobenganabi ko amopabi iputi ta polo emɔti na bato bapokotoi, ta polo yena edabi biyo ko bokpɛkɛnɛ mino.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)