जोहा 18
18
जिसुइ गिरिपतारेन
(माथ 26:47-56; मा़र 14:43-50; लु 22:47-53)
1जिसु नोवाकोय रोड़केत् खान आच्रेन चेलाको साँवते केदरोन नाला ओनपारोमे ओडोक चालावेना, ओंडे दो मित्टेन बागवान ताहेंकाना, ओने ओनारे आच् आर आच्रेन चेलाको होंको बोलोयेन। 2आर आच् सोसोपरोतिच् जिहुदा़ हों ओना जायगा दोए बाडायकान ताहेंकाना, एनते जिसु दो आ़डि धाव आच्रेन चेलाको तुलुच् ओंडेये सेन ञापामोक्कान ताहेंकाना। 3आदो जिहुदा़ पालटोन खातारेनको, आर माराङ नायकेको, आर फा़रिसिको ठेन खोन पाहरादारको ञामकाते, दिउहेको आर चेछाको आर खानडाभानडाकोवानते ओंडेये चालावेना। 4आदो जिसु आच्रे हेच् पाड़ावक्कान सानामाक्को बाडायकाते ओनको सामाङरे ओडोक सेनेनतेये मेतात्कोवा, “ओकोयपे ञामेकाना?” 5रोड़ रुवा़ड़ादेयाको, “नासारेतरेन जिसु,” जिसुइ मेतात्कोवा, “इञकानगेयाञ, आच् सोसोपरोतिच् जिहुदा़ हों ओनको तुलुच्ए तेङगोवाकान ताहेंकाना। 6आदो इञकानगेयाञे मेतात्को खानको पा़च एना आर ओतरेको भिनदा़ड़ेना। 7आदो आरहोंए कुलिकेत्कोवा, ओकोयपे ञामेकाना? मेनकेदाको नासारेतरेन जिसु।” 8जिसुइ रोड़ रुवा़ड़ात्कोवा, “मेतात्पेचोञ इञकानगेया़ञ, आदो इञगेपे ञामेञकान खान, नोको दो सेन ओचोवाकोपे।” 9जेमोने मेनलेत् काथा पुरा़उक्, बाङमा, आमेम एम आकावादिञको मोद खोन मित् गोटेन हों बा़ञ आत्आकादेया। 10आर सिमोन पातरास दो मित्टेन तारवाड़े ताहेंकानतायते ओनाय बोच्केदा, आर माराङ नायकेरेन गोलामे उयुक्आदेया, आर उनियाक् एतोम लुतुरे हेसेकेत्ताया, उनि गोलाम रेयाक् ञुतुम दो मा़लकुस ताहेंकानताया। 11खान जिसु दो पातरासे मेतादेया, “तारवाड़े दो भोकाररे गोतावमे, बाबाय एम आकावादिञ बा़टि दो चेत् बा़ञ ञुया?”
जिसु हान्नास सामाङरे
12खानगे पालटोन खातारेनको, आर माराङ सुबेदारको आर जिहुदिकोरेन पाहरादारको दो जिसु साप्केदेतेको तोलकेदेया, 13आर हान्नास ठेनको इदि माड़ाङकेदेया, एनते उनि दो एन सेरमारेन माराङ नायके कायाफारेन होंयहारतेत्ए ताहेंकाना। 14नुय कायाफा दो उनिगे ओने जिहुदिकोय सोलहावात्को ताहेंकान, बाङमा, दिसा़म होड़को ला़गित् मित् होड़े गुजुक्गे बोगेया।
पातरास जिसुइ बाङेकान
(माथ 26:69-70; मा़र 14:66-68; लु 22:55-57)
15आर सिमोन पातरास आर मित्टेन एटागिच् चेला दो जिसुकिन पाँजा इदिकेदेया। उनि चेला दो माराङ नायकेरेन ञेपेल ओपरोम होड़े ताहेंकाना, आर जिसु साँवते माराङ नायकेयाक् बाखेर राचारेये बोलोयेना। 16मेनखान पातरास दो दुवा़र ठेन बाहरेरेये तेङगो ताहेंयेना। ओनाते माराङ नायके ठेन ओपरोम उनि एटागिच् चेला दोए ओडोक हेच्एना आर दुवा़र होरहोयिच् का़ड़मिये गालमारावादेते पातरासे आदेरकेदेया। 17आदो उनि दुवा़र होरहोयिच् का़मड़ि दो पातरासे मेतादेया, “आम हों उनि होड़रेन चेलाको मोदरेन दोम बाङ काना?” उनिये मेनकेदा, “बाङ कानाञ।” 18आर गोलामको आर पाहरादारको दो राबाङकान ताहेंकानते कुइला़ सेङगेल जोलकाते तेङगोकातेको जोरोक्आकान ताहेंकाना, आर पातरास हों ओनको तुलुच् तेङगोवाकाने जोरोक्आकान ताहेंकाना।
जिसु माराङ नायके ठेने कुलि ओचोक्कान
(माथ 26:59-66; मा़र 14:55-64; लु 22:66-71)
19आर माराङ नायके दो जिसुइ कुलिकेदेया आच्रेन चेलाको रेयाङ आर आयाक् चेचेत्आक् रेयाङ। 20जिसुइ रोड़ रुवा़ड़केदा, “इञ दो सोदोरते धा़रतिरेनकोञ गालमाराव आकावात्कोवा, इञ दो जावगे सुना़गोगरे आर कोयजोङ ओड़ाक्रेञ चेत्आत्कोवा ओने ओकारे जोतो जिहुदिकोको जारवाक् आर ओकोरे दो चेत् हों बा़ञ रोड़ाकादा। 21चेदाक् इञ दोम कुलियेदिञकाना? आँजोमाकात्कोगे कुलिकोम चेत् इञ गालमारावआकावात्कोवा, ञेलमे ओनकोको बाडाया रोड़ाकात्आक्को दो।”
22आर नोवाकोय रोड़केत् खान सोररे तेङगोवाकान पाहरादारको मोदरेन मित् होड़ दो जिसुइ थापाकेदेया, नोनका मेन तुलुच्, “माराङ नायके नोनकाम रोड़ रुवा़ड़ाय काना?” 23जिसुइ रोड़ रुवा़ड़केदा, “बा़ड़िच् इञ रोड़केत् खान, ओना बा़ड़िच् रेयाक् सा़बुतका़तिञमे, मेनखान बोगेगे खान, चेदाक्एम दालेञकाना?” 24खान हान्नास दो माराङ नायके कायाफा ठेन तोलगेये कोलकादेया।
पातरास दो आरहों जिसुइ बाङेकान
(माथ 26:71-75; मा़र 14:55-64; लु 22:66-71)
25आर सिमोन पातरास दो तेङगोवाकाने जोरोक्आकान ताहेंकाना। आदोको मेतादेया, आम हों उनिरेन चेलाको मोदरेन दोम बाङ काना? उनि दो बाङकेत्तेये मेनकेदा, बाङ कानाञ। 26माराङ नायकेरेन गोलामको मोदरेन मित् होड़ पातरास लुतुरे हेसेलेत्तायिच्रेन पेड़ा मेनकेदा, इञ दो बागवानरे उनि तुलुच् बा़ञ ञेललेत्मेया? 27पातरास दो आरहोंए बाङकेदा, आर साटमेनते सिम सा़ंडिये राक् गोत्केदा।
जिसु पिला़त सामाङरे
(माथ 27:1-2; 27:11-14; मा़र 15:1-5; लु 22:1-5)
28आदो कायाफा ठेन खोन जिसु दो दिसा़म चालाविच् रेयाक् दोङगोलतेको इदिकेदेया, आ़डि सेताक्गे ताहेंकाना, आर जिहुदिकोरेन एकतिया़रियानको दोङगोलते दो बाको बोलोलेना जेमोन आलोको छुतोक्, बिचकोम जेमोन सेन पारोम पोरोब रेयाक्को जोम। 29ओनाते पिला़त दो ओनको ठेन बाहरेते ओडोक हेच्एनतेये मेनकेदा, “नुय होड़ दो चेत्पे ला़लिसाय काना?” 30रोड़ रुवा़ड़ादेयाको, “नुय होड़ बा़ड़िच् का़मियिच् आलोय ताहेंन खान होनाङ, आम ठेन दो ओहोले सोपरोतलेया।” 31पिला़ते मेतात्कोवा, “आपे बाड़े इदियेपे आर आपेयाक् आ़न लेका बिचा़रेपे,” जिहुदिकोको मेतादेया, “आले दो हुकुम बा़नुक्तालेया जाहाँय होड़ गोच्को ला़गित्,” 32जेमोन जिसुवाक् काथा पुरा़उक् ओकाटाक् ओना उदुगा मेनतेये रोड़लेत्, चेत्लेकान गुजुक्तेये गुजुक् ला़गिदोक्कान।#जोहान ३:१४; १२:३२
33आदो पिला़त आरहों दोङगोल भितरितेये बोलोयेना आर जिसु होहोवादेतेये मेतादेया, “आम दो जिहुदिकोरेन राजा कानाम?” 34जिसुइ रोड़ रुवा़ड़केदा, “आम दो आमतेगे ओनाम रोड़ेदा, से एटाक् होड़ इञ रेयाङको ला़इयाकावात्मेया?” 35पिला़ते रोड़ रुवा़ड़केदा, “इञ दो बाङ दोञ जिहुदिकान? आम निजे जा़तरेनको आर माराङ नायकेकोगे चोङ इञ ठेनको सोपरोत आकात्मे, चेत्एम चेकावाकादा?” 36जिसुइ रोड़ रुवा़ड़केदा, “इञाक् राज दो नोवा धा़रति रेयाक् दो बाङ काना, नोवा धा़रति रेयाक् इञाक् राज ताहेन खान होनाङ, इञरेन गुतिकोको ला़ड़हा़इकोक्आ जेमोन जिहुदिको ठेन आलोञ सोपरोत ओचोक्, मेनखान इञाक् राज दो नोंडेनाक् दो बाङ काना।” 37आदो पिला़ते मेतादेया, “एनडेखान मित्टेन राजा कानगेयाम?” जिसुइ रोड़ रुवा़ड़केदा, “आमेम मेनेत् काना, मित्टेन राजा कानगेया़ञ। इञ दो नोवा ला़गित् इञ जानामाकाना आर नोवा ला़गित् धा़रतितेञ हेच् आकाना जेमोन सा़रियाक् रेयाक् गोहाञ एम, सा़रियाक्रेन मित्के मित् होड़ दो इञाक् आड़ाङको आँजोमा।” 38पिला़ते मेतादेया, “सा़रियाक् दो चेत्काना?”
जिसु गोजे रेयाङ हुकुम
(माथ 27:15-31; मा़र 15:6-20; लु 23:13-25)
आर नोवाकोय मेनकेत् खान जिहुदिको ठेन आरहोंए ओडोकेना आरे मेतात्कोवा, “इञ दो चेत् दोस हों उनिरे बा़ञ ञामेदा। 39मेनखान आपेयाक् मित्टेन चा़लि मेनाक्आ, जेमोन सेन पारोम पोरोबरे मित् होड़ इञ आड़ाक्आपे, एनडेखान जिहुदिकोरेन राजा इञ आड़ाक्आपेपे मेनजोङकाना?”
40खानगे आरहों होहोवातेको मेनकेदा, “नुय दो बाङ, बिचकोम बाराब्बागे,” आर बाराब्बा दो मित्टेन डा़कुइ ताहेंकाना।
നിലവിൽ തിരഞ്ഞെടുത്തിരിക്കുന്നു:
जोहा 18: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
जोहा 18
18
जिसुइ गिरिपतारेन
(माथ 26:47-56; मा़र 14:43-50; लु 22:47-53)
1जिसु नोवाकोय रोड़केत् खान आच्रेन चेलाको साँवते केदरोन नाला ओनपारोमे ओडोक चालावेना, ओंडे दो मित्टेन बागवान ताहेंकाना, ओने ओनारे आच् आर आच्रेन चेलाको होंको बोलोयेन। 2आर आच् सोसोपरोतिच् जिहुदा़ हों ओना जायगा दोए बाडायकान ताहेंकाना, एनते जिसु दो आ़डि धाव आच्रेन चेलाको तुलुच् ओंडेये सेन ञापामोक्कान ताहेंकाना। 3आदो जिहुदा़ पालटोन खातारेनको, आर माराङ नायकेको, आर फा़रिसिको ठेन खोन पाहरादारको ञामकाते, दिउहेको आर चेछाको आर खानडाभानडाकोवानते ओंडेये चालावेना। 4आदो जिसु आच्रे हेच् पाड़ावक्कान सानामाक्को बाडायकाते ओनको सामाङरे ओडोक सेनेनतेये मेतात्कोवा, “ओकोयपे ञामेकाना?” 5रोड़ रुवा़ड़ादेयाको, “नासारेतरेन जिसु,” जिसुइ मेतात्कोवा, “इञकानगेयाञ, आच् सोसोपरोतिच् जिहुदा़ हों ओनको तुलुच्ए तेङगोवाकान ताहेंकाना। 6आदो इञकानगेयाञे मेतात्को खानको पा़च एना आर ओतरेको भिनदा़ड़ेना। 7आदो आरहोंए कुलिकेत्कोवा, ओकोयपे ञामेकाना? मेनकेदाको नासारेतरेन जिसु।” 8जिसुइ रोड़ रुवा़ड़ात्कोवा, “मेतात्पेचोञ इञकानगेया़ञ, आदो इञगेपे ञामेञकान खान, नोको दो सेन ओचोवाकोपे।” 9जेमोने मेनलेत् काथा पुरा़उक्, बाङमा, आमेम एम आकावादिञको मोद खोन मित् गोटेन हों बा़ञ आत्आकादेया। 10आर सिमोन पातरास दो मित्टेन तारवाड़े ताहेंकानतायते ओनाय बोच्केदा, आर माराङ नायकेरेन गोलामे उयुक्आदेया, आर उनियाक् एतोम लुतुरे हेसेकेत्ताया, उनि गोलाम रेयाक् ञुतुम दो मा़लकुस ताहेंकानताया। 11खान जिसु दो पातरासे मेतादेया, “तारवाड़े दो भोकाररे गोतावमे, बाबाय एम आकावादिञ बा़टि दो चेत् बा़ञ ञुया?”
जिसु हान्नास सामाङरे
12खानगे पालटोन खातारेनको, आर माराङ सुबेदारको आर जिहुदिकोरेन पाहरादारको दो जिसु साप्केदेतेको तोलकेदेया, 13आर हान्नास ठेनको इदि माड़ाङकेदेया, एनते उनि दो एन सेरमारेन माराङ नायके कायाफारेन होंयहारतेत्ए ताहेंकाना। 14नुय कायाफा दो उनिगे ओने जिहुदिकोय सोलहावात्को ताहेंकान, बाङमा, दिसा़म होड़को ला़गित् मित् होड़े गुजुक्गे बोगेया।
पातरास जिसुइ बाङेकान
(माथ 26:69-70; मा़र 14:66-68; लु 22:55-57)
15आर सिमोन पातरास आर मित्टेन एटागिच् चेला दो जिसुकिन पाँजा इदिकेदेया। उनि चेला दो माराङ नायकेरेन ञेपेल ओपरोम होड़े ताहेंकाना, आर जिसु साँवते माराङ नायकेयाक् बाखेर राचारेये बोलोयेना। 16मेनखान पातरास दो दुवा़र ठेन बाहरेरेये तेङगो ताहेंयेना। ओनाते माराङ नायके ठेन ओपरोम उनि एटागिच् चेला दोए ओडोक हेच्एना आर दुवा़र होरहोयिच् का़ड़मिये गालमारावादेते पातरासे आदेरकेदेया। 17आदो उनि दुवा़र होरहोयिच् का़मड़ि दो पातरासे मेतादेया, “आम हों उनि होड़रेन चेलाको मोदरेन दोम बाङ काना?” उनिये मेनकेदा, “बाङ कानाञ।” 18आर गोलामको आर पाहरादारको दो राबाङकान ताहेंकानते कुइला़ सेङगेल जोलकाते तेङगोकातेको जोरोक्आकान ताहेंकाना, आर पातरास हों ओनको तुलुच् तेङगोवाकाने जोरोक्आकान ताहेंकाना।
जिसु माराङ नायके ठेने कुलि ओचोक्कान
(माथ 26:59-66; मा़र 14:55-64; लु 22:66-71)
19आर माराङ नायके दो जिसुइ कुलिकेदेया आच्रेन चेलाको रेयाङ आर आयाक् चेचेत्आक् रेयाङ। 20जिसुइ रोड़ रुवा़ड़केदा, “इञ दो सोदोरते धा़रतिरेनकोञ गालमाराव आकावात्कोवा, इञ दो जावगे सुना़गोगरे आर कोयजोङ ओड़ाक्रेञ चेत्आत्कोवा ओने ओकारे जोतो जिहुदिकोको जारवाक् आर ओकोरे दो चेत् हों बा़ञ रोड़ाकादा। 21चेदाक् इञ दोम कुलियेदिञकाना? आँजोमाकात्कोगे कुलिकोम चेत् इञ गालमारावआकावात्कोवा, ञेलमे ओनकोको बाडाया रोड़ाकात्आक्को दो।”
22आर नोवाकोय रोड़केत् खान सोररे तेङगोवाकान पाहरादारको मोदरेन मित् होड़ दो जिसुइ थापाकेदेया, नोनका मेन तुलुच्, “माराङ नायके नोनकाम रोड़ रुवा़ड़ाय काना?” 23जिसुइ रोड़ रुवा़ड़केदा, “बा़ड़िच् इञ रोड़केत् खान, ओना बा़ड़िच् रेयाक् सा़बुतका़तिञमे, मेनखान बोगेगे खान, चेदाक्एम दालेञकाना?” 24खान हान्नास दो माराङ नायके कायाफा ठेन तोलगेये कोलकादेया।
पातरास दो आरहों जिसुइ बाङेकान
(माथ 26:71-75; मा़र 14:55-64; लु 22:66-71)
25आर सिमोन पातरास दो तेङगोवाकाने जोरोक्आकान ताहेंकाना। आदोको मेतादेया, आम हों उनिरेन चेलाको मोदरेन दोम बाङ काना? उनि दो बाङकेत्तेये मेनकेदा, बाङ कानाञ। 26माराङ नायकेरेन गोलामको मोदरेन मित् होड़ पातरास लुतुरे हेसेलेत्तायिच्रेन पेड़ा मेनकेदा, इञ दो बागवानरे उनि तुलुच् बा़ञ ञेललेत्मेया? 27पातरास दो आरहोंए बाङकेदा, आर साटमेनते सिम सा़ंडिये राक् गोत्केदा।
जिसु पिला़त सामाङरे
(माथ 27:1-2; 27:11-14; मा़र 15:1-5; लु 22:1-5)
28आदो कायाफा ठेन खोन जिसु दो दिसा़म चालाविच् रेयाक् दोङगोलतेको इदिकेदेया, आ़डि सेताक्गे ताहेंकाना, आर जिहुदिकोरेन एकतिया़रियानको दोङगोलते दो बाको बोलोलेना जेमोन आलोको छुतोक्, बिचकोम जेमोन सेन पारोम पोरोब रेयाक्को जोम। 29ओनाते पिला़त दो ओनको ठेन बाहरेते ओडोक हेच्एनतेये मेनकेदा, “नुय होड़ दो चेत्पे ला़लिसाय काना?” 30रोड़ रुवा़ड़ादेयाको, “नुय होड़ बा़ड़िच् का़मियिच् आलोय ताहेंन खान होनाङ, आम ठेन दो ओहोले सोपरोतलेया।” 31पिला़ते मेतात्कोवा, “आपे बाड़े इदियेपे आर आपेयाक् आ़न लेका बिचा़रेपे,” जिहुदिकोको मेतादेया, “आले दो हुकुम बा़नुक्तालेया जाहाँय होड़ गोच्को ला़गित्,” 32जेमोन जिसुवाक् काथा पुरा़उक् ओकाटाक् ओना उदुगा मेनतेये रोड़लेत्, चेत्लेकान गुजुक्तेये गुजुक् ला़गिदोक्कान।#जोहान ३:१४; १२:३२
33आदो पिला़त आरहों दोङगोल भितरितेये बोलोयेना आर जिसु होहोवादेतेये मेतादेया, “आम दो जिहुदिकोरेन राजा कानाम?” 34जिसुइ रोड़ रुवा़ड़केदा, “आम दो आमतेगे ओनाम रोड़ेदा, से एटाक् होड़ इञ रेयाङको ला़इयाकावात्मेया?” 35पिला़ते रोड़ रुवा़ड़केदा, “इञ दो बाङ दोञ जिहुदिकान? आम निजे जा़तरेनको आर माराङ नायकेकोगे चोङ इञ ठेनको सोपरोत आकात्मे, चेत्एम चेकावाकादा?” 36जिसुइ रोड़ रुवा़ड़केदा, “इञाक् राज दो नोवा धा़रति रेयाक् दो बाङ काना, नोवा धा़रति रेयाक् इञाक् राज ताहेन खान होनाङ, इञरेन गुतिकोको ला़ड़हा़इकोक्आ जेमोन जिहुदिको ठेन आलोञ सोपरोत ओचोक्, मेनखान इञाक् राज दो नोंडेनाक् दो बाङ काना।” 37आदो पिला़ते मेतादेया, “एनडेखान मित्टेन राजा कानगेयाम?” जिसुइ रोड़ रुवा़ड़केदा, “आमेम मेनेत् काना, मित्टेन राजा कानगेया़ञ। इञ दो नोवा ला़गित् इञ जानामाकाना आर नोवा ला़गित् धा़रतितेञ हेच् आकाना जेमोन सा़रियाक् रेयाक् गोहाञ एम, सा़रियाक्रेन मित्के मित् होड़ दो इञाक् आड़ाङको आँजोमा।” 38पिला़ते मेतादेया, “सा़रियाक् दो चेत्काना?”
जिसु गोजे रेयाङ हुकुम
(माथ 27:15-31; मा़र 15:6-20; लु 23:13-25)
आर नोवाकोय मेनकेत् खान जिहुदिको ठेन आरहोंए ओडोकेना आरे मेतात्कोवा, “इञ दो चेत् दोस हों उनिरे बा़ञ ञामेदा। 39मेनखान आपेयाक् मित्टेन चा़लि मेनाक्आ, जेमोन सेन पारोम पोरोबरे मित् होड़ इञ आड़ाक्आपे, एनडेखान जिहुदिकोरेन राजा इञ आड़ाक्आपेपे मेनजोङकाना?”
40खानगे आरहों होहोवातेको मेनकेदा, “नुय दो बाङ, बिचकोम बाराब्बागे,” आर बाराब्बा दो मित्टेन डा़कुइ ताहेंकाना।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025