MATAYO 23
23
Yesu akebedji balehi ba mobeko ko na bapalusai
(Endja pongono ta Mlk 12, 38-39; Luk 11, 43-46; 20, 45-46)
1Na bea Yesu abalaka na emumu e bato ko na batingami ba nde: 2«Bidie bi boleha mobeko mo Mose bipama na balehi ba mobeko ko na bapalusai. 3Otungini bosuma misusu mikolehenibo ko mida mi bino mikuane na bileho bikolehenibo. Endolo pɛ bokwanani mida mi bobo, tengasa ibo tebakokedjake meako mikolehebo. 4Bakabɔngedje migumba mi mandi mɛnɛ tine bolwadjaka bato bakina. Endolo bo bɛnɛ tebabɛndjɛke nongo mandi mamina na mosapi mo bobo tine bosunga bato bamina. 5Misala mikakɔebo misusu, bomikɔkɔ bɛngi bato babaenɛ. Na bea, baabigbɔkɔsɔ bi makomi bidakabo bolwa ta ehole e miongɔnɔ bidaka binɛnɛnɛ bonɔ bato basusu ko milenda mi matoka ma bisendja bi bobo bidaka biyai bonɔ bato basusu. 6Bakapale boda ta polo i gala ta tɛkɛ ko ta polo i boso ta tei i sinagoga; 7bakapale bato babapake ndese ta polo i bhuda ko bababeake “Molehi.” 8Endolo ino, pɛ bopalakani bato bobeakeni “molehi,” tengasa odini no basusu bange i bato ko odini oko na Molehi omɔti. 9Pɛ bobeani moto omɔti “tata” ta ngondo, tengasa odini oko na tata o bino omɔti, yona odi o diko. 10Pɛ bopalani bato bobeeni “mokondji,” tengasa odini oko na mokondji o bino omɔti, Kilito. 11Moto yona onɔi bonɛnɛ ta tei e bino aboani boda mosali o bino. 12Moto okasangɔkɔbi, bamotitedjabi, endolo moto yona okasatitedjakabi, bamoangɔdjɔbi.»
Yesu abali tine pokotoi e balehi ba mobeko ko na bapalusai
(Endja pongono ta Mlk 12, 40; Luk 11, 39-52; 20, 45-47)
13Yesu abalaka naikina: «Ndjokwa tina e bino balehi ba mobeko ko na bapalusai, ndjɔ ba melo mibae! Okadipeni bato ndjea e Bokumu bo diko tine basakakwea; ino bɛnɛ oikweani ko oipani ndjea adi bato badi ibapalaka bokwea.
14Ndjokwa e bino, balehi ba mobeko ko na bapalusai, ndjɔ ba melo mibae! Okaibeni leka lo bali bagwa na bami ko okakɔeni miongɔnɔ miyai miyai tine bokosa bato. Ta tina emina, odiabini etumbo enɔi na bopipo!
15Ndjokwa e bino, balehi ba mobeko ko na bapalusai, ndjɔ ba melo mibae! Okadaleni pamba na pamba i ngondo ko ta duwa inɛnɛnɛ, tine boduedja mokɛndɛli oko omɔti ta edimeli e bobo ko akakwea, okamoimedjeni moto o ipelu mbala ibae bonɔ no bɛnɛ.
16Ndjokwa e bino, badaledji ba bato i bagwa miso! Okabaleni: “Ekadabo moto abhɛli bhɛli na kombe e tepelo, yena editi modjɔ; endolo ekadabo abhɛli bhɛli na kombe e wolo e tepelo, ena atungi bokokedja bhɛli e nde.” 17Bigegele, bato bagwa miso! Eka mɛnɛ enɔi na motuya nde: palanga kaoko tepelo yena ekimedje wolo esɛnodjamake? 18Okabaleni pongono: “Ekadabo moto abhɛli bhɛli na kombe e polo ekatumbebo mbeka, yena editi modjɔ; endolo ekadabo abhɛli bhɛli na ndjea e ikabo dia idi diko i polo ekatumbe bo mbeka, atungi bokokedje bhɛli e nde.” 19Bato bagwa miso! Eka mɛnɛ enɔi na motuya nde: ikabo kaoko polo ekatumbebo mbeka ekaimedje ikabo isɛnodjamake? 20Endolo moto obhɛli bhɛli na kombe e polo ekatumbebo mbeka, akabhɛlɛ ambuku na kombe e polo ekatumbebo mbeka ko na leka losusu lobaki diko i yu. 21Moto yona obhɛli bhɛli na kombe e tepelo, abhɛli ambuku na kombe e tepelo ko na kombe Ndjakomba yona okadae ta tei eyu. 22Moto yona obhɛli bhɛli na kombe e busa, abhɛli ambuku na kombe e ngbɛndɛ e Ndjakomba ko yona okaedae#23, 22 Endja pongono ta Isa 66, 1; Mat 5, 34..
23Ndjokwa e bino, balehi ba Mobeko ko bapalusai, ndjɔ ba melo mibae! Okadimeni boputa ekenge emɔti na domi e matungulu, e bamusikadi ko e leka lokɛkɛkɛ lo so e itindi, endolo okaenɛni ngasa midjɔ i minɔi na motuya ta tei e mobeko elenge: bodjo, molema mo ndjokwa, bosɛnɔ. Edi eka eboani na nu bokɔ, napɛ bobedja lua lodiki. 24Ino badaledji ba miso mago! Okakɔngeni ingenangena idi ta mana ma bino, endolo okameeni kamela mosusu!
25Ndjokwa e bino, balehi ba mobeko ko bapalusai, ndjɔ ba melo mibae! Okasɛnodjeni bopele sokolu i kɔbɔ ko saani, endolo otei i yu ilumi na leka loiba ko na ekpaka. 26Mopalusai miso mago! Banga boso bosɛnodja otei e kɔbɔ ko na saani, na bea sokolu enɛmɛke pongono esɛnɔke.
27Ndjokwa e bino balehi ba mobeko ko bapalusai, ndjɔ ba melo mibae! Odini elenge makila masuowabo pɛmbɛ epu makenɛme bopele sokolu, endolo otei i yu iluma na kuwa i bato bago ko na moda mosusu mo djɛti. 28Ino pongono, sokolu wenɛmɛkɛ bodjo ta miso ma bato, endolo otei e bino odini ndjɔ ba melo mibae ko olumini na bobe.
29Ndjokwa e bino, balehi ba mobeko ko bapalusai, ndjɔ ba melo mibae! Okatongeni makila tine ba mbaeli ba Ndjakomba ko okalɛmoleni makila ma bato ba bodjo, 30ko okabaleni: “Esedabo iso lodaka ta ehole e bakɔkɔ ba biso, loikɔkɔ putoana na bu, tine bosopa makia ma ba mbaeli ba Ndjakomba.” 31Na bea, okapɛni tati ino bɛnɛ boo odini batitani ba bato bia bowaka ba mbaeli ba Ndjakomba. 32Kɔɔni ko sidjani mosala mua mobangaka ba kɔkɔ ba bino bokɔ! 33Ibota i ndjɔ! Walɛdjɛkɛni boo na ndjea yena oboanini botia etumbo e mosa mo ipelu? 34Na tina emina, mbi nabalaka na nu: nolomeakeni ba mbaeli ba Ndjakomba, bato ba badjebi ko na balehi ba mobeko. Owakabini ko obakakabini bamɔti ta ekulusu, obomakabini bakina na mbalake ta basinagoga i bino ko obakimanakabini ta ibonga na ibonga. 35Na bea, bitumbo bisusu bikwakabi ta diko i bino tine makia ma bato ba bodjo mia masopano ta kpɔtɔ: bodonga makia ma Abɛlɛ, moto o bodjo, mbunoko makia ma Djakalia, mwana o Balaki, yona owano ta pakaso e polo esɛnɔke ko polo ekatumbebo mbeka. 36Okobea, nabalaka na nu edi soti: misusu mikwakabi diko i bato ba busa bu!»
Yesu ayei tine Yelusalɛmɛ
(Endja pongono ta Luk 13, 34-35)
37«Yelusalɛmɛ, Yelusalɛmɛ, wɛ yona okowoe ba mbaeli ba Ndjakomba ko okabowoe na mabanga bato ibolomeaka Ndjakomba! Mbala djeka ipalaka mbi boputoanedja bana ba wɛ, moda mokabongoanedje bana ba kɔkɔ ta na se i mangbangu ma yu, endolo oipalakani! 38Na bea, ndako i bino idikabi mipɔtu mɛnɛ. 39Tengasa, nabalaka na nu: donga edɛdi otenɛkenini naikina mbunoko obalebini: “Adjongoame yona odoi na kombe e Kumu#23, 39 Ndj 118, 26.!”»
നിലവിൽ തിരഞ്ഞെടുത്തിരിക്കുന്നു:
MATAYO 23: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 23
23
Yesu akebedji balehi ba mobeko ko na bapalusai
(Endja pongono ta Mlk 12, 38-39; Luk 11, 43-46; 20, 45-46)
1Na bea Yesu abalaka na emumu e bato ko na batingami ba nde: 2«Bidie bi boleha mobeko mo Mose bipama na balehi ba mobeko ko na bapalusai. 3Otungini bosuma misusu mikolehenibo ko mida mi bino mikuane na bileho bikolehenibo. Endolo pɛ bokwanani mida mi bobo, tengasa ibo tebakokedjake meako mikolehebo. 4Bakabɔngedje migumba mi mandi mɛnɛ tine bolwadjaka bato bakina. Endolo bo bɛnɛ tebabɛndjɛke nongo mandi mamina na mosapi mo bobo tine bosunga bato bamina. 5Misala mikakɔebo misusu, bomikɔkɔ bɛngi bato babaenɛ. Na bea, baabigbɔkɔsɔ bi makomi bidakabo bolwa ta ehole e miongɔnɔ bidaka binɛnɛnɛ bonɔ bato basusu ko milenda mi matoka ma bisendja bi bobo bidaka biyai bonɔ bato basusu. 6Bakapale boda ta polo i gala ta tɛkɛ ko ta polo i boso ta tei i sinagoga; 7bakapale bato babapake ndese ta polo i bhuda ko bababeake “Molehi.” 8Endolo ino, pɛ bopalakani bato bobeakeni “molehi,” tengasa odini no basusu bange i bato ko odini oko na Molehi omɔti. 9Pɛ bobeani moto omɔti “tata” ta ngondo, tengasa odini oko na tata o bino omɔti, yona odi o diko. 10Pɛ bopalani bato bobeeni “mokondji,” tengasa odini oko na mokondji o bino omɔti, Kilito. 11Moto yona onɔi bonɛnɛ ta tei e bino aboani boda mosali o bino. 12Moto okasangɔkɔbi, bamotitedjabi, endolo moto yona okasatitedjakabi, bamoangɔdjɔbi.»
Yesu abali tine pokotoi e balehi ba mobeko ko na bapalusai
(Endja pongono ta Mlk 12, 40; Luk 11, 39-52; 20, 45-47)
13Yesu abalaka naikina: «Ndjokwa tina e bino balehi ba mobeko ko na bapalusai, ndjɔ ba melo mibae! Okadipeni bato ndjea e Bokumu bo diko tine basakakwea; ino bɛnɛ oikweani ko oipani ndjea adi bato badi ibapalaka bokwea.
14Ndjokwa e bino, balehi ba mobeko ko na bapalusai, ndjɔ ba melo mibae! Okaibeni leka lo bali bagwa na bami ko okakɔeni miongɔnɔ miyai miyai tine bokosa bato. Ta tina emina, odiabini etumbo enɔi na bopipo!
15Ndjokwa e bino, balehi ba mobeko ko na bapalusai, ndjɔ ba melo mibae! Okadaleni pamba na pamba i ngondo ko ta duwa inɛnɛnɛ, tine boduedja mokɛndɛli oko omɔti ta edimeli e bobo ko akakwea, okamoimedjeni moto o ipelu mbala ibae bonɔ no bɛnɛ.
16Ndjokwa e bino, badaledji ba bato i bagwa miso! Okabaleni: “Ekadabo moto abhɛli bhɛli na kombe e tepelo, yena editi modjɔ; endolo ekadabo abhɛli bhɛli na kombe e wolo e tepelo, ena atungi bokokedja bhɛli e nde.” 17Bigegele, bato bagwa miso! Eka mɛnɛ enɔi na motuya nde: palanga kaoko tepelo yena ekimedje wolo esɛnodjamake? 18Okabaleni pongono: “Ekadabo moto abhɛli bhɛli na kombe e polo ekatumbebo mbeka, yena editi modjɔ; endolo ekadabo abhɛli bhɛli na ndjea e ikabo dia idi diko i polo ekatumbe bo mbeka, atungi bokokedje bhɛli e nde.” 19Bato bagwa miso! Eka mɛnɛ enɔi na motuya nde: ikabo kaoko polo ekatumbebo mbeka ekaimedje ikabo isɛnodjamake? 20Endolo moto obhɛli bhɛli na kombe e polo ekatumbebo mbeka, akabhɛlɛ ambuku na kombe e polo ekatumbebo mbeka ko na leka losusu lobaki diko i yu. 21Moto yona obhɛli bhɛli na kombe e tepelo, abhɛli ambuku na kombe e tepelo ko na kombe Ndjakomba yona okadae ta tei eyu. 22Moto yona obhɛli bhɛli na kombe e busa, abhɛli ambuku na kombe e ngbɛndɛ e Ndjakomba ko yona okaedae#23, 22 Endja pongono ta Isa 66, 1; Mat 5, 34..
23Ndjokwa e bino, balehi ba Mobeko ko bapalusai, ndjɔ ba melo mibae! Okadimeni boputa ekenge emɔti na domi e matungulu, e bamusikadi ko e leka lokɛkɛkɛ lo so e itindi, endolo okaenɛni ngasa midjɔ i minɔi na motuya ta tei e mobeko elenge: bodjo, molema mo ndjokwa, bosɛnɔ. Edi eka eboani na nu bokɔ, napɛ bobedja lua lodiki. 24Ino badaledji ba miso mago! Okakɔngeni ingenangena idi ta mana ma bino, endolo okameeni kamela mosusu!
25Ndjokwa e bino, balehi ba mobeko ko bapalusai, ndjɔ ba melo mibae! Okasɛnodjeni bopele sokolu i kɔbɔ ko saani, endolo otei i yu ilumi na leka loiba ko na ekpaka. 26Mopalusai miso mago! Banga boso bosɛnodja otei e kɔbɔ ko na saani, na bea sokolu enɛmɛke pongono esɛnɔke.
27Ndjokwa e bino balehi ba mobeko ko bapalusai, ndjɔ ba melo mibae! Odini elenge makila masuowabo pɛmbɛ epu makenɛme bopele sokolu, endolo otei i yu iluma na kuwa i bato bago ko na moda mosusu mo djɛti. 28Ino pongono, sokolu wenɛmɛkɛ bodjo ta miso ma bato, endolo otei e bino odini ndjɔ ba melo mibae ko olumini na bobe.
29Ndjokwa e bino, balehi ba mobeko ko bapalusai, ndjɔ ba melo mibae! Okatongeni makila tine ba mbaeli ba Ndjakomba ko okalɛmoleni makila ma bato ba bodjo, 30ko okabaleni: “Esedabo iso lodaka ta ehole e bakɔkɔ ba biso, loikɔkɔ putoana na bu, tine bosopa makia ma ba mbaeli ba Ndjakomba.” 31Na bea, okapɛni tati ino bɛnɛ boo odini batitani ba bato bia bowaka ba mbaeli ba Ndjakomba. 32Kɔɔni ko sidjani mosala mua mobangaka ba kɔkɔ ba bino bokɔ! 33Ibota i ndjɔ! Walɛdjɛkɛni boo na ndjea yena oboanini botia etumbo e mosa mo ipelu? 34Na tina emina, mbi nabalaka na nu: nolomeakeni ba mbaeli ba Ndjakomba, bato ba badjebi ko na balehi ba mobeko. Owakabini ko obakakabini bamɔti ta ekulusu, obomakabini bakina na mbalake ta basinagoga i bino ko obakimanakabini ta ibonga na ibonga. 35Na bea, bitumbo bisusu bikwakabi ta diko i bino tine makia ma bato ba bodjo mia masopano ta kpɔtɔ: bodonga makia ma Abɛlɛ, moto o bodjo, mbunoko makia ma Djakalia, mwana o Balaki, yona owano ta pakaso e polo esɛnɔke ko polo ekatumbebo mbeka. 36Okobea, nabalaka na nu edi soti: misusu mikwakabi diko i bato ba busa bu!»
Yesu ayei tine Yelusalɛmɛ
(Endja pongono ta Luk 13, 34-35)
37«Yelusalɛmɛ, Yelusalɛmɛ, wɛ yona okowoe ba mbaeli ba Ndjakomba ko okabowoe na mabanga bato ibolomeaka Ndjakomba! Mbala djeka ipalaka mbi boputoanedja bana ba wɛ, moda mokabongoanedje bana ba kɔkɔ ta na se i mangbangu ma yu, endolo oipalakani! 38Na bea, ndako i bino idikabi mipɔtu mɛnɛ. 39Tengasa, nabalaka na nu: donga edɛdi otenɛkenini naikina mbunoko obalebini: “Adjongoame yona odoi na kombe e Kumu#23, 39 Ndj 118, 26.!”»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)