Makko 10
10
Jesu Uyiisya Atala Makani Akulekana
(Mateyu 19:1-12; Lukku 16:18)
1Jesu wakazwa kubusena oobo mpawo waya kuchilikiti chitegwa Judiya wakazubukila mutala amulonga utegwa Jorodani. Aboobo nkamu yabantu yakaza kulinguwe, wakabayiisya mbuli mbaakali kuchita lubbe.
2Bamwi baFarisi bakaza kukumusunka akubuzya mibuzyo kabati, “Chili mumulawu na kuti mwaalumi aleke mwanakazi wakwe?”
3Wakabavwiila wati, “Ani Mozesi wakamulayilila nzi?”
4Bakati “Mozesi wakali kuzumizya kuti mwaalumi alembe lugwalo lwakumuleka mpawo amwaande.”
5Jesu wakavwiila wati, “Nkaambo kakuyuma kwamyoyo yanu Mozesi nchakamulembela mulawu ooyu. 6Pesi kumatalikilo akulenga Leza wakabachita mwaalumi amwanakazi.’#10:6 Matalikilo 1:27 7‘Nkaambo kaako mwaalumi uyoosiya wisi abayina akakakatile kumwanakazi wakwe, 8aaba babili bayooba mubili uumwi.’ Tabachili babili, pesi mubili uumwi.#10:8 Matalikilo2:24 9Nkikaako eezyo Leza nzyakamantaniya aamwi, taakwe muntu weelede kubapambula pe.”
10Nibakali muŋanda lubo, basikwiiya bakabuzya Jesu atala amakani akulekana. 11Wakabawviila wati, “Kufumbwa muntu uuleka mwanakazi wakwe akukwaata uumbi unooli wachitila mwanakazi wakwe bwaamu. 12Alubo naa mwanakazi walekana amulumi wakwe waakukwatwa awumbi mwaalumi, unooli wachita bwaamu.”
Jesu Ulongezya Bana Baniini
(Mateyu 19:13-15; Lukku 18:15-17)
13Bantu bakali kweeta bana baniini kuli Jesu kuti abaampe akubalongezya, pesi basikwiiya bakwe bakabakalalila. 14Jesu naakabona kabaliikubakalalila bana, wakanyema. Wakati kulimbabo, “Amubaleke bana baniini baze kulindime, alimwi mutabakasyi, nkaambo bwami bwaLeza mbubwabo bali oobu. 15Ndimwaambila kasimpe, ooyo utatambuli bwami bwaLeza mbuli mwana muniini takoyoobunjila pe.” 16Eelyo wakabweza bana baniini wakababukatila mumaboko akwe, wakabaampa wabalongezya.
Mwaalumi Muvubi
(Mateyu 19:16-30; Lukku 18:18-30)
17Jesu naakatalika lweendo lwakwe, mwaalumi wakamuchijanina wafugama kunembo lyakwe, mpawo wakabuzya wati, “Muyiisyi Mubotu, ndichite biyeni kuti ndikajane buumi butamani?”
18Jesu wakamuvwiila wati, “Nkaamboonzi nundiita kuti mubotu? Taakwe nikuba uumwi mubotu kunze kwaLeza aliikke. 19Uliizi milawu mbiiyamba, ‘Utajayi, utachiti bwaamu, utaabbi, utapi bumboni bwakubeja, utajani lubono anzila yalweeno, lemeka wuso abanyoko.’ ” #10:19 Kulonga 20:12; Detoronomi 5:16-20
20Wakamuvwiila wati, “Muyiisyi, yoonse eeyi milawu ndalikwiibamba kuzwa kubukubusi bwangu.”
21Jesu wakamulanga alimwi wakamuyanda, wati, “Nchintu chimwi nchubula, kuya, ukawuzye lubono loonse ndulaalo, mali ukape bachete, mpawo uyoolujana lubono kujulu. Mpawo uze unditobele.” 22Kumajwi aaya mwaalumi ooyu wakawusa. Eelyo wakeenda chakuusa, nkaambo wakali abuvubi bwiingi.
23Jesu naakalangalanga wakati kuli basikwiiya bakwe, “Nchiyumu biyeni kuti muvubi akanjile bwami bwaLeza!”
24Basikwiiya bakwe bakagamba kumajwi aakwe, pesi Jesu wakayindulula wati, “Nibana, nchiyumu biyeni kunjila mubwaami bwaLeza! 25Nchuuba kuti nkamela yiinde mupuli yaneleti kwiinda kuti mwaalumi muvubi anjile mubwaami bwaLeza.”
26Basikwiiya bakayindilila kugamba amajwi aakwe, bakati kuli uumwi awumwi, “Lino ngwani ukonzya kufutulwa?”
27Jesu naakabalanga wakati kulimbabo, “Kumuntu eechi tazikonzeki, pesi peepe aLeza; zintu zyoonse zilakonzeka aLeza!”
28Pita wakati kulinguwe, “Twakasiya zintu zyoonse kuti tukutobele!”
29Jesu wakamuvwiila wati, “Ndilikukwaambila kasimpe, tawo pe wakasiya muunzi nikuba bakulana wakwe nikuba banikwe bakwe, nikuba bachizi wakwe nibaba banyina nikuba wisi nibaba bana nikuba myuunda nkaambo kangu ankaambo kamakani mabotu, 30uyookachilwa kutambula muli cheechino chiindi (maanda, bakulana nikuba banike bakwe, bachizi, manyina, bana, amyuunda) zipetedwe mwaanda, antoomwe akupenzegwa. Amuchiindi chitobela bayojana buumi butamani. 31Pesi bataanzi bayiingi bayooba bakumamanino, bakumamanino bayooba bataanzi."
Jesu Waamba Lwachitatu Atala Alufu Lwakwe
(Mateyu 20:17-19; Lukku 18:31-34)
32Jesu abasikwiiya bakwe bakali munzila kabatansya kuya kuJerusalemu, alimwi Jesu kalikuzulwida. Eezi zyakabagambya basikwiiya, abaabo bakali kutobela bakayoowa. Alimwi wakabweza balikkumi ababili wabayitila kumbali, wakatalika kupandulula atala aziyoochitika kulinguwe. 33Wakati, “Amulange tuyoobuya kuJerusalemu, awalo Mwana waMuntu uyoowabwa kubapayizi bapati abayiisyi bamulawu. Bayoomupa chisubulo chalufu, bayoomwaaba mumaanza abatamuzi pe Leza, 34aabo bayoomuniyaka akumuswida mate, bayomuuma akumujeya. Mubuzuba bwachitatu uyoobuka.”
Chikumbizyo ChaJakkobbu aJoni
(Mateyu 20:20-28)
35Eelyo Jakkobbu aJoni, bana baZebbedii, bakaza kuli Jesu bati, “Muyiisyi, tukumbila kuti utuchitile kufumbwa nzitutakumbile.”
36Jesu wakabavwiila wati, “Niinzi nchimuyanda kuti ndimuchitile?”
37Bakati, “Tukumbila kuti iswe mubulemu bwako, utuzumizye kuti umwi akakkale kululyo lwako umwi kulumwesi.”
38Jesu wakati,“Tamuzizi pe nzimuliikukumbila. Muyeeya kuti nga mulanywa muchinywido chimwi na andime, nikuba kubbapatizigwa alubbapatizyo ndundiya kukubbapatizigwa aalo?”
39Bakamuvwiila bati, “Tulakonzya.”
Jesu wakati kulimbabo, “Muyoonywa muchinywido chimwi andime nikuba kubbapatizigwa alubbapatizyo ndundeelede kubbapatizigwa aalo. 40Pesi kuti umwi akakkale kululyo umwi kulumwesi teezyangu pe kuti ndimupe. Aaya masena ngaabaabo Leza mbakasala kale, abambilidwe mbabo.”
41Aawo basikwiya bamwi balikkumi nibakamvwa atala ayaaya makani, bakanyemena Jakkobbu aJoni. 42Jesu wakabayita wakababunganiya aamwi kulinguwe wasikuti, “Mulizi kuti aabo bategwa mbazulwidi babatamuzi pe Leza beendelezya bantu changuzu, abapati bachisi babelesya nguzu nzibapedwe atala lyabantu. 43Pesi takuliboobo kulindinywe. Kufumbwa, uyanda kuba mupati akati kanu weelede atalike aabe mulanda wanu, 44ayooyo uyanda kuba mutaanzi, weelede aabe muzike kuli boonse. 45Nkaambo nikuba Mwana waMuntu taakwe naakaza kuti azokutawukilwe, pesi wakaza kuzokutawukila, akuti ape buumi bwakwe mbuli chinunuzyo chabiingi.”
Jesu Mbwaponiya Bbatimayasi Moofu
(Mateyu 20:29-34; Lukku 18:35-43)
46Jesu abasikwiiya bakwe ankamu mpati nibakasika kubusena butegwa Jerikko, nibakali kuzwa muchisi, umwi mwaalumi moofu, uutegwa Bbatimayasi chaamba kuti, mwana waTimayasi, wakali kkede kumbali anzila kaliikukumbila bayinda. 47Bbatimiyasi naakamvwa kuti nguJesu waNazareti wakali kuyabwiinda, wakatalika koompolola kati, “Jesu, Mwana waDevidi, kondifwida luse!”
48Mpawo bantu bayingi bakamukalalila kabati awumune, pesi wakiinkila anembo akoompololisya kati, “Mwana waDevidi kondifwida luse!”
49Jesu wakayimikila mpawo wati, “Ngamumwiite kuti aze okuno.”
Aboobo bakamwiita mwaalumi moofu bati, “Sangalilwa, nyampuka, ulookukwiita.”
50Aboobo wakawaalila aansi nsasiko yakwe, wakasotoka wikiimila amawulu aakwe mpawo wakaza kuli Jesu nkwaakabede.
51Jesu wakabuzya wati, “Uyanda kuti ndikuchitileenzi?”
Mwaalumi moofu wakati, “Muyiisi, ndiyanda kuti ndibone.”
52Jesu wakati, “Kuya, lusyomo lwako lwakuponiya.”
Alimwi mpawawo wakabona, mpawo watobela Jesu nkwakalikuya.
നിലവിൽ തിരഞ്ഞെടുത്തിരിക്കുന്നു:
Makko 10: TTP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International
Makko 10
10
Jesu Uyiisya Atala Makani Akulekana
(Mateyu 19:1-12; Lukku 16:18)
1Jesu wakazwa kubusena oobo mpawo waya kuchilikiti chitegwa Judiya wakazubukila mutala amulonga utegwa Jorodani. Aboobo nkamu yabantu yakaza kulinguwe, wakabayiisya mbuli mbaakali kuchita lubbe.
2Bamwi baFarisi bakaza kukumusunka akubuzya mibuzyo kabati, “Chili mumulawu na kuti mwaalumi aleke mwanakazi wakwe?”
3Wakabavwiila wati, “Ani Mozesi wakamulayilila nzi?”
4Bakati “Mozesi wakali kuzumizya kuti mwaalumi alembe lugwalo lwakumuleka mpawo amwaande.”
5Jesu wakavwiila wati, “Nkaambo kakuyuma kwamyoyo yanu Mozesi nchakamulembela mulawu ooyu. 6Pesi kumatalikilo akulenga Leza wakabachita mwaalumi amwanakazi.’#10:6 Matalikilo 1:27 7‘Nkaambo kaako mwaalumi uyoosiya wisi abayina akakakatile kumwanakazi wakwe, 8aaba babili bayooba mubili uumwi.’ Tabachili babili, pesi mubili uumwi.#10:8 Matalikilo2:24 9Nkikaako eezyo Leza nzyakamantaniya aamwi, taakwe muntu weelede kubapambula pe.”
10Nibakali muŋanda lubo, basikwiiya bakabuzya Jesu atala amakani akulekana. 11Wakabawviila wati, “Kufumbwa muntu uuleka mwanakazi wakwe akukwaata uumbi unooli wachitila mwanakazi wakwe bwaamu. 12Alubo naa mwanakazi walekana amulumi wakwe waakukwatwa awumbi mwaalumi, unooli wachita bwaamu.”
Jesu Ulongezya Bana Baniini
(Mateyu 19:13-15; Lukku 18:15-17)
13Bantu bakali kweeta bana baniini kuli Jesu kuti abaampe akubalongezya, pesi basikwiiya bakwe bakabakalalila. 14Jesu naakabona kabaliikubakalalila bana, wakanyema. Wakati kulimbabo, “Amubaleke bana baniini baze kulindime, alimwi mutabakasyi, nkaambo bwami bwaLeza mbubwabo bali oobu. 15Ndimwaambila kasimpe, ooyo utatambuli bwami bwaLeza mbuli mwana muniini takoyoobunjila pe.” 16Eelyo wakabweza bana baniini wakababukatila mumaboko akwe, wakabaampa wabalongezya.
Mwaalumi Muvubi
(Mateyu 19:16-30; Lukku 18:18-30)
17Jesu naakatalika lweendo lwakwe, mwaalumi wakamuchijanina wafugama kunembo lyakwe, mpawo wakabuzya wati, “Muyiisyi Mubotu, ndichite biyeni kuti ndikajane buumi butamani?”
18Jesu wakamuvwiila wati, “Nkaamboonzi nundiita kuti mubotu? Taakwe nikuba uumwi mubotu kunze kwaLeza aliikke. 19Uliizi milawu mbiiyamba, ‘Utajayi, utachiti bwaamu, utaabbi, utapi bumboni bwakubeja, utajani lubono anzila yalweeno, lemeka wuso abanyoko.’ ” #10:19 Kulonga 20:12; Detoronomi 5:16-20
20Wakamuvwiila wati, “Muyiisyi, yoonse eeyi milawu ndalikwiibamba kuzwa kubukubusi bwangu.”
21Jesu wakamulanga alimwi wakamuyanda, wati, “Nchintu chimwi nchubula, kuya, ukawuzye lubono loonse ndulaalo, mali ukape bachete, mpawo uyoolujana lubono kujulu. Mpawo uze unditobele.” 22Kumajwi aaya mwaalumi ooyu wakawusa. Eelyo wakeenda chakuusa, nkaambo wakali abuvubi bwiingi.
23Jesu naakalangalanga wakati kuli basikwiiya bakwe, “Nchiyumu biyeni kuti muvubi akanjile bwami bwaLeza!”
24Basikwiiya bakwe bakagamba kumajwi aakwe, pesi Jesu wakayindulula wati, “Nibana, nchiyumu biyeni kunjila mubwaami bwaLeza! 25Nchuuba kuti nkamela yiinde mupuli yaneleti kwiinda kuti mwaalumi muvubi anjile mubwaami bwaLeza.”
26Basikwiiya bakayindilila kugamba amajwi aakwe, bakati kuli uumwi awumwi, “Lino ngwani ukonzya kufutulwa?”
27Jesu naakabalanga wakati kulimbabo, “Kumuntu eechi tazikonzeki, pesi peepe aLeza; zintu zyoonse zilakonzeka aLeza!”
28Pita wakati kulinguwe, “Twakasiya zintu zyoonse kuti tukutobele!”
29Jesu wakamuvwiila wati, “Ndilikukwaambila kasimpe, tawo pe wakasiya muunzi nikuba bakulana wakwe nikuba banikwe bakwe, nikuba bachizi wakwe nibaba banyina nikuba wisi nibaba bana nikuba myuunda nkaambo kangu ankaambo kamakani mabotu, 30uyookachilwa kutambula muli cheechino chiindi (maanda, bakulana nikuba banike bakwe, bachizi, manyina, bana, amyuunda) zipetedwe mwaanda, antoomwe akupenzegwa. Amuchiindi chitobela bayojana buumi butamani. 31Pesi bataanzi bayiingi bayooba bakumamanino, bakumamanino bayooba bataanzi."
Jesu Waamba Lwachitatu Atala Alufu Lwakwe
(Mateyu 20:17-19; Lukku 18:31-34)
32Jesu abasikwiiya bakwe bakali munzila kabatansya kuya kuJerusalemu, alimwi Jesu kalikuzulwida. Eezi zyakabagambya basikwiiya, abaabo bakali kutobela bakayoowa. Alimwi wakabweza balikkumi ababili wabayitila kumbali, wakatalika kupandulula atala aziyoochitika kulinguwe. 33Wakati, “Amulange tuyoobuya kuJerusalemu, awalo Mwana waMuntu uyoowabwa kubapayizi bapati abayiisyi bamulawu. Bayoomupa chisubulo chalufu, bayoomwaaba mumaanza abatamuzi pe Leza, 34aabo bayoomuniyaka akumuswida mate, bayomuuma akumujeya. Mubuzuba bwachitatu uyoobuka.”
Chikumbizyo ChaJakkobbu aJoni
(Mateyu 20:20-28)
35Eelyo Jakkobbu aJoni, bana baZebbedii, bakaza kuli Jesu bati, “Muyiisyi, tukumbila kuti utuchitile kufumbwa nzitutakumbile.”
36Jesu wakabavwiila wati, “Niinzi nchimuyanda kuti ndimuchitile?”
37Bakati, “Tukumbila kuti iswe mubulemu bwako, utuzumizye kuti umwi akakkale kululyo lwako umwi kulumwesi.”
38Jesu wakati,“Tamuzizi pe nzimuliikukumbila. Muyeeya kuti nga mulanywa muchinywido chimwi na andime, nikuba kubbapatizigwa alubbapatizyo ndundiya kukubbapatizigwa aalo?”
39Bakamuvwiila bati, “Tulakonzya.”
Jesu wakati kulimbabo, “Muyoonywa muchinywido chimwi andime nikuba kubbapatizigwa alubbapatizyo ndundeelede kubbapatizigwa aalo. 40Pesi kuti umwi akakkale kululyo umwi kulumwesi teezyangu pe kuti ndimupe. Aaya masena ngaabaabo Leza mbakasala kale, abambilidwe mbabo.”
41Aawo basikwiya bamwi balikkumi nibakamvwa atala ayaaya makani, bakanyemena Jakkobbu aJoni. 42Jesu wakabayita wakababunganiya aamwi kulinguwe wasikuti, “Mulizi kuti aabo bategwa mbazulwidi babatamuzi pe Leza beendelezya bantu changuzu, abapati bachisi babelesya nguzu nzibapedwe atala lyabantu. 43Pesi takuliboobo kulindinywe. Kufumbwa, uyanda kuba mupati akati kanu weelede atalike aabe mulanda wanu, 44ayooyo uyanda kuba mutaanzi, weelede aabe muzike kuli boonse. 45Nkaambo nikuba Mwana waMuntu taakwe naakaza kuti azokutawukilwe, pesi wakaza kuzokutawukila, akuti ape buumi bwakwe mbuli chinunuzyo chabiingi.”
Jesu Mbwaponiya Bbatimayasi Moofu
(Mateyu 20:29-34; Lukku 18:35-43)
46Jesu abasikwiiya bakwe ankamu mpati nibakasika kubusena butegwa Jerikko, nibakali kuzwa muchisi, umwi mwaalumi moofu, uutegwa Bbatimayasi chaamba kuti, mwana waTimayasi, wakali kkede kumbali anzila kaliikukumbila bayinda. 47Bbatimiyasi naakamvwa kuti nguJesu waNazareti wakali kuyabwiinda, wakatalika koompolola kati, “Jesu, Mwana waDevidi, kondifwida luse!”
48Mpawo bantu bayingi bakamukalalila kabati awumune, pesi wakiinkila anembo akoompololisya kati, “Mwana waDevidi kondifwida luse!”
49Jesu wakayimikila mpawo wati, “Ngamumwiite kuti aze okuno.”
Aboobo bakamwiita mwaalumi moofu bati, “Sangalilwa, nyampuka, ulookukwiita.”
50Aboobo wakawaalila aansi nsasiko yakwe, wakasotoka wikiimila amawulu aakwe mpawo wakaza kuli Jesu nkwaakabede.
51Jesu wakabuzya wati, “Uyanda kuti ndikuchitileenzi?”
Mwaalumi moofu wakati, “Muyiisi, ndiyanda kuti ndibone.”
52Jesu wakati, “Kuya, lusyomo lwako lwakuponiya.”
Alimwi mpawawo wakabona, mpawo watobela Jesu nkwakalikuya.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International