जोहा 19
19
पिला़त दो जिसु कुरुसे ला़गित्ए हुकुमेत्
(माथ 27:15-31; मा़र 15:6-20; लु 23:13-25)
1खान पिला़त दो जिसु साप् ओचोकातेये कोडरा ओचोकेदेया। 2आर पालटोनको दो जा़नुम रेयाक् मुकुट गालाङकाते बोहोक्रेको होरोक् आदेया, आर मित्टेन कुरसे बाहा रोङ आङगरोपको होरोक् आदेया 3आर उनि ठेन सेन सोरकातेको मेनकेदा, जोहार, जिहुदिकोरेन राजा, आरको थापा बाड़ाकेदेया। 4पिला़त दो आरहों बाहरेते ओडोक हेच्कातेये मेतात्कोवा, ञेलपे आपे ठेन बाहरेतेञ ओडोक आ़गुयेदेकाना, जेमोनपे बाडाय उनिरे चेत् दोस हों बा़ञ ञामेदा मेनते। 5आदो जिसु जा़नुम रेयाक् मुकुट आर कुरसे बाहा रोङ किचरिच् होरोक्आकात् बाहरेतेये ओडोक हेच्एना। आर पिला़ते मेतात्कोवा, ञेलेपे होड़तेत्। 6आदो माराङ नायकेको आर पाहरादारको दो उनिको ञेलकेदे खानको होहोकेदा, कुरुसकायमे, कुरुसकायमे, पिला़ते मेतात्कोवा आपे बाड़े इदियेपे, आर कुरुसकायपे, एनते इञ दो उनिरे दोस बा़ञ ञामेदा। 7जिहुदिकोको रोड़ रुवा़ड़ादेया, आले दो मित्टेन आ़न मेनाक्तालेया, आर ओना आ़न लेकाते गोच् ओचोक् लेक कानाय, एनते इसोररेन होपोन आच्तेये बेनाव आकाना। 8आदो पिला़त नोवा काथाय आँजोमकेत् खान आरतेत्गेये बोतोरेना, 9आर दोङगोलते बोलो रुवा़ड़काते जिसुइ मेतादेया, ओकारेन कानाम? मेनखान जिसु दो बाय रोड़ रुवा़ड़ादेया। 10पिला़ते मेतादेया, इञ तुलुच् बाम रोड़ा? बाम बाडाया आड़ाक्मे रेयाक् एकतिया़रि मेनाक्तिञा आर कुरुसमे रेयाक् हों एकतिया़रि मेनाक्तिञा? 11जिसुइ रोड़ रुवा़ड़ादेया, “इञ चेतानरे चेत् एकतिया़रि हों ओहो ताहेंलेनतामा चोट खोन बाङ एमलेम खान, ओना इया़ते आम ठेन सोपरोताकादिञिच् दो बा़ड़ति का़इ मेनाक्ताया।”
12नोवा इया़ते पिला़त दो आड़ागे ला़गित्ए टेसटायेत्कान ताहेंकाना, मेनखान जिहुदिको दो होहोवातेको मेनकेदा, “नुयेम आड़ाक्ले खान का़इसा़ररेन गाते दोम बाङ काना, आकोते राजा मेनोगोक्को दो जोतोगे का़इसा़र बिरुदरेन कानाको।” 13आदो पिला़त नोवाको काथाय आँजोमकेत् खान जिसु दो बाहरेतेये ओडोक आ़गुकेदेया, आर बिक्चा़र दुड़ुप्आक्रेये दुड़ुप् एना मित्टेन ठा़ँइरे ओकाटाक् बा़इसा़वाक् धिरिको मेनाक् (इबरिते दो, गाब्बाथा)। 14आर सेन पारोम पोरोब रेयाक् सापड़ावक् दिन ताहेंकाना, तिकिन आमदाज ताहेंकाना, आर जिहुदिकोय मेतात्कोवा, “ञेलेपे आपेरेन राजा।” 15आदो रा़गा़उ मेनतेको होहोकेदा, “इदियेम, इदियेम, कुरुसकायमे।” पिला़ते मेतात्कोवा, “आपेरेन राज इञ कुरुसकाया?” माराङ नायकेकोको रोड़ रुवा़ड़केदा, “चेले राजा हों बा़नुक्कोतालेया का़इसा़र छाडा।” 16आदो कुरुस ओचोक् ला़गित् ओनको ठेने सोपरोतकादेया।
जिसुइ कुरुसेन
(माथ 27:32-44; मा़र 15:21-32; लु 23:26-43)
आदो जिसुको इदिकेदेया, 17आर आच् ला़गित् कुरुस गोक्कातेये ओडोक चालावेना खा़परिको मेताक् जायगाते, (ओकाटाक् दो इबरिते गोलगोथाको मेताक्),
18आर ओंडेको कुरुसकेदेया, आर उनि तुलुच् आर बार होड़ देनेबानार सेच्रे आर जिसु दो तालारे। 19पिला़त दो मित्टेच् ओलाक् ओलकाते कुरुस चेतानरेये बा़इसा़उ ओचोकेदा, ओलाक् दो नोवा ताहेंकाना, “नासारेतरेन जिसु जिहुदिको रेन राजा।” 20नोवा ओलाक् दो जिहुदिको मोद रेन ढेर होड़को पाड़हावकेदा, एनते जिसुइ कुरुस ओचोयेन ठा़ँइ दो नागराहा सोररेगे ताहेंकाना, आर ओना दो इबरि, रोमि आर जुना़नि पा़रसिते ओल आकान ताहेंकाना। 21आदो जिहुदिको रेन माराङ नायकेको दो पिला़तको मेतादेया, “आलोम ओला जिहुदिको रेन राजा दो, बिचकोम नोवागे ओलमे, उनिये मेनकेदा, जिहुदिको रेन राज कानाञ।” 22पिला़ते रोड़ रुवा़ड़केदा, “ओल आकात्आक् दोञ ओल आकादा।” 23आदो पालटोनको जिसुको कुरुसकेदे खान, उनियाक् किचरिच्को हातावकेदा, आरको पोन हा़टिञकेदा, मिमित् पालटोन ला़गित् मित् हा़टिञ, आर आङगरोप हों। मेनखान आङगरोप दो बिन रोक्आक्, चेतान खोन गोटा तेञाक्गे ताहेंकाना। 24ओनातेको मेपेनेना, “नोवा दो आलोबोन ओड़ेजमा, बिचकोम ओना रेयाक् दोबोन गुलिबाँटमा ओकोयाक् होयोक्आ,” जेमोन सोसतोर रेयाक् काथा पुरा़उक्, एनकाथाय, “इञाक् किचरिच्को हा़टिञाना आर इञाक् आङगरोप ला़गित् दोको गुलिबाँटकेदा।” आदो पालटोनको दोको ओनकाकेदा। 25आर जिसुवाक् कुरुस ठेन उनिरेन एङगात आर एङगाततेत्रेन बोयहा कुड़ि, कलोपास रिनिच् मा़रिया़म आर मागदालिनि मा़रिया़मको तेङगोवाकान ताहेंकाना। 26आदो जिसु आच् एङगात आरे दुला़ड़ेदिकान ताहेंकान चेला सोररे तेङगोवाकान ञेलकाते एङगाततेत्ए मेतादेया, “ए गो ञेलमे, नुक्उँयताम होपोनमे।” 27इना़काते उनि चेलाय मेतादेया, “ञेलमे नुक्उँयताम एङगाम।” आर इना़ घा़ड़िच् खोनगे उनि चेला दो ओड़ाक्तेये इदिकेदेया।
जिसुइ गोच्एन
(माथ 27:45-56; मा़र 14:33-41; लु 22:44-49)
28नोवा तायोमते जिसु दो सानामाक् पुरा़उआकाने बाडायकेत्ते, सोसतोर पुरा़उक्आ मेनतेये मेनकेदा, तेताङेदिञा। 29ओंडे दो सिरका़ते पेरेच् मित्टेन भाजान दोड़ोम आकान ताहेंकाना, आदो सिरका़ते लोहोत् इसपोंज हुसोप ढा़ँटकिच्रे गुतुकाते मोचा ठेनको तोमबोङादेया। 30आदो जिसु सिरका़इ ञुकेत् खाने मेनकेदा, “पुरा़वेना” आर बोहोक्ए कुडबुरकेत्ते जिविये जिमा़केत्ताया।
जिसु कोखारेको सोबोक्केदे
31खानगे जिहुदिको दो सापड़ावक् दिन ताहेंकानते,जिरा़उक् माँहाँरे मा़ँड़िं दो कुरुसरे आलो ताहेना मेनते एनते ओना जिरा़उक् माँहाँ दो माराङगे ताहेंकाना पिला़तको नेहोंरादेया जेमोन ओनकोवाक् जाङगाको रा़पुदताको आरको इदिको। 32आदो पालटोनको हेच्काते जिसु साँवतेये कुरुस आकान पा़हिलिच् रेयाक् जाङगाको रा़पुत्केत्ताया आर उनि तुलुच् कुरुस सेलेत्लेदे दोसारिच् रेयाक् होंको रा़पुत्केदा, 33मेनखान जिसु ठेनको हेच्एन खान गोच् हाताड़आकानको ञेलकेदेते उनियाक् जाङगा दो बाको रा़पुत्लेदा, 34मेनखान पालटोनको मोदरेन मित् होड़ दो बोरलोमते कोखारेये सोबोक्केदेया आर माँयाँम आर दाक् ओडोकगोत्एना। 35आर ञेलआकात्इच्गे गोहाय एमआकादा, आर उनियाक् गोहा दो सा़रिगेया, आर उनिये बाडाया सा़रिगेये रोड़ेदा मेनते जेमोन आपे होंपे पा़तिया़उक्। 36एनते नोवाको दो होयेना जेमोन सोसतोर पुरा़उक् बाङमा, उनियाक् मित्टेन जाङ हों बाङ रा़पुत् गेजेरोक्आ,#सेरेञको 34:20 37आर आरहों एटाक् सोसतोरे मेनेदा, सोबोक्ताप्लेदेयिच्को बेङगेत्आया।#सेकारिया़ 12:10
जिसुको तोपाकेदे
(माथ 27:57-61; मा़र 15:42-47; लु 23:50-56)
38आर नोवाको तायोम आ़रिमा़थिया़रेन जोसेफ ओने उनि जिसुरेन मित्टेन चेलाए ताहेंकान, मेनखान ओकोते जिहुदिकोरेन एकतिया़रियानको बोतोरते जिसुवाक् मा़ँड़िं इदिया मेनते पिला़ते नेहोंरादेया आर पिला़त दोए आड़ाक्आदेया। खानगे हेच्काते उनियाक् मा़ँड़िंये इदिकेदा। 39आर निकोदेमुस होंए हेच्एना। ओने उनि पा़हिल धाव ञिंदा़ उनि ठेने हेच्लेन पेगेल पे किला़ गान मेसावाक् मुर आर ओगुरुवानते।#जोहान 3:1-2 40आदो जिसुवाक् मा़ँड़िं हातावकाते ओनाको मोंहोंक सुनुम सालाक् चिरा़आकात् मुसना़ किचरिच्कोतेकिन बेदहावकेदेया, जिहुदिकोवाक् तोपा चा़लि लेका। 41ओनेको कुरुसलेदे ठेन मित्गोटेन बागवान ताहेंकाना आर बागवानरे दो मित्टेन नावाँ खोलाव कोबोर ताहेंकाना। ओने ओनारे तिस हों ओकोय हों बाको बायआकात्को ताहेंकान। 42ओंडेगे ओना कोबोर सोर ताहेंकानते, जिसुकिन बायकेदेया, जिहुदिकोवाक् सापड़ावक् दिन ताहेंकानते।
നിലവിൽ തിരഞ്ഞെടുത്തിരിക്കുന്നു:
जोहा 19: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
जोहा 19
19
पिला़त दो जिसु कुरुसे ला़गित्ए हुकुमेत्
(माथ 27:15-31; मा़र 15:6-20; लु 23:13-25)
1खान पिला़त दो जिसु साप् ओचोकातेये कोडरा ओचोकेदेया। 2आर पालटोनको दो जा़नुम रेयाक् मुकुट गालाङकाते बोहोक्रेको होरोक् आदेया, आर मित्टेन कुरसे बाहा रोङ आङगरोपको होरोक् आदेया 3आर उनि ठेन सेन सोरकातेको मेनकेदा, जोहार, जिहुदिकोरेन राजा, आरको थापा बाड़ाकेदेया। 4पिला़त दो आरहों बाहरेते ओडोक हेच्कातेये मेतात्कोवा, ञेलपे आपे ठेन बाहरेतेञ ओडोक आ़गुयेदेकाना, जेमोनपे बाडाय उनिरे चेत् दोस हों बा़ञ ञामेदा मेनते। 5आदो जिसु जा़नुम रेयाक् मुकुट आर कुरसे बाहा रोङ किचरिच् होरोक्आकात् बाहरेतेये ओडोक हेच्एना। आर पिला़ते मेतात्कोवा, ञेलेपे होड़तेत्। 6आदो माराङ नायकेको आर पाहरादारको दो उनिको ञेलकेदे खानको होहोकेदा, कुरुसकायमे, कुरुसकायमे, पिला़ते मेतात्कोवा आपे बाड़े इदियेपे, आर कुरुसकायपे, एनते इञ दो उनिरे दोस बा़ञ ञामेदा। 7जिहुदिकोको रोड़ रुवा़ड़ादेया, आले दो मित्टेन आ़न मेनाक्तालेया, आर ओना आ़न लेकाते गोच् ओचोक् लेक कानाय, एनते इसोररेन होपोन आच्तेये बेनाव आकाना। 8आदो पिला़त नोवा काथाय आँजोमकेत् खान आरतेत्गेये बोतोरेना, 9आर दोङगोलते बोलो रुवा़ड़काते जिसुइ मेतादेया, ओकारेन कानाम? मेनखान जिसु दो बाय रोड़ रुवा़ड़ादेया। 10पिला़ते मेतादेया, इञ तुलुच् बाम रोड़ा? बाम बाडाया आड़ाक्मे रेयाक् एकतिया़रि मेनाक्तिञा आर कुरुसमे रेयाक् हों एकतिया़रि मेनाक्तिञा? 11जिसुइ रोड़ रुवा़ड़ादेया, “इञ चेतानरे चेत् एकतिया़रि हों ओहो ताहेंलेनतामा चोट खोन बाङ एमलेम खान, ओना इया़ते आम ठेन सोपरोताकादिञिच् दो बा़ड़ति का़इ मेनाक्ताया।”
12नोवा इया़ते पिला़त दो आड़ागे ला़गित्ए टेसटायेत्कान ताहेंकाना, मेनखान जिहुदिको दो होहोवातेको मेनकेदा, “नुयेम आड़ाक्ले खान का़इसा़ररेन गाते दोम बाङ काना, आकोते राजा मेनोगोक्को दो जोतोगे का़इसा़र बिरुदरेन कानाको।” 13आदो पिला़त नोवाको काथाय आँजोमकेत् खान जिसु दो बाहरेतेये ओडोक आ़गुकेदेया, आर बिक्चा़र दुड़ुप्आक्रेये दुड़ुप् एना मित्टेन ठा़ँइरे ओकाटाक् बा़इसा़वाक् धिरिको मेनाक् (इबरिते दो, गाब्बाथा)। 14आर सेन पारोम पोरोब रेयाक् सापड़ावक् दिन ताहेंकाना, तिकिन आमदाज ताहेंकाना, आर जिहुदिकोय मेतात्कोवा, “ञेलेपे आपेरेन राजा।” 15आदो रा़गा़उ मेनतेको होहोकेदा, “इदियेम, इदियेम, कुरुसकायमे।” पिला़ते मेतात्कोवा, “आपेरेन राज इञ कुरुसकाया?” माराङ नायकेकोको रोड़ रुवा़ड़केदा, “चेले राजा हों बा़नुक्कोतालेया का़इसा़र छाडा।” 16आदो कुरुस ओचोक् ला़गित् ओनको ठेने सोपरोतकादेया।
जिसुइ कुरुसेन
(माथ 27:32-44; मा़र 15:21-32; लु 23:26-43)
आदो जिसुको इदिकेदेया, 17आर आच् ला़गित् कुरुस गोक्कातेये ओडोक चालावेना खा़परिको मेताक् जायगाते, (ओकाटाक् दो इबरिते गोलगोथाको मेताक्),
18आर ओंडेको कुरुसकेदेया, आर उनि तुलुच् आर बार होड़ देनेबानार सेच्रे आर जिसु दो तालारे। 19पिला़त दो मित्टेच् ओलाक् ओलकाते कुरुस चेतानरेये बा़इसा़उ ओचोकेदा, ओलाक् दो नोवा ताहेंकाना, “नासारेतरेन जिसु जिहुदिको रेन राजा।” 20नोवा ओलाक् दो जिहुदिको मोद रेन ढेर होड़को पाड़हावकेदा, एनते जिसुइ कुरुस ओचोयेन ठा़ँइ दो नागराहा सोररेगे ताहेंकाना, आर ओना दो इबरि, रोमि आर जुना़नि पा़रसिते ओल आकान ताहेंकाना। 21आदो जिहुदिको रेन माराङ नायकेको दो पिला़तको मेतादेया, “आलोम ओला जिहुदिको रेन राजा दो, बिचकोम नोवागे ओलमे, उनिये मेनकेदा, जिहुदिको रेन राज कानाञ।” 22पिला़ते रोड़ रुवा़ड़केदा, “ओल आकात्आक् दोञ ओल आकादा।” 23आदो पालटोनको जिसुको कुरुसकेदे खान, उनियाक् किचरिच्को हातावकेदा, आरको पोन हा़टिञकेदा, मिमित् पालटोन ला़गित् मित् हा़टिञ, आर आङगरोप हों। मेनखान आङगरोप दो बिन रोक्आक्, चेतान खोन गोटा तेञाक्गे ताहेंकाना। 24ओनातेको मेपेनेना, “नोवा दो आलोबोन ओड़ेजमा, बिचकोम ओना रेयाक् दोबोन गुलिबाँटमा ओकोयाक् होयोक्आ,” जेमोन सोसतोर रेयाक् काथा पुरा़उक्, एनकाथाय, “इञाक् किचरिच्को हा़टिञाना आर इञाक् आङगरोप ला़गित् दोको गुलिबाँटकेदा।” आदो पालटोनको दोको ओनकाकेदा। 25आर जिसुवाक् कुरुस ठेन उनिरेन एङगात आर एङगाततेत्रेन बोयहा कुड़ि, कलोपास रिनिच् मा़रिया़म आर मागदालिनि मा़रिया़मको तेङगोवाकान ताहेंकाना। 26आदो जिसु आच् एङगात आरे दुला़ड़ेदिकान ताहेंकान चेला सोररे तेङगोवाकान ञेलकाते एङगाततेत्ए मेतादेया, “ए गो ञेलमे, नुक्उँयताम होपोनमे।” 27इना़काते उनि चेलाय मेतादेया, “ञेलमे नुक्उँयताम एङगाम।” आर इना़ घा़ड़िच् खोनगे उनि चेला दो ओड़ाक्तेये इदिकेदेया।
जिसुइ गोच्एन
(माथ 27:45-56; मा़र 14:33-41; लु 22:44-49)
28नोवा तायोमते जिसु दो सानामाक् पुरा़उआकाने बाडायकेत्ते, सोसतोर पुरा़उक्आ मेनतेये मेनकेदा, तेताङेदिञा। 29ओंडे दो सिरका़ते पेरेच् मित्टेन भाजान दोड़ोम आकान ताहेंकाना, आदो सिरका़ते लोहोत् इसपोंज हुसोप ढा़ँटकिच्रे गुतुकाते मोचा ठेनको तोमबोङादेया। 30आदो जिसु सिरका़इ ञुकेत् खाने मेनकेदा, “पुरा़वेना” आर बोहोक्ए कुडबुरकेत्ते जिविये जिमा़केत्ताया।
जिसु कोखारेको सोबोक्केदे
31खानगे जिहुदिको दो सापड़ावक् दिन ताहेंकानते,जिरा़उक् माँहाँरे मा़ँड़िं दो कुरुसरे आलो ताहेना मेनते एनते ओना जिरा़उक् माँहाँ दो माराङगे ताहेंकाना पिला़तको नेहोंरादेया जेमोन ओनकोवाक् जाङगाको रा़पुदताको आरको इदिको। 32आदो पालटोनको हेच्काते जिसु साँवतेये कुरुस आकान पा़हिलिच् रेयाक् जाङगाको रा़पुत्केत्ताया आर उनि तुलुच् कुरुस सेलेत्लेदे दोसारिच् रेयाक् होंको रा़पुत्केदा, 33मेनखान जिसु ठेनको हेच्एन खान गोच् हाताड़आकानको ञेलकेदेते उनियाक् जाङगा दो बाको रा़पुत्लेदा, 34मेनखान पालटोनको मोदरेन मित् होड़ दो बोरलोमते कोखारेये सोबोक्केदेया आर माँयाँम आर दाक् ओडोकगोत्एना। 35आर ञेलआकात्इच्गे गोहाय एमआकादा, आर उनियाक् गोहा दो सा़रिगेया, आर उनिये बाडाया सा़रिगेये रोड़ेदा मेनते जेमोन आपे होंपे पा़तिया़उक्। 36एनते नोवाको दो होयेना जेमोन सोसतोर पुरा़उक् बाङमा, उनियाक् मित्टेन जाङ हों बाङ रा़पुत् गेजेरोक्आ,#सेरेञको 34:20 37आर आरहों एटाक् सोसतोरे मेनेदा, सोबोक्ताप्लेदेयिच्को बेङगेत्आया।#सेकारिया़ 12:10
जिसुको तोपाकेदे
(माथ 27:57-61; मा़र 15:42-47; लु 23:50-56)
38आर नोवाको तायोम आ़रिमा़थिया़रेन जोसेफ ओने उनि जिसुरेन मित्टेन चेलाए ताहेंकान, मेनखान ओकोते जिहुदिकोरेन एकतिया़रियानको बोतोरते जिसुवाक् मा़ँड़िं इदिया मेनते पिला़ते नेहोंरादेया आर पिला़त दोए आड़ाक्आदेया। खानगे हेच्काते उनियाक् मा़ँड़िंये इदिकेदा। 39आर निकोदेमुस होंए हेच्एना। ओने उनि पा़हिल धाव ञिंदा़ उनि ठेने हेच्लेन पेगेल पे किला़ गान मेसावाक् मुर आर ओगुरुवानते।#जोहान 3:1-2 40आदो जिसुवाक् मा़ँड़िं हातावकाते ओनाको मोंहोंक सुनुम सालाक् चिरा़आकात् मुसना़ किचरिच्कोतेकिन बेदहावकेदेया, जिहुदिकोवाक् तोपा चा़लि लेका। 41ओनेको कुरुसलेदे ठेन मित्गोटेन बागवान ताहेंकाना आर बागवानरे दो मित्टेन नावाँ खोलाव कोबोर ताहेंकाना। ओने ओनारे तिस हों ओकोय हों बाको बायआकात्को ताहेंकान। 42ओंडेगे ओना कोबोर सोर ताहेंकानते, जिसुकिन बायकेदेया, जिहुदिकोवाक् सापड़ावक् दिन ताहेंकानते।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025