MATAYO 1
1
Bakɔkɔ ba Yesu
(Boindja pongono a Luk 3, 23-38)
1Indja buku e molɔngɔ mo bakɔkɔ ba Yesu Kilito, motitani o Dhapiti, ko na Abalayama.
2Abalayama abota Isaka, Isaka abota Yakobo, Yakobo abota Yudha ko na baana ba nango ba baami; 3Yudha na Tamale babota Palɛsi na Djela, Pɛlɛsi abota Esilɔne, Esilɔne abota Alame; 4Alame abota Aminadabe; Aminadabe abota Nasɔni, Nasɔni abota Salamɔni, 5Salamɔni na Laaba babota Boadji, Boadji na Luta babota Obɛdi, odaaka sange o Yese, 6Obɛdi abota Yese. Yese abota mokondji Dhapiti.
Dhapiti na mwali o Ulia, babota Sɔlɔmɔ. 7Sɔlɔmɔ abota Loboame, Loboame abota Abiya, Abiya abota Asa; 8Asa abota Yodjapate, Yodjapate abota Yolame, Yolame abota Odjiasi; 9Odjiasi abota Yotame, Yotame abota Akadje, Akadje abota Edjekiasi; 10Edjekiasi abota Manase, Manase abota Amɔni, Amɔni abota Yodjiasi; 11Yodjiasi abota Yekonia ko na baana ba nango ta ehole ekweya bo ibuli ta Babilɔne#1, 11 Boindja 2Ba 24, 12-16. .
12Ngɔngɔ dji bokɛɛ ta ibuli ta Babilɔne, Yekonia abota Seatiɛlɛ, Seatiɛlɛ abota Djolobabɛlɛ; 13Djolobabɛlɛ abota Abiude, Abiude abota Eliakime, Eliakime abota Adjɔle; 14Adjɔle abota Sadoke, Sadoke abota Akime, Akime abota Eliude; 15Eliude abota Eleadjale, Eleadjale abota Matani, Matani abota Yakobo; 16Yakobo abota Yosepu, moomi o Malia, ko Malia adaaka nange o Yesu Kilito.
17Enɔɔmɔ mbota doomi na inɛi donga Abalayama mbunoko ta dii Dhapiti, mbota doomi na inɛi donga ta dii Dhapiti mbunoko ta ibuli di Babilɔne ko mbota doomi na inɛi donga ta ibuli di Babilɔne mbunoko ta dii Kilito.
Bobotama bo Yesu Kilito
(Boindja pongono a Luk 2, 1-7)
18Indja mondumba monɔɔmɔ ta bobotama bo Yesu Kilito. Nango Malia, adaaka mosamba mo Yosepu; boso bo boputoana bo bobo alwa deemi na ngulu e Mwembo Mosɛnɔke. 19Mosamba mo nde Yosepu, odaaka moto o bodju ko aipalaka bosambodja Malia ta boso bo bato; iboa atomba meko ebomoyanedja na mbombi. 20Ta ehole elɛnɛkɛ yo modjɔ momina, obwɛndi o Kumu aso amoimania ta tei e ndjɔti ko abala nande bo: «Yosepu motitani o Dhapiti, pɛpɛ bobanga oko botomba Malia mwali o wɛ, modjɔ mo mwana odii ta sɔpɔ dji nde adongi ta dii Mwembo Mosɛnɔke. 21Abotadea mwana moomi, ko omobakeadea kombe e Yesu, modjɔ mo edii yo moto osikoadea bato ta tei e pekato dji bobo.» 22Midjɔ imia misusu mikɔɔmɔ bɛngi bo eka ebala Kumu na ndjea e motɛli ekokedjame:
23«Moseka odii pɛpɛ bodjeba baami alwadea deemi ko abotadea mwana moomi,
ko bamobakeadea kombe e Emanuɛlɛ#1, 23 Isa 7, 14..» Etingodjakadea bo «Ndjakomba engbanga na su».
24Asama sisoa Yosepu, akɔɔ oko ndenge emopa obwɛndi o Kumu mitindo ko atomba mwali o nde Malia. 25Endelo baiputoana na nde mbunoko ta ehole e bota yo mwana moomi; Yosepu amobakea kombe e Yesu.
നിലവിൽ തിരഞ്ഞെടുത്തിരിക്കുന്നു:
MATAYO 1: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
