BIKƆMELI BI BA PƆSOLU 1
1
Ndikano e Mwembo Mosɛnɔke ta dii bapɔsɔlu
1Teopile,
Ta buku e mbi e boso#1, 1 Boindja Luka 1, 1-4; buku e Bikɔmeli edii ekenge ekina e bwendi bopele bo Luka. natubana mɛko misusu mikɔkɔ Yesu ko mileha iyo, bobanga ta mbangi 2mbunoko ta busa ibua boiwea iyo ta busa. Boso aiwee ta busa, apa mitindo mi nde, na ndjea e Mwembo Mosɛnɔke, ta dii ibia bahɔɔ iyo ondingo bapɔsɔlu. 3Na tina emina, ngɔngɔ dji bogwa bo nde, asainedja na bu na bimbete binɛnɛ bobainedja bo adaaka na bomɔ: masu tuku inɛi, abaimanea ko ababalea tina etingi na Bokumu bo Ndjakomba. 4Busa bomɔti boyaka iyo mia na bu, abapa motindo ibo: «Pɛpɛ boimanani ta Yelusalɛmɛ, endelo ambani eka eodikanani na Sesa, ikabo idia diotɔndeakani mbi#1, 4 Ayakaka mia na bu: ta mohombedja mokina adaaka na bu. Ta mobalo imua mo Yesu, boindja Luka 24, 49.. 5Modjɔ mo Yoane abatisa na madiba, endelo ino, ngɔngɔ dji masu makɛkɛ, odadeani babatisamake na Mwembo Mosɛnɔke#1, 5 Yoane, epalakadea bobala Yoane Mobatisi. Boindja Mat 3, 11; Malako 11:8; Luka 3, 16; Yoane 1, 33..»
Yesu aiwei ta busa
6Iboa ibia baputoanaka mbuti na Yesu bamowadja bo: «Kumu, ta ehole iye osɔmbedjadea bokondji bo Isalɛlɛ#1, 6 Boɛngɛ Ams 9, 11-12; Luka 19; 11.?»
7Yesu abasombedja bo: «Ta modjɔ moindji ehole kaoko busa eindjitini ino, modjɔ mo Sesa aebɔngedja na ndenge ekapale iyo mɛnɛ#1, 7 Boɛngɛ Malako 13, 32.. 8Ekahia obolodjadeani ngulu emɔti, ehole etitadea Mwembo Mosɛnɔke ta dii ino. Iboa odaadeani ba temo ba mbi ta Yelusalɛmɛ, ta Yudhea itombo ko na Samalia, ko mbunoko ta suka e ngondo#1, 8 Boɛngɛ ta Mat 28, 19; Malako 16, 15; Luka 24, 47-48..» 9Ngɔngɔ dji mɛko imia, Yesu aiwea ta busa ta ehole emina ibo basusu bamoindjaka ko itute dimɔti dimodipa ta miso ma bobo#1, 9 Boɛngɛ ta Malako 16, 19; Luka 24, 50-51.. 10Iyana adaaka oko bakokoledja ta busa ta polo eiweaka Yesu, na mbala emɔti baami babae balwali bisendja bipu#1, 10 Boɛngɛ Luka 24, 4. baema mbuti na bu 11ko babala na bu bo: «Baami ba Galileya, odikini iyana ko oindjakadeani o diko tina nda? Yesu iyona, osaiwea ta busa, asɔmbɔbi oko mondumba momɔti mosa moɛnɛ ino akɛkɛdea akɛe.»
Moto osulungana Yudhasi
12Iboa batingami basɔmbɔ ta Yelusalɛmɛ ta ngomba e mele mi Olive. Ngomba emina edii mbuti na ngando enɛnɛ, bokimana ekenge e ngonga ta bodala#1, 12 Boindja ta Malako 11, 1 ko na nase.. 13Ehole eimea bo ta Yelusalɛmɛ, baiwea ta ekenge e ndako iyena edaka ibo mandɛli mandɛli ta ekpalaka o diko. Edaka Petelo#1, 13 Petelo… Djake: boɛngɛ Mat 10, 2-4; Malako 3, 16-19; Luka 6, 14-16., Yoane, Djake na Andele, Pilipo na Tomasi, Batelemi na Matayo, Djake mwana o Alipe, Simona Djeloti#1, 13 Boindja ta Mat 10, 4 ko na nase; Mal 3.18; Luk 6, 15. ko Yudhasi mwana moomi o Djake. 14Ibo basusu baputoanaka engi ndelo bɛngi baangɔne, na bali, na Malia nange Yesu, ko na baangi Yesu ba baami.
15Busa bomɔti bo masu mamina imia, motswiya mo badhimi baputoana mokimanaka mokama na tuku djibae. Petelo aema ta ndanda e bobo ko abala na bu bo: 16«Baangi mbi, eka ebala Mwembo Mosɛnɔke ta Makomi etungi ekokedjame: abala na ndjea e Dhapiti, ko ta tina e Yudhasi#1, 16 Boɛngɛ ta Ndjem 41, 10., iyona oimei modaledji o bato ibia bapea Yesu. 17Yudhasi adaaka omɔti ta tei e biso ko abolodja mo nde mosala ta elomu e biso. 18Na palanga dji moputea bo ta bobe bonɛnɛ bo nde, asasombea gbie emɔti; ko akwa boso na molo, ko mokuku mo nde mobatoa ndanda ko misɔpɔ mi nde milusoa. 19Bato basusu ba Yelusalɛmɛ baoka modjɔ momina, na tina emina babea gbie emina na monɔkɔ mo bobo mo ngando, “Hakelɛdama”, etingodji bo “gbie e makiya#1, 19 Ta molɔngɔ mo 18-19, boindja Mat 27, 3-8.”. 20Enakoboa, indja eka edii ekomamake ta buku e Ndjembo:
“Kina bo ndako ende edike ngasa,
ko pɛpɛ nongo omɔti adae pɛpɛ bodaa iyana.”
Ko ekomama naikina bo:
“Kina bo okina moto atombe mosala mo nde#1, 20 Ndjem 69, 26; 109, 8..”
21-22Na tina emina etungi na moto omɔti bodoa aputoana na su bɛngi abale tati e bosisoa ta bogwa bo Kumu Yesu. Moto omina atungi adae ta tei e ibia badalaka na su ndelo esusu edalaka iso na Kumu Yesu ta bikomi, donga ehole emobatisa Yoane mbunoko busa ibua boiwea iyo bɛngi akɛe ta busa#1, 21-22 Esika e mobatisa Yoane: ta mohombe mokina esika ebatisaka Yoane. Boindja ta Mat 3:16; Malako 1, 9; Luka 3, 21. Bɛngi akɛe ta busa: boindja 1, 9 ko na nase..»
23Iboa bahɔɔ bato babae: Yosepu, abeamaka Balasabasi, adjebanaka pongono Yusitusi, ko na Matsiasi 24Ngɔngɔ djimina ibo basusu baso baangɔnɔ bo: «Kumu, wɛ moto okadjebe milema mi bato basusu, loinedja moto ohɔi wɛ ta tei e bato ibibi babae 25tina e botomba mosala mo mopɔsɔlu, ta polo e Yudhasi mokini iyo tina e bokɛ ta dɔɔngɔ dihɔkɔbi iyo.» 26Iboa baboma djeke ko djonga ekwa ta dii Matsiasi, iyona oisama ta liputo di bapɔsɔlu doomi na omɔti.
നിലവിൽ തിരഞ്ഞെടുത്തിരിക്കുന്നു:
BIKƆMELI BI BA PƆSOLU 1: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
